Luuk 18:9 - A Turoxoian Fa'ui Sina Piran

⁹ Na Yesus a ferawai paap malaanabe' xe sina saxano rabuna aava ri lamon o a faisok siri a xaradak e ri xalum fasivi a xasano rabuna

Kara

⁹ Na Yesus a ferawai paap malaanabe' xe sina saxano rabuna aava ri lamon o a faisok siri a xaradak e ri xalum fasivi a xasano rabuna

Luuk 18:9 ပူးပေါင်းရင်းမြစ်များ

Luuk 10:29

Taasaxa mataa aave a vubuk rao a mu rabuna ri taa lamon faroxo pana e voxo a fin na Yesus, “E nase' ve a mu tauga?”

Luuk 15:2

Taasaxa mu Ferasi e mu rabuna ina fepitaa pana vuputkai ri ferawai kasam e fefinaas malaan, “A mataa aanabe' a fesing xuvul pana mu rabuna saat e fangan xuvul pari.”

Luuk 16:15

E nane xuus nari, “Nami, mi kuusan famatavas a maana vilaana simi la matana mu rabuna, taasaxa Piran a texaas sena vubuxanan simi. A maana mo aava rabuna ri vubuxan temasaatane, a Piran a baiane.

Luuk 18:11

A Ferasi aave a ti fenung pana xa malaan, ‘Piran ne kuus faasiroxo xe siim senaso nenia, ne pife malaan sena xasanofuna aava ri fenau o ri tamai xolai o ri vivil a saat e vaxa ne pife malaan sena mataa ina siak taakis aamove.

Luuk 19:7

A mu rabuna xapiak ri xalum a vilaana si Yesus e ri ferawai lilimugai, “Nane fo laak xe lana lifu sina saxa ‘mataa fafasaal’.”

Luuk 7:39

Layaan a Ferasi naang aava fo xel na Yesus xe la lifu sina, a xalum a vilaana aanabe' nane ilisai, “Tamo a mataa aanabe' a mataa ina kuus fatuxai tuuna i taa texaas se' nase' taxa tawe e nane a so ta buk tefin- a tefin pana vilaana saat.”

A Lagasai Roxo Na Jon A Xaleie 8:48

A mu matalava Juda ri xuuse, “Naak maam taxa ferawai fatak, bo? Nano, no saxa Sameria e a vovau saat fo vao nano, bo?”

A Lagasai Roxo Na Jon A Xaleie 9:28

E ri sei pengane, “Nano, no fefeng sina, taasaxa nemaam, maam mu fefeng si Moses.

A Lagasai Roxo Na Jon A Xaleie 9:34

E nari, ri suie, “Nano, no fo taagul lapaana vilaana saat ti la yaan ina luxaan nano, malaafaa no taxa lamon o no fexaxaas sena fapiti nemaam?” E ri ti votane i muta laak lana mu lifu ina faxuvulan.

Faisok 22:21

“E mui a Memai a xuusau, ‘Falet, ne taa feng nano xe lasuun xe sina mu rabuna aava ri pife Juda.’”

A Si Pol Lagasai Xe Sina Mu Rom 10:3

A mu Juda ri pife masam faroxo pana vilaana ina tigina fatak sina Piran, ri buk tigina fatak pana vilaana siri xa e voxo ri pife fasivi nari xa lapaana vilaana fatak sina Piran.

A Si Pol Lagasai Xe Sina Mu Rom 14:10

Lavaxa, senasou e mi fetiisan nami? Senasou e mi kaalum fasivi xulumi? Senaso mui lana yaan ina tiisan, netaara xapiak taara taa tigina la nona Piran.

A Si Pol Lagasai Xe Sina Mu Rom 14:3

E voxo saxa aava ngan a maana mo xapiak, i taa pife kaalum fasivi xuluna saxa aava pife ngan a maana buk fanganan. E vaxa saxa aava pife fangan, i taa pife tiis nane aava fangan senaso a Piran fo siak fati nare xapiak.

A Si Pol Lagasai Xe Sina Mu Rom 7:9

Paamua, layaan ne pife masam faroxo pana vuputkai sina Piran, ne lamon o ne tigina faroxo la matana. Taasaxa, layaan a vuputkai aave a savat la matavas, ne texaas o ne fo faasaal sena vuputkai sina Piran e ne maat.