Maak 11:14 - A Turoxoian Fa'ui Sina Piran

¹⁴ E nane faraweie malaan, “A rabuna taa pife fangan sema fulaa!” E mu fefeng ri langaie.

Kara

¹⁴ E nane faraweie malaan, “A rabuna taa pife fangan sema fulaa!” E mu fefeng ri langaie.

Maak 11:14 ပူးပေါင်းရင်းမြစ်များ

Matiu 21:19

E nane xalum a wai xakaap la xasing ina salan e falet soxote taasaxa pi ta xalana, a paxana mon. E nane kuus xe sina wai, “No taa pife fuaa fulaa!” E a wai xakaap a maiyang fa'ipul.

Matiu 21:33

Na Yesus a kuus, “Langai sena saxa ferawaian paap fulaa. A toxan a mataa tafuna xavala a xapis a uma sina pana yeis ina xalana wain. E nane fakaliuane pana vaafa e xaf a vaa'ul xena mimit a xalana aave. E nane vesan a lifu modus xe laa'ui xana rabuna ina faxatangaana uma sina. E mui nane tingin a saxano rabuna xena faisok e faxatang a uma e nane xo a ta'ulan a lifu sina xena falet xe pe la saxa bina lasuun.

Matiu 21:44

[Nase' ta mataa a poxo xuluna faat naang i taa tugurum sena e tamo a faat naang i taa poxo xulun' ta mataa i taa mimite e a mataa aave i taa malaan sena pof.]”

Matiu 3:10

A yaamu i taxa waan xo la funa mu wai e a maana wai aava ri pife fasavat a xalana roxo a Piran taa tei tapin nari xe lana fata.

Matiu 7:19

E ta wai aava pife fasavat a xalana roxo i taa tei tapinan xe lana fata.

Maak 11:13

E nane xalum a wai malaan sena xakaap a toxan a paxana xaves. E nane falet xe pave rao i taa murul a xalana. Taasaxa layaan nane fe savat pe la funa wai e xalume, piau ta xalana senaso pife yaan ina fuaian sina lunai.

Maak 11:15

E mui ri savat pe Jerusalem e ri laak lana tang lifu lotu pave. E na Yesus a xup tapin a mu rabuna aava ri taxa faasot pana mu bulmakau e sipsip lana lifu lotu. E nane puk tapin a mu ivin sina rabuna aava ri taxa fesoxulai pana maana buk faat ina maraanan o ri taxa faasot pana mu maanu.

A Lagasai Roxo Na Jon A Xaleie 15:6

Nase' ta mataa pife taagul xuvul paga ri taa tapin fapalauane malaan sena raxan ina wai aava mu rabuna ri tapine talo i tafe maiyang. Mui ri faxuvul a mu raxan naang e ri timin nari lana fata xena faramaana.

2 Pita 2:20

Layaan a rabuna ri texaas sena Memai sitaara, na Yesus Krais, a saxa ina fakaxupaan netaara e ri fo sinuf sena lalosaat ti la xavala, e mui ri fe fifius fatateak fulan nari lana vilaana saat e a vilaana aave i taa fa'onam nari; a waanan siri i tafe saat paaliu sena waanan siri ti paamua.

Kuusan Fasavatan 22:11

A mataa aava bilai fasaat, ta'ulane i waan su malaan. A mataa a fuuna usi a vilaana lalosaat, ta'ulane i waan su malaan. A mataa aava bilai faroxo, ta'ulane i waan su malaan. A mataa a fuuna usi a vilaana fatak e tuuna, ta'ulane i waan su malaan vaxa.”