A Lagasai Roxo Na Jon A Xaleie 20:26 - A Turoxoian Fa'ui Sina Piran

²⁶ A saxa ʻwiikʼ mui lamina, a mu fefeng si Yesus ri faxuvul fulaa lana lifu aave e na Tomas taxa waan xuvul pari. A mu matana lifu ri xawei fatateaxe taasaxa na Yesus a savat e maa tigina la palou iri e kuus, “Ne vubuk rao a luaian taa waan la xunus imi.”

Kara

²⁶ A saxa ‘wiik’ mui lamina, a mu fefeng si Yesus ri faxuvul fulaa lana lifu aave e na Tomas taxa waan xuvul pari. A mu matana lifu ri xawei fatateaxe taasaxa na Yesus a savat e maa tigina la palou iri e kuus, “Ne vubuk rao a luaian taa waan la xunus imi.”

A Lagasai Roxo Na Jon A Xaleie 20:26 ပူးပေါင်းရင်းမြစ်များ

Matiu 17:1

A yaan pisaxa lumui na Yesus a xel patak na Pita e ro fetinan Jems nare Jon e a paamuian narutul xe laa'ui paaliu la put e ri waan nari sang mon.

Maak 16:14

E muibak nane savat xe sina mu yaamut layaan ri taxa mati fafangan e fe gil nari sena vungutan siri e sena lamonan vaang siri. Senaso ri pife langai faroxoi a kuusan sina fesing siri e ri pife lamon faroxo pana ferawaian sina.

Luuk 24:36

Layaan ri taxa ferawai pana maana mo aanabe' na Yesus fatak xa maa tigina la palou iri e a kuus, “A luaian xe xulumi.”

Luuk 9:28

Na Yesus a ferawai malaanabe' e lamina mu yaan pisiktul fo falet a xel faxuvul na Pita narutul Jems e na Jon e ri fe laak xuluna put talo na Yesus i taa fenung.

A Lagasai Roxo Na Jon A Xaleie 11:16

E voxo na Tomas, a xasa isina na ʻtauna luaʼ, a xuus a xasano fefeng, “Lavaxa, taara xapiak taa falet vaxa talo taara taa femaat xuvul pana.”

A Lagasai Roxo Na Jon A Xaleie 14:27

A tatavai siak xena ta'ulanaan nami a malaan: ne tavai nami pana luaian. Pife malaan sena luaian ti la xavala, piau, taasaxa ne tavai nami pana luaian siak. Muta mimilisaat la xunus imi e muta mataut!

A Lagasai Roxo Na Jon A Xaleie 20:19

A bina xo fevung la yaan naang xa, a yaan mata ina ʻwiikʼ e mu fefeng si Yesus ri taxa waan faxuvul lana saxa lifu e ri fo xawei fatateak a maana matana lifu senaso ri matautan a mu Juda. E na Yesus a savat e maa tigina la palou iri e kuus, “Ne vubuk rao a luaian i taa waan la xunus imi.”

A Lagasai Roxo Na Jon A Xaleie 20:21

E na Yesus a xuus fulan nari, “Ne vubuk rao a luaian i taa waan la xunus imi. Malaan se Tamaang fo fengau, nenia, ne taxa feng nami.”

A Lagasai Roxo Na Jon A Xaleie 21:1

Lumui na Yesus a savat fulaa xe sina saxano fefeng sina la xasing ina Laman Taibirius. A savat malaan:

A Lagasai Roxo Na Jon A Xaleie 21:14

A yaan aave a fatalatulaana savatan si Yesus xe sina mu fefeng lamina to fa'ulaian sina ti la maatan.

Faisok 1:3

Lamina maasaxan e maatan sina, na Yesus xo a to fa'ulaa. E nane fa'ipul nari pana xasano vilaana ri pi xaxalume xena faxalit nari o i taxa to tuuna e pife rongan. Lana yaan sangafilu talafaat ri xalum faxavesane e nane xuus nari pana fatataganan sina Piran.