A Lagasai Roxo Na Jon A Xaleie 6:12 - A Turoxoian Fa'ui Sina Piran

¹² Layaan ri fo maasi xo, na Yesus a xuus a mu fefeng sina, “Faxuvul a mu xavil xapiak aava ri taxa waan senaso ne buk o piau ta saxa xavil i taa milung.”

Kara

¹² Layaan ri fo maasi xo, na Yesus a xuus a mu fefeng sina, “Faxuvul a mu xavil xapiak aava ri taxa waan senaso ne buk o piau ta saxa xavil i taa milung.”

A Lagasai Roxo Na Jon A Xaleie 6:12 ပူးပေါင်းရင်းမြစ်များ

Luuk 1:53

Nane fo famasi a rabuna aava ri lagai pana maana mo roxo taasaxa feng tapin a mu rabuna piran malaan sena valagof.

Luuk 15:13

“A lak ti lumui xo a faxuvul a maana mo sina e fe paan xe la bina lasuun. Layaan i taxa waan pe la bina lasuun aave a fataxapin a faat sina pana maraanaana maana vilaana saat.

Luuk 16:1

Na Yesus a xuus a maana mu fefeng sina, “A toxan a saxa mataa piran e a rabuna ri maa xuuse o a mataa aava fuuna faisok pana faxatangaana maana mo sina, a pife faisok faroxo. Nane fuuna tapin palou a maana mo.

Luuk 9:17

Nari xapiak ri fangan e ri maasi. A mu fefeng sina ri siak faxuvul a maana xavil ina fanganan aava waan e ri tifi a maana bi titifai sangafilu saxa pana taragua pana.

A Lagasai Roxo Na Jon A Xaleie 2:2

Ri xel na Yesus xuvul pana maana fefeng sina, rao ri taa waan pave sait la fenamo. E voxo nari xapiak ri fe waan.