Kolaasi 2:1 - A Turoxoian Fa'ui Sina Piran

¹ Ne vubuk rao mi taa texaas o ne taxa faisok faagut pami xuvul pari pe Leodisia e nari sait aava ri pife xalum lunaianau.

Kara

¹ Ne vubuk rao mi taa texaas o ne taxa faisok faagut pami xuvul pari pe Leodisia e nari sait aava ri pife xalum lunaianau.

Kolaasi 2:1 ပူးပေါင်းရင်းမြစ်များ

Luuk 22:44

E lana mimilisaatan molava paaliu sina nane fenung faagut fulaa e a maxarafan sina, malaan sena ria, taxa poxo xe lapia.

Faisok 20:25

“E ne fo falet xolai la palou imi xena fapiti nami pana fatataganan sina Piran. E naboxo ne texaas o piau ta mataa ti la palou imi i taa xalum fulanau.

Faisok 20:38

A mo aava famamaxus paaliuan nari ve a paferawaian sina o ri taa pife xalum fulane. E voxo ri falet xuvul pana xe la xaati.

Galesia 4:19

Mu rafulak siak, nenia, ne malaan sena ninana lak layaan i taxa rao i luluk: ne taxa maasak fulaa semi fefexaxaas a yaan layaan mi taa bas pa Krais.

Filipai 1:30

Senaso mi toxan a mu maasaxan malaan sena yaan ne waan xuvul pami, ne toxane e naboxo mi langai o ne toxane lunai.

Kolaasi 1:24

E naboxo ne taxa faisok faagut xena xavang nami aava mi faxuvul xuvul pa Krais. E voxo ne faamamaas pana maana lagafan aava ri savat la toyan siak sena. A maana lagafan siak aave ri taxa faxuvul xuvul pana maasaxan aava savat si Krais sena rabuna sina e ri taxa fexaxaasan a maasaxan sina.

Kolaasi 1:29

E voxo ne faisok faagut, tuuna, ne faisok lapaana gutan si Krais aava fasavat a faisok lava lana toyan siak.

Kolaasi 2:5

E naapalaan nenia fatak, ne pife waan xuvul pami, ne taxa waan xuvul pami lana lamonan siak e ne faamamaas layaan ne langai o mi taxa tigina faxuvul faroxo e a namkaian simi se Krais a tateak.

1 Tesalonaika 2:2

Mi texaas o paamuina savatan simaam xe simi a mu Filipai ri fo vil pengan nemaam e ri ferawai fasaat semaam. Taasaxa Piran sitaara xavang nemaam xena xuus tuunei nami pana Lagasai Roxo sina, naapalaan a toxan a rabuna xaves ri tisui faagutan nemaam.

Hibru 5:7

La toyan sina nabe' la xavala na Yesus a fenung e fiai ti lana xunus ina pana taangiisan e pana xukulaian. Nane nung a Piran aava fexaxaas sena fakaxupe ti la maatan. A Piran a langaie senaso na Yesus fuuna suai sena e usi fatak a vilaana sina.

1 Pita 1:8

Paamua mi pife xalume taasaxa mi vubuxan xasingite e naapalaan mi pife xalume naboxo mi namkai sena e mi faamamaas faagut sena pana faamamaasan aava ferawaian simi a pife fexaxaas sena kuusane senaso a faamamaasan aave a bas pana malangan.

Kuusan Fasavatan 1:11

A ling aave a kuus malaan, “A maana mo no taa xalume, no taa xaleie lana lagasai e no taa lisan a lagasai aave xe la nu lifu lotu pisiguak aanabe': xe la lifu lotu pe Efasis, xe la lifu lotu pe Samirna, xe la lifu lotu pe Pergamam, xe la lifu lotu pe Taiataira, xe la lifu lotu pe Saardis, xe la lifu lotu pe Filadelfia, xe la lifu lotu pe Leodisia.”