Luuk 12:40 - A Turoxoian Fa'ui Sina Piran

⁴⁰ Nami sait, mi taa faxatang vulai senaso a Natuna Mataa i taa savat la yaan mi pife texaas sena.”

Kara

⁴⁰ Nami sait, mi taa faxatang vulai senaso a Natuna Mataa i taa savat la yaan mi pife texaas sena.”

Luuk 12:40 ပူးပေါင်းရင်းမြစ်များ

Matiu 24:42

“Kaalum votai! Senaso mi pife texaas sena so ta yaan a Memai simi i taa filimaan.

Matiu 24:44

E voxo nami vaxa mi taa tamasiak vulai e faxatang senaso a Natuna Mataa i taa savat layaan mi pife faigot!

Matiu 25:13

E na Yesus a fataxapin a ferawaian sina malaan, “Faxatang senaso mi pife texaas sena yaan o xavil ina yaan layaan a Natuna Mataa i taa filimaan.”

A Si Pol Lagasai Xe Sina Mu Rom 13:11

Mi taa bilai faroxo malaan, senaso mi texaas o taara taxa taagul lana yaan lava: faasilak, a yaan ina ulaian si Yesus i taa savat. E voxo taara taa para e tamasiak senaso naboxo taara taxa waan faasilaxan et xo a yaan ina fakaxupaan netaara sena yaan layaan taara xaveak namkai.

A Si Pol Lagasai Xe Sina Mu Rom 13:14

Taasaxa, naboxo mi waan xuvul pana Memai sitaara, na Yesus Krais e voxo mi taa usi fatak a vilaana sina. E fulaa, muta lamon o malaafaa mi taa vil famasagei a vubuxanan la vipin imi.

1 Tesalonaika 5:6

E voxo taara taa pife matef malaan sena xasanofuna, piau, taara taa kaalum votai e faxatang faroxo.

Kuusan Fasavatan 19:7

Taara taa faamamaas e nanam pana. Taara taa nanguse. A yaan ina tamaian sina Natuna Sipsip fo savat xo, e a tefin sina fo faigotan nane xa.