A Lagasai Roxo Na Jon A Xaleie 4:14 - A Turoxoian Fa'ui Sina Piran

¹⁴ taasaxa nase' ta mataa i taa num a raarum ne tavaie pana, i taa pife ma'iu fulaa. Tuuna a raarum ne tavaie pana i tafe savat malaan sena matana raarum pe la xunus ina e a mataa aave i tafe bas pana toyan vulai, vulai.”

Kara

¹⁴ taasaxa nase' ta mataa i taa num a raarum ne tavaie pana, i taa pife ma'iu fulaa. Tuuna a raarum ne tavaie pana i tafe savat malaan sena matana raarum pe la xunus ina e a mataa aave i tafe bas pana toyan vulai, vulai.”

A Lagasai Roxo Na Jon A Xaleie 4:14 ပူးပေါင်းရင်းမြစ်များ

Matiu 25:46

“E nari xo a Piran i taa feng tapin nari xe la bina ina fakasanaman aava piau ta taxapusan ina. Taasaxa mu rabuna fatak aava ri usi a vubuxanan sina Piran, ri taa siak a toyan vulai xe vulai.”

Matiu 5:6

Nari aava ri lamon vulai pana mu vilaana fatak, malaan sena mataa aava lagai a lamon vulai pana fanganan, naboxo a naian siri a roxo paaliu senaso Piran i taa famasi nari.

A Lagasai Roxo Na Jon A Xaleie 10:10

A mataa ina fenau a filimaan mon xena fenau, ngaapunuk, e ngaagalas. Nenia xo, ne fo savat xena tavai a mu rabuna pana toyan e ri taa bas paaliu marasaxa pana.

A Lagasai Roxo Na Jon A Xaleie 11:26

E ta mataa aava i taxa to e i taxa namkai sega, a mataa aave i taa pife xalum a maatan. Nano, no namkai sena ferawaian aanabe'?”

A Lagasai Roxo Na Jon A Xaleie 4:10

Na Yesus a suie, “Tamo no texaas sena tatavaian sina Piran e no masam faroxo sese' fo nung nano pana raarum, naak no tamaa nunge e i taa tavai nano pana raarum aava toxan a toyan.”

A Lagasai Roxo Na Jon A Xaleie 4:11

E a tefin a xuuse, “Matalava, no piau ta mo xena pituf raarum e a raakaaf aanabe' a tu. No taa pituf raarum ina toyan faa?

A Lagasai Roxo Na Jon A Xaleie 4:13

E na Yesus a suie, “Nase' ta mataa aava num a raarum aanabe' i taa ma'iu fulaa,

A Lagasai Roxo Na Jon A Xaleie 4:36

E naboxo a mataa ina siaxaana fanganan i taxa faisok pana faxuvulaana e i taa siak a mamareiai sina. E a mo nane taxa faxuvule ve a toyan vulai, vulai. E voxo a mataa aava xapis a kam ina fanganan e a mataa aava siak faxuvul a fanganan re taa faamamaas xuvul.

A Lagasai Roxo Na Jon A Xaleie 6:27

Muta faisok pana maana buk fanganan aava i taa masiik, piau. Taasaxa faisok pana fanganan aava i taa waan vulai e i taa lisan a toyan xe vulai. A fanganan naang ve a Natuna Mataa i taa tavai nami pana senaso a Piran Tamataara fo siak fatie e tavaie pana gutan xena vil malaane.”

A Lagasai Roxo Na Jon A Xaleie 6:35

Na Yesus a xuus nari, “Nenia xa, ne bret ina toyan, nase' i taa filimaan xe siak i taa pife lagai e vaxa nane aava i taa namkai sega i taa pife ma'iu fulaa.

A Lagasai Roxo Na Jon A Xaleie 6:58

Nabe' ve a bret aava sivimaan ti la xunavata. A pife malaan sena ‘bret maanaa’ a mu bumi fo ngane, piau. A bret siri a pife ti votan a maatan seri. Taasaxa nane aava i taa ngan a bret aanabe' i taa siak a toyan vulai, vulai.”

A Lagasai Roxo Na Jon A Xaleie 7:37

La yaan fataxapiak ina fenamo aanabe' ve, a yaan molava ina e na Yesus a tigina e kuus, “Nase' ta mataa taxa ma'iu, a fexaxaas i taa filimaan xe siak e num.

A Si Pol Lagasai Xe Sina Mu Rom 5:21

E malaan sena mu faasaalan ri paamuian a rabuna xe lana maatan, a xakaavangan xatam sina Piran a paamuian a mu rabuna fatak xe lana toyan vulai aava savat se Yesus Krais, a Memai sitaara.

A Si Pol Lagasai Xe Sina Mu Rom 6:23

Senaso a mamareiai ina vilaana saat ve a maatan, taasaxa tatavaian sina Piran xe siri aava ri waan la xuvulaian xuvul pa Yesus Krais ve a toyan i taxa waan vulai xe vulai.

2 Korin 1:22

e timin a fakalimaanan sina xa xulutaara e a fawaan a Vovau sina la xunus itaara malaan sena faati votaian aava faxaalit tuuna pana maana mo ri taa savat mui.

Efasis 4:30

E muta famamaxus a Vovau Xaradak sina Piran senaso a Piran fo fakalimaan nami pana xe la yaan i taa siak faxuvul fa'uli a mu rabuna sina.

1 Pita 1:22

Naboxo mi fo gon faroxoi nami xa pana usi fatak a tuunayan aava ferawaian tuuna sina Piran e mi masam faroxo sena vilaana ina vubuxan xasingit a mu rabuna ina namkai. Lavaxa, faisok faagut talo mi taa fevubuxan xasingit nami xa pana xunus imi xapiak.

1 Jon 5:20

E taara texaas o a Natuna Piran fo savat e fo tavai netaara pana masaman talo taara taa taraxali a Piran tuuna. E taara taxa lo taagul xuvul pana e pa Natuna, na Yesus Krais. Nane ve a Piran tuuna e Toyan vulai, vulai.

Kuusan Fasavatan 7:16

E ri taa pife lagai o ma'iu fulaa e a gutan ina ngaas taa pife sip nari e piau ta lagafan ina taa savat xe siri sait.

Kuusan Fasavatan 7:17

E a Natuna Sipsip aava taxa waan la palou ina ivin lava, i taa faxatang nari e i taa lisan nari xe la matana raarum ina toyan. E a Piran i taa saf tapin a raarum ti la matari.”