A Lagasai Roxo Na Jon A Xaleie 8:58 - A Turoxoian Fa'ui Sina Piran

⁵⁸ Na Yesus a xuus nari, “A tuuna paaliu, ne xuus nami: paamuina luluuxan si Abrahem nenia, ne fo waan!”

Kara

⁵⁸ Na Yesus a xuus nari, “A tuuna paaliu, ne xuus nami: paamuina luluuxan si Abrahem nenia, ne fo waan!”

A Lagasai Roxo Na Jon A Xaleie 8:58 ပူးပေါင်းရင်းမြစ်များ

A Lagasai Roxo Na Jon A Xaleie 10:25

E na Yesus a sui nari, “Ne fo xuus nami, taasaxa mi pife namkai sega. A maana mo ne faisoxan nari lapaana isi Tamaang, nari vaxa ri kuusan fasavatau sait.

A Lagasai Roxo Na Jon A Xaleie 17:24

“Tamaang, no fo tavaiau pari e ne vubuk o ri taa waan xuvul paga la bina siak xena xalum a miridingan siak; a miridingan aava no fo faneie xulok. No fo vile senaso paamuina faisok siim ina vesanaana maana mo ti la xavala aanabe' no vubuxan xasingitau.

A Lagasai Roxo Na Jon A Xaleie 17:5

Naboxo Tamaang, tavaiau fulaa pana malangan aava taare fo toxane paamuina tangpat ina xavala.

A Lagasai Roxo Na Jon A Xaleie 8:24

E voxo nabe' a fufuna ferawaian siak xe simi o mi taa maat lapaana faasaalan simi; tamo mi pife namkai o nenia, ne Saxa aava molava, mi taa femaat lapaana mu vilaana saat simi.”

A Lagasai Roxo Na Jon A Xaleie 8:28

Na Yesus a kuus, “Layaan mi taa siak fati a Natuna Mataa, lavaxa mi taa texaas o nenia, ne Saxa aava molava e vaxa ne pife vil ta saxa mo lapaana gutan siak, taasaxa ne taxa ferawai pana so ta mo na Tamaang fo fapitiau pana.

A Lagasai Roxo Na Jon A Xaleie 8:34

Na Yesus a xuus fulan nari, “Tuuna paaliu ne xuus nami, nase' ta mataa a faasaal, nane ve a sisiak sina faasaalan.

A Lagasai Roxo Na Jon A Xaleie 8:51

Ne xuus tuunei nami, layaan ta mataa i taa usi fatak a ferawaian siak a maatan i taa pife siaxe.”

Kolaasi 1:17

Nane a waan paamuin a maana mo xapiak e pana gutan sina a tao faxuvul a maana mo xapiak e voxo ri waan la nobina siri.

Hibru 13:8

Na Yesus Krais a fexaxaas la maana yaan xapiak, lanef, tanin e mafu e xe vulai.

Kuusan Fasavatan 1:11

A ling aave a kuus malaan, “A maana mo no taa xalume, no taa xaleie lana lagasai e no taa lisan a lagasai aave xe la nu lifu lotu pisiguak aanabe': xe la lifu lotu pe Efasis, xe la lifu lotu pe Samirna, xe la lifu lotu pe Pergamam, xe la lifu lotu pe Taiataira, xe la lifu lotu pe Saardis, xe la lifu lotu pe Filadelfia, xe la lifu lotu pe Leodisia.”

Kuusan Fasavatan 1:8

A Piran Laa'ui a kuus malaan, “Nenia, a isaak na Elfa e na Omega senaso ne waan la fatitapang e ne taa waan la fataxapiak sait. Ne taxa waan naboxo, ne fo waan ti kavai e ne taa filimaan fulaa. Ne peraroxo!”

Kuusan Fasavatan 2:8

“Xe sina sisiak siak aava taxa paamuian a mu rabuna ina lotu pe Samirna, no taa kala malaan: a Paamua e a Fataxapiak aava fo maat e taxa to naboxo, a kuus malaan: