Maak 16:16 - A Turoxoian Fa'ui Sina Piran

¹⁶ Nase' ta mataa i taa namkai sega e i taa fasufan, nane ve, ne taa fakaxupe. Taasaxa nase' i taa pife namkai sega a toxan a fakasanaman xana.

Kara

¹⁶ Nase' ta mataa i taa namkai sega e i taa fasufan, nane ve, ne taa fakaxupe. Taasaxa nase' i taa pife namkai sega a toxan a fakasanaman xana.

Maak 16:16 ပူးပေါင်းရင်းမြစ်များ

Matiu 28:19

Falet xo xe sina mu rabuna xapiak la xavala e fapiti nari talo ri taa namkai xena usiau. Fasuf nari lapaana isi Tamaang, a Natuna e a Vovau Xaradak

Maak 1:15

Nane kuus, “A yaan tuuna fo savat xong. A fatataganan sina Piran fo savat faasilak naboxo. Mi taa puk a xunus imi e mi taa namkai sena Lagasai Roxo.”

Luuk 8:12

Nari aava la salan, ri langai taasaxa na Setan i taa siak tapin a Ferawaian la xunus iri e ri taa pife namkai xena fakaxupan.

A Lagasai Roxo Na Jon A Xaleie 20:31

Taasaxa maana mo aava ri waan lana xakalayan aanabe' ne xaleie talo mi taa namkai o na Yesus a Mataa Failai (na Messia) e a Natuna Piran. E layaan mi taa namkai sena mi taa siak a toyan sina lapaana gutan ina isina.

A Lagasai Roxo Na Jon A Xaleie 3:36

Nase' ta mataa i taxa namkai se Natuna a toxan a toyan vulai, taasaxa nase' ta mataa i taa baian a Natuna i taa pife siak a toyan senaso a maraleian sina Piran taa waan xuluna mataa aave.”

A Lagasai Roxo Na Jon A Xaleie 3:5

E na Yesus a sui fulane, “Tuuna paaliu ne xuus nano, tamo ta mataa a pife luluk pana raarum e pana Vovau nane pife fexaxaas sena laak lana fatataganan sina Piran.

A Lagasai Roxo Na Jon A Xaleie 5:24

“Ne xuus tuunei nami, tamo ta mataa aava langai a ferawaian siak e namkai sena Saxa aava fo fengau, a mataa aave a toxan a toyan vulai. E nane aave i taa pife xalum a yaan ina tiisan senaso nane fo xasliu a maatan e taxa to.

A Lagasai Roxo Na Jon A Xaleie 6:29

Na Yesus a sui nari, “A faisok sina Piran a malaan: ‘Mi taa namkai sena saxa aava Piran fo fenge.’”

A Lagasai Roxo Na Jon A Xaleie 6:35

Na Yesus a xuus nari, “Nenia xa, ne bret ina toyan, nase' i taa filimaan xe siak i taa pife lagai e vaxa nane aava i taa namkai sega i taa pife ma'iu fulaa.

A Lagasai Roxo Na Jon A Xaleie 6:40

A vubuxanan si Tamaang a malaan: a maana mu rabuna aava ri xalum tuunei na Natuna e ri namkai sena, nari xo ri taa siak a toyan vulai, vulai, e fulaa ne taa fatatoi fa'uli nari lana Yaan Fataxapiak.”

A Lagasai Roxo Na Jon A Xaleie 8:24

E voxo nabe' a fufuna ferawaian siak xe simi o mi taa maat lapaana faasaalan simi; tamo mi pife namkai o nenia, ne Saxa aava molava, mi taa femaat lapaana mu vilaana saat simi.”

Faisok 10:43

A mu rabuna ina kuus fatuxai, ri ferawai xakaavang pana. Ri kuus o pana gutan ina isina i taa lamon tapin a vilaana saat sina rabuna aava ri puk a lamonan siri e ri namkai se Yesus.”

Faisok 13:46

Taasaxa na Pol nare Baanabas re tisui faagutan nari e re kuus, “Paamua, a mo roxo maame xuus tuunei nami pana ferawaian sina Piran. E senaso mi gigirane e mi baian a toyan vulai, lavaxa maame taa ta'ulan nami xena falet xe sina mu rabuna aava ri pife Juda

Faisok 2:38

Na Pita a sui nari, “Mi taa muluk a maana vilaana saat simi e mi taa puk a lamonan saat simi. E nami xapiak mi taa fasufan lapaana isi Yesus talo a Piran i taa lamon tapin a maana vilaana saat mi fo mo vile. E mui, mi taa siak a tatavai sina Piran aava Vovau Xaradak.

Faisok 2:41

E voxo nari aava ri kuus turoxo pana ferawaian si Pita, ri fasufan. E a xakatan iri fexaxaas sena 3,000.

Faisok 22:16

E naboxo no taxa nai bang a so? Tamasiak e no taa fasufan e gei tapin a mu vilaana saat siim lana isi Yesus.’”

A Si Pol Lagasai Xe Sina Mu Rom 3:6

Tamo a tiisan sina Piran pife fatak, malaafaa i taa tiis faroxoi a mu rabuna xapiak?

A Si Pol Lagasai Xe Sina Mu Rom 4:24

Ri waan xena xavang netaara aava Piran taa xali netaara pana rabuna fatak; netaara aava taara namkai o a Piran a fatatoi fa'uli na Yesus, a Memai sitaara, ti la mamaat.

2 Tesalonaika 1:8

I taa fakasanam nari aava ri pife namkai sena Piran e ri langai pesalai sena Lagasai Roxo se Memai Yesus sitaara.

2 Tesalonaika 2:12

E nari aava ri pife namkai sena tuunayan taasaxa ri faamamaas pana bilaian saat, a Piran taa tiis nari e xali nari pana vupuno.

1 Pita 1:21

A Piran a fatatoi fa'uli na Krais ti la maatan e tavaie pana isin lava e lapaa Krais mi namkai sena Piran. E voxo namkaian simi e lamon fanaian simi re waan fatateak xuluna Piran.

1 Pita 3:21

A raarum va saxa fakalimaanan aava faxalit netaara pana fasufan aava vilaana ina fakaxupaan nami. A fasufan aanabe' pife ina vil tapin a vusiit la tami, piau. Taasaxa pana fasufan aanabe' mi taxa kuus fanai lapaana Piran pana namkaian simi e sena nanasam roxo simi. A vilaana aanabe' i taxa fakaxup nami lapaana to fa'ulaian si Yesus Krais.

Kuusan Fasavatan 20:15

Tamo a isina saxa mataa pife waan lana Buuk Ina Toyan, nane vaxa, i taa tapinan xe lana Ulim Ina Fata.

Kuusan Fasavatan 21:8

Taasaxa nari aava ri faatasu pana usiau e ri pife namkai sega e nari aava ri vil a mo mosaat malaan: ri punuk mataa, tamai feruuk, vibit, neneng e ri nangus a mu piran bit; a nobina xana maana rabuna malaan ve a Ulim Ina Fata aava raam pana ʻsalfaʼ. A mo aanabe' ve a fataraguiaana maatan.”