A Lagasai Roxo Na Jon A Xaleie 8:20 - A Turoxoian Fa'ui Sina Piran

²⁰ Nane kuus pana ferawaian aanabe' layaan nane waan lana bina ina faxuvulaana tatavai la tang lifu lotu pave la fena fepitaian sina e piau ta mataa fe pise senaso a yaan sina pife savat lunai.

Kara

²⁰ Nane kuus pana ferawaian aanabe' layaan nane waan lana bina ina faxuvulaana tatavai la tang lifu lotu pave la fena fepitaian sina e piau ta mataa fe pise senaso a yaan sina pife savat lunai.

A Lagasai Roxo Na Jon A Xaleie 8:20 ပူးပေါင်းရင်းမြစ်များ

Matiu 26:55

E lana yaan aave na Yesus a ferawai xe sina malila, “Mi fo savat pana pinis modus ina fevis e mu vam xena pisau malaan se' nenia, ne mataa saat, bo? A maana yaan xapiak ne nai fepitaa pe la tang lifu lotu e mi pife pisau pave.

Matiu 27:6

Taasaxa mu paamua priis ri siak a mu faat aave e ri kuus, “A mu faat aanabe' a mamareiai ina ria e a mu vuputkai sitaara a kuus o pife roxo xena fawaane xuvul pana mu faat sina lifu lotu.”

Maak 12:41

E mui nane nai kaalum faasilak la bina ina tatavai pana faat lana lifu lotu. E nane xalum a mu rabuna ri timin a maana faat lana mo ina tifiaana. E a mu matalava ri timin a faat xaves.

Maak 12:43

E na Yesus a xel a mu fefeng sina e xuus nari malaan, “Ne kuus tuuna paaliu xe simi, a tefin aapave a tavai a Piran pana faat molava sena maana xasano rabuna.

Luuk 20:19

A mu rabuna ina fepitaa pana vuputkai xuvul pana mu paamua priis, ri seng a salan xena pis fatapusan na Yesus senaso ri texaas o nane fo ferawai seri pana ferawaian paap aanabe'. Taasaxa ri matautan a mu rabuna.

Luuk 21:1

Layaan nane kaalum xolai, nane xalum a mu mataa piran aava ri taxa timin a tatavai siri lana mo ina tifiaana maana tatavaian la lifu lotu.

A Lagasai Roxo Na Jon A Xaleie 10:39

E fulaa rao ri saxame taasaxa nane sinuf seri.

A Lagasai Roxo Na Jon A Xaleie 2:4

E na Yesus a suie, “Aang, taasaxa xenaso no taxa xuusau pana? A yaan siak pife savat lunai.”

A Lagasai Roxo Na Jon A Xaleie 7:14

La palou ina Fenamo, na Yesus a laak xe la tang lifu lotu e fefepitaa.

A Lagasai Roxo Na Jon A Xaleie 7:30

Sena ferawaian aanabe' rao ri pise taasaxa piau ta mataa fe tawe senaso a yaan sina pife savat lunai.

A Lagasai Roxo Na Jon A Xaleie 7:44

Saxanofuna ri vubuk pise taasaxa piau ta mataa fe timin ta ma laa'ui xuluna.

A Lagasai Roxo Na Jon A Xaleie 7:8

Mi laak saa xe la fenamo aapave. Ne taa pife laak lunai senaso a yaan roxo xanak pife savat lunai.”

A Lagasai Roxo Na Jon A Xaleie 8:2

La paanen lolof nane sivi e fe laak fulaa xe lana tang lifu lotu. A maana rabuna xaves ri savat xe sina e nane nai e tangpat pana fapitiaan nari.

A Lagasai Roxo Na Jon A Xaleie 8:59

E fataapus ri siak a mu faat xena soxoiaana taasaxa na Yesus a fufunai xaseri e nane ta'ulan a tang lifu lotu.