A Lagasai Roxo Na Jon A Xaleie 8:39 - A Turoxoian Fa'ui Sina Piran

³⁹ Ri suie, “Na Tamamaam ve na Abrahem!” Na Yesus a xuus nari, “Tamo mi mu rafulak si Abrahem, naak, mi taa usi a vilaana si Abrahem, bo?

Kara

³⁹ Ri suie, “Na Tamamaam ve na Abrahem!” Na Yesus a xuus nari, “Tamo mi mu rafulak si Abrahem, naak, mi taa usi a vilaana si Abrahem, bo?

A Lagasai Roxo Na Jon A Xaleie 8:39 ပူးပေါင်းရင်းမြစ်များ

Matiu 3:9

E muta lamon o mi taa xuus nami xa, ‘Na Abrahem ve na tamataara.’ Senaso ne xuus nami o a Piran a fexaxaas sena fasavat a rafulak xa Abrahem pana mu faat aanabe'!

Matiu 5:45

A vilaana malaan i taa faxaalit o nami, mi rafulak si Tamami pe la xunavata. Senaso nane a vil falak a ngaas xena malang la mu bina xapiak sina mu rabuna roxo e saat. E a lisan a raafui xena xavang a mu rabuna xapiak, nari aava ri bilai faroxo e nari aava ri bilai fasaat.

A Lagasai Roxo Na Jon A Xaleie 8:33

Ri suie, “Nemaam, maam mu bu Abrahem e maam pi taagul malaan sena yaasok sin' ta xasa mataa. Malaafaa no taxa kuus o maam taa mulusan?”

A Lagasai Roxo Na Jon A Xaleie 8:37

Ne texaas o nami, mi mu bu Abrahem, taasaxa nami, mi vubuk punuxau senaso mi piau ta nobina la xunus imi xana ferawaian siak.

A Lagasai Roxo Na Jon A Xaleie 8:43

Xenaso mi pife masam a lagasai siak? Naak, mi pife fexaxaas sena langai a mo ne taxa kuusane, bo?

A Lagasai Roxo Na Jon A Xaleie 8:56

Na tamami, na Abrahem, a faamamaas layaan a xalum a yaan siak, nane fo xalume e taxa nanam.”

A Si Pol Lagasai Xe Sina Mu Rom 4:12

E nane va tamana mu rabuna aava ri vuputuk vaxa. Nane pife tamari senaso ri vuputuk taasaxa senaso ri lisan tuunei nari xa xe sina Piran malaan se tamataara na Abrahem fo vile paamuina putuxaana.

A Si Pol Lagasai Xe Sina Mu Rom 4:16

E voxo, a kuus fanaian aapave a savat sena namkaian. A pife savat sena faisok sina mataa taasaxa sena xakaavangan xatam sina Piran talo i taa savat sina mu yaya xapiak si Abrahem xe mui: nari aava ri waan lapaana vuputkai xuvul pari aava ri namkai malaan se Abrahem. Nane va tamataara xapiak.

A Si Pol Lagasai Xe Sina Mu Rom 9:7

E layaan ne ferawai pana mu bu Abrahem ne pife ferawai pana mu buna xapiak xe mui, piau. Ne taxa ferawai pari aava Piran xo a xali nari pana mu rafulak si Abrahem. Senaso a Piran a xuus na Abrahem, “Ne taa kat a mu bu Aisaak mon pana mu rafulak siim.” Tangpat 21:12.

Galesia 3:29

Tamo nami ve si Krais, lavaxa nami ve mi mu bu Abrahem e mi taa siak a maana mo aava Piran fo kuus fanai pana xe sina.

Galesia 3:7

E mi taa masam faroxo naboxo o a mu pabung tuuna si Abrahem va mu rabuna ina namkaian.