A Lagasai Roxo Na Jon A Xaleie 6:37 - A Turoxoian Fa'ui Sina Piran

³⁷ A maana rabuna aava Piran a tavaiau pana, ri taa tamana filimaan xe siak e ne taa pife feng tapin ta saxa mataa aava i taa savat xe siak.

Kara

³⁷ A maana rabuna aava Piran a tavaiau pana, ri taa tamana filimaan xe siak e ne taa pife feng tapin ta saxa mataa aava i taa savat xe siak.

A Lagasai Roxo Na Jon A Xaleie 6:37 ပူးပေါင်းရင်းမြစ်များ

Matiu 11:28

“Filimaan xe siak nami aava mi maare pana yaasaana maana lagafan e ne taa fafangaafus nami.

Matiu 24:24

Senaso maana mataa failai bit e maana rabuna ina kuus fatuxai bit ri taa savat. Ri taa vil a maana mo fa'ipul molava e maana faisok ina gutan xena yuuf familung a mu rabuna tatagan sina Piran tamo a fexaxaas.

A Lagasai Roxo Na Jon A Xaleie 17:11

Naboxo ne taa pife waan fulaa la xavala, taasaxa nari, ri waan nabe' la xavala e ne taxa falet xe siim. Tamamaam Taap, faxatang nari lapaana gutan ina isaam, a isin aava no fo burau pana, talo nari, ri taa saxa malaan sena waanan sitaare.

A Lagasai Roxo Na Jon A Xaleie 17:2

No fo tavaie pana gutan e ngavuk ina paamuian a maana rabuna xapiak ti la xavala e i taa tavai nari aava no fo siak fati nari, pana toyan vulai.

A Lagasai Roxo Na Jon A Xaleie 17:24

“Tamaang, no fo tavaiau pari e ne vubuk o ri taa waan xuvul paga la bina siak xena xalum a miridingan siak; a miridingan aava no fo faneie xulok. No fo vile senaso paamuina faisok siim ina vesanaana maana mo ti la xavala aanabe' no vubuxan xasingitau.

A Lagasai Roxo Na Jon A Xaleie 17:6

“Ne fo vil fasavat a isaam xe sina mu rabuna aava no fo tavaiau pari nabe' la palou ina mu rabuna ti la xavala. Nari, ri mu rabuna siim e no fo tavaiau pari e ri fo usi fatak a ferawaian siim.

A Lagasai Roxo Na Jon A Xaleie 6:39

E a vubuxanan sina saxa aava fengau a malaan: nari mu rabuna aava nane fo tavaiau pari, ne taa pife ta'ulan ta saxa iri. Taasaxa ne taa fatatoi fa'uli nari xapiak lana Yaan Fataxapiak.

A Lagasai Roxo Na Jon A Xaleie 6:65

E nane kuus fulaa, “A vilaana aanabe' a fufuna ferawaian siak layaan ne xuus nami o piau ta mataa fefexaxaas sena filimaan xe siak tamo na Tamataara a pife xele.”

A Lagasai Roxo Na Jon A Xaleie 9:34

E nari, ri suie, “Nano, no fo taagul lapaana vilaana saat ti la yaan ina luxaan nano, malaafaa no taxa lamon o no fexaxaas sena fapiti nemaam?” E ri ti votane i muta laak lana mu lifu ina faxuvulan.

A Si Pol Lagasai Xe Sina Mu Rom 5:20

A Piran a tavai a mu rabuna pana vuputkai sina senaso nane vubuk rao ri taa texaas sena vilaana saat aava ri fuuna lo vile. Taasaxa layaan a mu vilaana saat sina rabuna ri femolava, a xakaavangan xatam sina Piran a pemamolava seri.

Filipai 1:29

E voxo a Piran fo tavai nami pana namkaian simi e pana maasaxan vaxa lana xuvulaian simi xuvul pa Krais.

1 Timoti 1:16

A fufuna mamaaluxan si Yesus xe siak a malaanabe': a Piran a waan bangau senaso nane vubuk o mu rabuna aava ri taa namkai sena xena siak a toyan vulai, ri taa xalumau, ne mataa saat tuuna paaliu aava Piran fo xele xe sina xa e ri taa texaas o a Piran a vubuk fakaxup nari sait.

2 Timoti 2:19

Taasaxa Tuunayan sina Piran a tigina tateak e a toxan a ferawaian lana malaan: “A Memai a texaas seri, ri rabuna sina,” e “Nase' ta mataa a kuusan fasavat a isina Memai i taxa puk tapin nane xa xasena saatan.”

Hibru 4:15

A Memai Priis sitaara pife saxa aava pife fexaxaas sena taraxali e muluk a maana murupaxan sitaara, piau! Taasaxa taara toxan a Memai Priis lava aava fo siak a valaman e tafangan fexaxaas fatak setaara, taasaxa nane pife faasaal pana saxa mo.

Hibru 7:25

E voxo tanin e xe vulai, vulai nane fexaxaas sena fakaxup nari aava ri filimaan xe sina Piran lapaana isina, senaso nane taxa to vulai xena nung vulan a Piran pari.

1 Jon 2:19

Paamua nari mu xaiyaas si Krais ve, ri fo waan la palou itaara, taasaxa ri ta'ulan netaara xo senaso ri pife malaan setaara. Tamo ri malaan setaara ri taa pife paan, taasaxa ri fo falet xena faxaalit o nari xapiak ri pife malaan setaara, ri patak.

Kuusan Fasavatan 22:17

A Vovau Xaradak e a tefin fa'ui ina tamaian, re kuus, “Filimaan!” E nari aava ri langai faroxo, nari sait ri kuus, “Filimaan!” Nase' ta mataa a ma'iu, nane fexaxaas sena filimaan xena siak xatam a raarum ina toyan. Nase' ta mataa a vubuk filimaan, a roxo move, i taa filimaan.