A Lagasai Roxo Na Jon A Xaleie 20:17 - A Turoxoian Fa'ui Sina Piran

¹⁷ Na Yesus a xuuse, “Muta yotau, senaso ne pife laak fa'ulaa xe si Tamaang lunai. Taasaxa no taa falet xe sina mu fetinan siak e no taa xuus nari malaan: ‘Ne taxa laak xe si Tamaang aava Tamami sait e xe sina Piran siak aava Piran simi sait.’”

Kara

¹⁷ Na Yesus a xuuse, “Muta yotau, senaso ne pife laak fa'ulaa xe si Tamaang lunai. Taasaxa no taa falet xe sina mu fetinan siak e no taa xuus nari malaan: ‘Ne taxa laak xe si Tamaang aava Tamami sait e xe sina Piran siak aava Piran simi sait.’”

A Lagasai Roxo Na Jon A Xaleie 20:17 ပူးပေါင်းရင်းမြစ်များ

Matiu 12:50

Nase' ta mataa a usi fatak a vubuxanan si Tamaang la xunavata, nane ve a tiak e vasaak e ninaang.”

Matiu 25:40

“E a king aave i taa sui nari, ‘Tuuna, ne xuus nami, layaan mi xavang a saxa tiak o vasaak naapalaan nane pife matalava, mi taxa xavangau vaxa!’

Matiu 28:7

e falet fataapus e me xuus a mu fefeng sina, ‘A Piran fo fatatoi fa'ulie ti la maatan e naboxo i taxa falet paamuin nami xe pe Galili e mi taa xalume pave.’ Lavaxa, falet, ne fo xuus name pana.”

Maak 12:26

Taasaxa lamon fulaa pana toyan ti la maatan siri. Nami, mi pife texaas sena xakalayan si Moses pana xuuskuus ina latan taxa raam e a Piran a xuus fatexaase malaan, ‘Nenia, ne Piran si Abrahem e si Aisaak e si Yaakop.’

Maak 16:19

Pevoxo, layaan na Memai Yesus a taxapus pana ferawaian aanabe' a Piran ti laa'ui a xel fa'ulie e nane fe nai la pamuaan lana vepen sina Piran.

Luuk 10:4

Muta siak ta bi o faat o marapi; falet fataapus e muta fasusui ta mataa la salan.

A Lagasai Roxo Na Jon A Xaleie 13:1

A yaan ina Fenamo ina Paaliuan xo, a faasilak. E na Yesus a texaas o a yaan ina ta'ulan a xavala xena ulaa xe si Tamana fo faasilak. Nane vubuxan xasingit a mu rabuna sina la xavala e naboxo i taa faxalit nari pana vubuxanan molava paaliu sina.

A Lagasai Roxo Na Jon A Xaleie 14:2

La bina sina Tamaang a toxan a lifu xaves. Tamo pife tuuna, ne taa pife xuus nami o ne taxa falet xe pave xena faigotan a nobina xami, bo?

A Lagasai Roxo Na Jon A Xaleie 14:28

“Mi fo langaiau layaan ne xuus nami, ‘Ne taa ta'ulan nami taasaxa ne taa savat fa'ulaa xe simi.’ Tamo mi vubuxan xasingitau naak mi taa faamamaas paaliu o ne taxa falet xe si Tamataara senaso na Tamataara a lava sega.

A Lagasai Roxo Na Jon A Xaleie 14:6

Na Yesus a suie, “Nenia ve, ne Salan, ne Tuunayan, e ne Toyan. Piau ta saxa mataa taa savat sina Piran lana xasa salan patak, nenia sang mon ne Salan.

A Lagasai Roxo Na Jon A Xaleie 16:28

Ne filimaan ti pave si Tamataara e ne maa savat la xavala e naboxo ne taa ta'ulan a xavala e ne taa ulaa xe si Tamataara fulaa.”

