Luuk 8:44 - A Turoxoian Fa'ui Sina Piran

⁴⁴ A tefin aave a sangasmaan lami Yesus e maa tao a itina marapi sina e a giisan aave moxo malit paaliu et sena.

Kara

⁴⁴ A tefin aave a sangasmaan lami Yesus e maa tao a itina marapi sina e a giisan aave moxo malit paaliu et sena.

Luuk 8:44 ပူးပေါင်းရင်းမြစ်များ

Matiu 20:34

Na Yesus a muluk nare e tao a matare e monabe' mon re kaalum fulaa e re usie.

Matiu 8:3

Na Yesus a talangai xe sina pana mana e tawe e a suie, “Aang, ne vubuxane. Savat roxo!” A tana mataa aave a savat roxo fa'ipul sena giisan sina.

Matiu 9:20

Layaan na Yesus taxa sangas et a tefin aava toxan a lagafan pana ragei lava pana mariaas sangafilu saxa pana taragua, a savat la mina senaso a ilisai, “Naak ne taa tao a marapi sina mon e ne taa roxo fulaa.” E voxo a tao a xasing ina marapi sina.

Maak 6:56

E la maana yaan layaan nane savat la saxa bina, modak o molava, a mu rabuna pave ri fuuna xel faxuvul a mu rabuna pana giisan xe la bina ina faasot e ri fe nung na Yesus rao a rabuna giis ri taa tao mon a marapi sina. E nase' ta mataa i taa tawe a giisan sina i taa taxapus e i taa roxo fulaa.

Luuk 13:13

E mui a timin a mana xuluna e monabe' mon a tefin aave a tigina fatak e a kuus fati a Piran.

Luuk 7:38

Nane maa tigina taangiis la ka Yesus e a xamak a kana pana raarum ti la matana. E a fapagalaye pana fui sina e a nguse e mui tiuan a mo lalas aave xuluna kana.

Luuk 8:43

E la palou iri a toxan a saxa tefin aava toxan a lagafan pana ragei lava pana mariaas sangafilu saxa pana taragua e pi ta mataa a fexaxaas sena vil faroxoie.

Luuk 8:45

Na Yesus a fiai, “Nase' fo tawau?” Layaan nari xapiak ri faaxolus, na Pita a kuus, “Memai, a rabuna xaves ri taxa fakaliuan nano e ri taxa sot la taam.”

A Lagasai Roxo Na Jon A Xaleie 5:13

Taasaxa, a mataa aava vil faroxoian, a vungut o nase' ve fo vil faroxoie. E na Yesus fo laak malit senaso a malila molava ri waan la bina aapave.

Faisok 19:12

a maana marapi modak aava na Pol a tawe, ri lisan nari xe sina mu rabuna aava ri giis. E layaan nari, ri tawe, a giisan siri o a vovau saat siri, ri malit.

Faisok 5:15

A mu rabuna ti Jerusalem ri langai sena maana mo a mu yaamut ri fo vile e voxo ri siak fasavat a maana rabuna aava ri giis e ri fe famati nari la vangana salan talo a xaxaalua i Pita i taa poxo xuluri layaan i taxa sangas et e ri taa roxo fulaa.