A Lagasai Roxo Na Jon A Xaleie 18:28 - A Turoxoian Fa'ui Sina Piran

²⁸ Lavaxa, la paanen lolof xo a mu Juda ri ta'ulan a lifu si Kaiafas e ri lisan na Yesus xe la lifu sina paamua lava ti Rom. A mu Juda ri bai laak lana lifu la yaan aapave senaso ri lamon tamo ri taa laak a lalosaat sina mu topen i taa waan la tari e ri pife fexaxaas sena fangan la Fenamo ina Paaliuan.

Kara

²⁸ Lavaxa, la paanen lolof xo a mu Juda ri ta'ulan a lifu si Kaiafas e ri lisan na Yesus xe la lifu sina paamua lava ti Rom. A mu Juda ri bai laak lana lifu la yaan aapave senaso ri lamon tamo ri taa laak a lalosaat sina mu topen i taa waan la tari e ri pife fexaxaas sena fangan la Fenamo ina Paaliuan.

A Lagasai Roxo Na Jon A Xaleie 18:28 ပူးပေါင်းရင်းမြစ်များ

Matiu 27:27

E mui a mu rabuna ina rawen si Pailat ri lisan na Yesus xe lana lifu ina fawaan a maana mo ina fevisan e xasano rabuna ina rawen xapiak ri fakaliuane.

Maak 15:16

E a mu rawen ri xel falak na Yesus xe lana tang lifu sina gavamen (ri xali a lifu aanabe' pana ʻPretoriumʼ) e ri fe faxuvul a mu rawen sina mu Rom pave.

Luuk 22:66

La paanen paaliu a mu matalava sina mu Juda e mu paamua priis e mu rabuna ina fepitaa pana vuputkai ri filimaan faxuvul e ri xel na Yesus xe siri.

A Lagasai Roxo Na Jon A Xaleie 11:55

A Yaan ina Paaliuan sina mu Juda a faasilak e a rabuna xaves ri laak ti la mu bina siri xe Jerusalem paamuina fenamo xena vil tapin a lalosaat siri.

A Lagasai Roxo Na Jon A Xaleie 18:13

e ri lisan paamuiane xe si Aanas. Nane va imu Kaiafas aava paamua priis la mariaas aave.

A Lagasai Roxo Na Jon A Xaleie 18:15

Na Saimon Pita narie xasa fefeng si Yesus re taxa usi nari xuvul pa Yesus. E xasa fefeng xo, fe laak xe lana bina sina memai priis senaso nari pave ri taraxalie.

A Lagasai Roxo Na Jon A Xaleie 18:33

Na Pailat a xel na Yesus e re ta'ulan nari. Re laak lana lifu lava sina e nane fine, “Nano, no piran king sina mu Juda?”

A Lagasai Roxo Na Jon A Xaleie 18:39

Taasaxa mi toxan a saxa vilaana malaan: ne fuuna mulus tapin a saxa mataa vipis la Yaan ina Paaliuan. Mi vubuk o ne taa mulus tapin a piran king sina mu Juda?”

A Lagasai Roxo Na Jon A Xaleie 19:11

Na Yesus a suie, “No taa piau ta gutan xulok tamo a Saxa pe laa'ui a pife tavai nano pana. E voxo nari aava ri lisanau xe siim ri taa toxan a tiisan molava.”

A Lagasai Roxo Na Jon A Xaleie 19:14

A yaan aanabe' a Yaan ina Faigotan a Fanganan Xena Fenamo ina Paaliuan e a faasilak a fapisaxayaana awa. E na Pailat a xuus a mu Juda, “A piran king simi nabe'!”

A Lagasai Roxo Na Jon A Xaleie 19:9

E nane xel fa'uli na Yesus xe lana lifu lava aave. E a fine, “No filimaan ti faa?” Taasaxa na Yesus a tigina kasam.

Faisok 10:28

Nane xuus nari, “Mi texaas o lapaana vuputkai simaam mu Juda maam pife fexaxaas sena laak xe lana lifu sina rabuna aava ri pife Juda o tixalum nari. Taasaxa Piran fo faxalitau o ne taa pife xali ta mataa pana lalosaat.

Faisok 10:32

Xel na Saimon aava ri xalie pa Pita, ti pul Jaapa. Nane taxa taagul la lifu si xasa Saimon aava fuuna faisok pana vipin. A lifu sina taxa waan pe la gun.’

Faisok 11:3

Ri fine, “No fo laak xe lana lifu sina rabuna aava ri pife vuputuk e no fangan xuvul pari, bo?”

Faisok 3:13

A Piran si Abrahem, Aisaak e na Yaakop ve a Piran sina mu butaara, nane tavai a sisiak sina, na Yesus, pana isin lava layaan nane fatatoi fa'ulie ti la maatan. Nami, mi tavai a mu paamua simi pana xena punuxaana. E na Pailat, a memai ti Rom, nane tafo mulus tapine, taasaxa mi bai.

Faisok 4:27

A tuuna, na Herot nare Ponsus Pailat, a ro memai ti Rom, re fesavat sina mu Rom e mu rabuna ti Israel pe Jerusalem e ri fexuus kasam xena fasivi a Sisiak Xaradak siim, na Yesus aava nano Piran, no fo noxole.