A Lagasai Roxo Na Jon A Xaleie 17:11

Naboxo ne taa pife waan fulaa la xavala, taasaxa nari, ri waan nabe' la xavala e ne taxa falet xe siim. Tamamaam Taap, faxatang nari lapaana gutan ina isaam, a isin aava no fo burau pana, talo nari, ri taa saxa malaan sena waanan sitaare.

A Lagasai Roxo Na Jon A Xaleie 17:25

“Tamaang a maana vilaana siim ri xaradak e a mu rabuna ti la xavala ri pife texaas sema taasaxa nenia, ne texaas sema e nari aanabe' ri texaas o no fo fengau.

A Lagasai Roxo Na Jon A Xaleie 17:5

Naboxo Tamaang, tavaiau fulaa pana malangan aava taare fo toxane paamuina tangpat ina xavala.

A Lagasai Roxo Na Jon A Xaleie 20:27

Lavaxa, nane xuus na Tomas, “Tawau nabe', xalum a ro maak. Filimaan faasilak nabe' e no timin a vipirigum lana usik iga. Muta lamavaang, namkai sega!”

A Lagasai Roxo Na Jon A Xaleie 7:33

Na Yesus a kuus, “Ne taa waan xuvul pami famodak fulaa lunai e mui ne taa paan xe sina aava fengau.

A Si Pol Lagasai Xe Sina Mu Rom 8:29

Senaso, taara texaas o a Piran a texaas o nase' ta rabuna ri taa namkai sena. E nane fakalimaan nari talo ri tafe savat malaan se Natuna lana vilaana e vubuxanan siri. E malaanabe' a Natuna xo a lak tuaan e netaara ve mu rafulak lamina lana matafetama sina Piran.

2 Korin 6:18

A Memai pana Gutan Xapiak a kuus fulaa: “Ne taa Tamami e nami, mi taa mu rafulak tomexaan e rafulak tefin siak.” 2 Saamwel 7:14; 7:8.

Galesia 3:26

Nami xapiak, mi rafulak sina Piran lana xuvulaian xuvul pa Krais Yesus

Hibru 11:16

Taasaxa ri taxa vubuxan a saxa bina aava roxo, a saxa bina pe la xunavata. E voxo a Piran i taa pife mangil seri layaan ri xalie pana Piran siri senaso nane fo faigotan a bina lava xari.

Hibru 8:10

Taasaxa sena mu yaan aava taa filimaan, a Piran a kuus: “Ne taa fatiginei a turoxoian aanabe' xuvul pana mu rabuna Israel: Ne taa timin a mu vuputkai siak lana lamonan siri e ne taa xaleie la xunus iri. Ri taa nangusau sang mon. Senaso ri taa waan rabuna siak e nenia, ne taa Piran siri.

1 Pita 1:3

Taara taa kuus faasiroxo xe sina aava Piran e Tama Yesus Krais, a Memai sitaara! Lapaana mamaaluxan molava sina nane fo tavai netaara pana luluuxan fa'ui e voxo taara taxa waan pana lamon fanaian ina toyan vulai. E nane vil malaane layaan nane fatatoi fa'uli na Yesus Krais ti lana mamaat.

1 Jon 3:2

Ai, mu fetinan, taara taxa waan a mu rafulak sina Piran e naboxo a pife matavas lunai o taara tafe savat malaafaa. Taasaxa taara texaas o la yaan na Yesus i taa sivimaan fulaa, taara taa xalume senaso taara taa fexaxaas malaan sena.

Kuusan Fasavatan 21:3

E ne langai a ling ti la ivin lava taxa kuus faagut: “Naboxo a bina ina taagulan sina Piran taxa waan la palou ina rabuna e nane taa taagul xuvul pari. Nari, ri taa rabuna sina e nane xa i taa waan la palou iri e i taa Piran siri.

Kuusan Fasavatan 21:7

Nane aava xasliu a maana mo ti la xavala lana toyan sina i taa siak a maana mo roxo ne fo ferawai pana, e nenia, ne taa waan a Piran sina e i taa lak siak.