A Lagasai Roxo Na Jon A Xaleie 17:22 - A Turoxoian Fa'ui Sina Piran

²² Ne fo timin a malang aava no tavaiau pana xuluna mu rabuna aanabe' talo ri taa waan faxuvul lapaana lamonan saxa malaan setaare.

Kara

²² Ne fo timin a malang aava no tavaiau pana xuluna mu rabuna aanabe' talo ri taa waan faxuvul lapaana lamonan saxa malaan setaare.

A Lagasai Roxo Na Jon A Xaleie 17:22 ပူးပေါင်းရင်းမြစ်များ

Maak 6:7

E nane xel faxuvul a mu yaamut sangafilu saxa pana taragua e feng nari o ri taa falet taragua pa taragua. E nane tavai nari pana gutan xena gei tapin a mu vovau saat.

Luuk 22:30

E mi taa fangan e num la ivin lana fatataganan siak e vaxa mi taa nai la vena Memai xena tiisaana pabung sangafilu saxa pana taragua sina mu Israel.

A Lagasai Roxo Na Jon A Xaleie 1:14

Na Ferawaian xo, fesavat mataa e taagul la palou itaara e taara fo xalum a malangan sina, a malangan sina saxa fatak sina Piran, na Tamana. Nane a bas pana xakaavangan xatam e ferawaian tuuna.

A Lagasai Roxo Na Jon A Xaleie 1:16

Ti lana xakaavangan xatam sina, nane fo tavai netaara pana maana mo roxo; saxa mo roxo xuluna saxa mo roxo fulaa maan.

A Lagasai Roxo Na Jon A Xaleie 14:20

La yaan aapave mi taa texaas tuuna o nenia, ne taagul lana Tamaang e fulaa mi taa texaas o mi waan xuvul paga e ne taxa waan xuvul pami.

A Lagasai Roxo Na Jon A Xaleie 17:24

“Tamaang, no fo tavaiau pari e ne vubuk o ri taa waan xuvul paga la bina siak xena xalum a miridingan siak; a miridingan aava no fo faneie xulok. No fo vile senaso paamuina faisok siim ina vesanaana maana mo ti la xavala aanabe' no vubuxan xasingitau.

Faisok 5:41

A mu yaamut ri ta'ulan a lifu ina tiisan e ri merao. Ri texaas o a Piran a faamamaas pana vilaana siri senaso nane turoxo o nari, ri taa siak a maasaxan malaan sena vilaana a rabuna ri mo vile se Yesus.

A Si Pol Lagasai Xe Sina Mu Rom 8:30

E fulaa, nari aava Piran fo fakalimaan nari, nane xel patak nari xena namkai sena. E nari naang aava Piran a xel patak nari, nane fatiginei fatak nari la matana. E vaxa nane taa tavai nari aava ri tigina fatak pana vipin fa'ui aava patak paaliu. E mui i taa tamana fanei nari la vepen roxo xuvul pana xa.

2 Korin 3:18

E netaara xapiak aava taara piau ta xakaafutan, taara faxalit famatavas a miridingan i Memai. E a miridingan aave i taxa molava et layaan i taxa lo xul famodak et netaara xe lana xaxaalua fatak ina, senaso a miridingan aanabe' a savat sina Memai aava Vovau.

2 Korin 5:20

E voxo netaara ve taara mu rabuna fefeng si Krais. A malaan sena Piran taxa fenung la ngusutaara layaan maam nung nami lapaana isi Krais: turoxoian a Piran xena fadaarum nami xe sina xa.

2 Korin 6:1

Nemaam, maam faisok xuvul pana Piran e maam faxaar nami talo mi taa pife saxam fepalauan a xakaavangan xatam sina.

Efasis 2:20

Nami ve mi mu xavil ina lifu aanabe'. A mu yaamut e mu rabuna ina kuus fatuxai ri fanei a fufuna lifu e a faat lava mata ina vesanaana ve na Krais Yesus.

Filipai 1:29

E voxo a Piran fo tavai nami pana namkaian simi e pana maasaxan vaxa lana xuvulaian simi xuvul pa Krais.

Kolaasi 1:24

E naboxo ne taxa faisok faagut xena xavang nami aava mi faxuvul xuvul pa Krais. E voxo ne faamamaas pana maana lagafan aava ri savat la toyan siak sena. A maana lagafan siak aave ri taxa faxuvul xuvul pana maasaxan aava savat si Krais sena rabuna sina e ri taxa fexaxaasan a maasaxan sina.

1 Jon 1:3

E a lagasai roxo aava nemaam fo xalume e maam fo langaie, maam taxa kuusan fasavate xe simi senaso maam vubuk o mi taa waan xuvul pamaam. A fetuwaanan aanabe' sitaara i taxa waan xuvul pa Piran Tamataara e Natuna, na Yesus Krais.

1 Jon 3:24

Nase' ta mataa aava usi a ferawaian sina Piran, nane aave i taa taagul xuvul pana e a Piran i taa waan la xunus ina. E taara texaas o nane taxa taagul xuvul pataara senaso a Vovau Xaradak taxa waan xulutaara saxa saxa.

1 Jon 4:17

Lavaxa, a vubuxan xasingitan sina Piran i taa savat faroxo la palou itaara e voxo taara taa tigina faagut e pife mataut layaan a yaan ina tiisan sina Piran taa savat senaso taara fo faxa'usi a vilaana si Krais.

Kuusan Fasavatan 21:14

A vaabat ina bina a toxan a fufuna faat sangafilu saxa pana taragua lapaana e a maana faat saxa saxa aave ri toxan a isin ina mu yaamut sangafilu saxa pana taragua sina Natuna Sipsip.