Kolaasi 3:1 - A Turoxoian Fa'ui Sina Piran

¹ A Piran fo fatatoi fa'uli nami xuvul pa Krais sena namkaian simi. E voxo mi taa lamon fati vulan a maana mo aava ri taxa waan la xunavata senaso na Krais taxa nai pave la vepen pelalava la pamuaan sina Piran.

Kara

¹ A Piran fo fatatoi fa'uli nami xuvul pa Krais sena namkaian simi. E voxo mi taa lamon fati vulan a maana mo aava ri taxa waan la xunavata senaso na Krais taxa nai pave la vepen pelalava la pamuaan sina Piran.

Kolaasi 3:1 ပူးပေါင်းရင်းမြစ်များ

Matiu 22:44

“‘A Memai a kuus xe sina Memai siak, nai su' la pamuaan siak fefexaxaas a yaan ne timin a mu xaiyaas siim lapaana kaam.’ Yanganan 110:1.

Matiu 26:64

Na Yesus a suie, “Nano, no fo kuus malaan. Taasaxa ne xuus nami xapiak: ti lana yaan aanabe' mi taa xalum a Natuna Mataa aava nai la pamuaan sina Piran pana Gutan Xapiak, i taxa filimaan xe lapia la xavala xuluna mu vata.”

Matiu 6:20

Taasaxa laa'ui la xunavata mi taa faxuvul a maana fafanaian roxo senaso pave a yainiit e vusulai re taa pife kawaasan a maana mo aave e mu rabuna ina fenau ri taa pife laak lana xena fenau.

Matiu 6:33

E voxo nami, mi taa seng paamuin a fatataganan sina Piran e a vubuxanan fatak sina e layaan mi vil malaane, nane xo i taa tavai nami pana maana mo xapiak aave vaxa.

Maak 12:36

Na Devit sang a ferawai lapaana Vovau Xaradak: “‘A Piran a kuus xe sina Memai siak: no nai su' la pamuaan siak fefexaxaas a yaan ne timin a mu xaiyaas siim lapaana kaam.’ Yanganan 110:1.

Maak 14:62

E na Yesus a xuuse, “Tuuna, nenia! E mi taa xalum a Natuna Mataa i taa nai la pamuaan pana gutan e i taa filimaan xuluna vata ti laa'ui.”

Maak 16:19

Pevoxo, layaan na Memai Yesus a taxapus pana ferawaian aanabe' a Piran ti laa'ui a xel fa'ulie e nane fe nai la pamuaan lana vepen sina Piran.

Luuk 12:33

Faasot pana maana mo simi e tatavai xe sina mu valagof. Tamo mi usi a salan aanabe' a malaan se' mi taa siak a bi aava i taa pife miit e vaxa a malaan sena fafanaian la xunavata aava i taa pife taxapus. E pave a mataa saat i taa pife laak xena fenouaana e pi ta mo i taa kawaasane. Piau.

Luuk 20:42

Senaso lana mu Yanganan, na Devit xa a kuus: ‘A Memai a kuus xe sina Memai siak, “Nai su' la pamuaan siak

Luuk 22:69

Taasaxa ti la yaan aanabe' a Natuna Mataa i taa nai la pamuaan sina Piran pana Gutan Xapiak.”

Faisok 2:34

Na Devit xo pife laak xe laa'ui la xunavata taasaxa nane kuus, “‘A Piran a xuus a Memai siak, “Nai la pamuaan siak fefexaxaas

Faisok 7:55

Taasaxa na Stefan aava bas pana Vovau Xaradak, a kaalum xe laa'ui e xalum a miridingan molava ina Piran e na Yesus i taxa tigina la pamuaan sina Piran.

A Si Pol Lagasai Xe Sina Mu Rom 8:34

E pi ta saxa i taa xuus a Piran o i taa fakasanam netaara senaso taara vupuno. Na Yesus Krais aava maat, fo siak xo a fakasanaman aave. E vaxa, a Piran a fatatoi fa'ulie ti la mamaat e naboxo i taxa nai la vepen lava la pamuaan sina Piran e i taxa fenung xe sina o i taa xavang vulan netaara.

A Si Pol Lagasai Xe Sina Mu Rom 8:6

A lamonan sina mataa fafaasaal a fasavat a maatan. Taasaxa layaan a Vovau Xaradak a paamuian a lamonan sina mataa i taa fasavat a toyan e luaian la xunus ina.

2 Korin 4:18

E voxo maam timin fanei a lamonan simaam xuluna maana mo maam pife fexaxaas sena xalume e pife xuluna mo maam xalume. Senaso a so ta mo maam xalume i taa taxapus taasaxa so ta mo maam pife fexaxaas sena xalume i taa waan xe vulai.

Efasis 4:10

Nane naang aava sivimaan xe lapi, a laak xe pe laa'ui paaliu sena mu xunavata talo i taa waan lana maana mo xapiak.)

Efasis 5:22

Nami lutefin, mi taa waan lapaana mu lavami malaan se' mi waan lapaana Memai.

Kolaasi 2:20

Nami, mi fo maat xuvul pa Krais e mi pife usi fulan a mu vovau saat ti la xavala. Tamo a malaanabe' xenaso mi bilai fulaa malaan se' mi xavil ina maana mo ti la xavala? Xenaso mi turoxoian a xasanofuna xena fasei faagutan nami malaan:

Kolaasi 3:2

Mi taa lamon fati vulan a maana mo aava ri taxa waan laa'ui la xunavata e muta lamon pana maana mo ti la xavala.

Hibru 1:13

A Piran pife xuus ta saxa angelo o: “No maa nai nabe' faasilak la pamuaan iga fefexaxaas sena yaan ne taa timin a maana xaiyaas siim lapaana kaam malaan sena mo ina vaapaas.” Yanganan 110:1.

Hibru 1:3

Nane sang mon i taxa faxalit a miridingan sina Piran; a maana mo xapiak sina e maana mo sina Piran ri fexaxaas. E pana gutan ina ferawaian sina nane taxa lo tao fanei fatateak a maana mo aava nane fo vesane. E lamina yaan nane fo siak a lamon tapinan sena vilaana saat xana mu rabuna xapiak, nane laak xe la xunavata e fe nai la pamuaan sina Piran pana Maana Gutan Xapiak.

Hibru 10:12

Taasaxa na Krais a tatavai faasaxa mon pana toyan sina xena gon tapin a faasaalan e a tatavai aave i taa tigina fatak xe vulai, vulai. E lamina tatavai sina nane fe nai la pamuaan sina Piran.

Hibru 12:2

Taara taa xalum fatak na Yesus senaso nane fo tangpat a namkaian sitaara e nane xa taa fataxapine. Nane pife faatasu sena bolo sina, piau. Taasaxa nane lamon fepalauan a mangilan ina e lamon faagut sena faamamaasan aava i taa savat lumui. E naboxo nane taxa nai la pamuaan ina ivin sina Piran.

Hibru 8:1

A malasuf ina maana ferawaian siak a malaan: taara toxan a Memai Priis xataara e nane taxa nai la pamuaan sina Piran Peraroxo xuluna ivin sina pe la xunavata.

1 Pita 3:22

E nane fo laak xe la xunavata e taxa nai la xasing muaan sina Piran. E pave nane taxa paamuian a mu angelo e mu vovau la finavata aava ri toxan a nobina lava e gutan.