Matiu 10:27 - A Turoxoian Fa'ui Sina Piran

²⁷ “A so ta mo ne xuus nami sang mon pana mi taa kuusane la palou ina mu rabuna e so ta mo taara fo ferawai pana la palou itaara mon, mi taa xukulai pana talo a mu rabuna xapiak ri taa langaie.

Kara

²⁷ “A so ta mo ne xuus nami sang mon pana mi taa kuusane la palou ina mu rabuna e so ta mo taara fo ferawai pana la palou itaara mon, mi taa xukulai pana talo a mu rabuna xapiak ri taa langaie.

Matiu 10:27 ပူးပေါင်းရင်းမြစ်များ

Matiu 24:17

E nane aava waan laa'ui la putuna lifu i taa pife sivi xe lana lifu xena siak a maana mo sina.

Luuk 12:3

A so ta mo mi ferawai pana la suk a mu rabuna ri taa langaie la paanaas e so ta buk ferawaian mi fefinaasan kasame la lifu, a mu rabuna ri taa texaas sena malaan se' ri taxa xukulaiane laa'ui xuluna putuna lifu.

Luuk 8:10

E nane sui nari, “A texaasan sena mo fufunai sina fatataganan sina Piran ne taa xuus famatavas nami pana taasaxa xe sina xasanofuna ne taa ferawai paap mon talo: “‘Ri fexaxaas sena xalume taasaxa ri taa pife taraxalie, ri fexaxaas sena langaie taasaxa ri taa pife masam.’” Aisaia 6:9.

A Lagasai Roxo Na Jon A Xaleie 16:1

“Ne fo xuus nami pana maana mo aanabe' talo mi taa pife milung.

A Lagasai Roxo Na Jon A Xaleie 16:13

Taasaxa layaan a Vovau ina Tuunayan i taa savatmaan i taa faxalit nami pana maana mo xapiak aava ri tuuna sega. Nane i taa pife ferawai lapaana gutan sina sang mon taasaxa maana mo nane langaie i taa xuus nami pana e i taa xuus fatexaas nami pana mu vilaana aava ri pife savat lunai.

A Lagasai Roxo Na Jon A Xaleie 16:25

“Ne fo xuus nami pana maana mo aanabe' lana ferawaian paap. Taasaxa a yaan i taa savat layaan ne taa pife ferawai xe simi pana ferawaian paap fulaa taasaxa ne taa xuus fatexaas nami se Tamataara pana ferawaian fatak.

A Lagasai Roxo Na Jon A Xaleie 16:29

Nari mu fefeng sina ri kuus, “Aang, naboxo no taxa ferawai fatak e no pife ferawai paap.

Faisok 17:17

E voxo nane ferawai xe sina mu Juda e mu Griik aava ri suai sena Piran, lana lifu ina faxuvulan siri. E vaxa nane ferawai xe siri aava ri sangas la bina ina mamareiai.

Faisok 5:20

E a xuus nari o ri taa falet xe la tang lifu lotu xena xuus fatexaas a mu rabuna pana toyan xe vulai.

Faisok 5:28

“Maam fo kuus bukan nami o mi muta fepitaa fulaa pana isin aanabe'. Taasaxa mi fo yuuf a rabuna xaves ti Jerusalem pana fepitaian simi. Naak mi taxa vubuk timin a maatan sina mataa aanabe' xulumaam, bo?”

2 Korin 3:12

E voxo senaso taara toxan a lamon fanaian malaan taara tigina fatateak lana namkaian e taara pife faatasu.