A Lagasai Roxo Na Jon A Xaleie 16:28 - A Turoxoian Fa'ui Sina Piran

²⁸ Ne filimaan ti pave si Tamataara e ne maa savat la xavala e naboxo ne taa ta'ulan a xavala e ne taa ulaa xe si Tamataara fulaa.”

Kara

²⁸ Ne filimaan ti pave si Tamataara e ne maa savat la xavala e naboxo ne taa ta'ulan a xavala e ne taa ulaa xe si Tamataara fulaa.”

A Lagasai Roxo Na Jon A Xaleie 16:28 ပူးပေါင်းရင်းမြစ်များ

Luuk 24:51

Layaan i taxa ferawai malaan nane ta'ulan nari e a xel falaxan xe laa'ui la xunavata.

Luuk 9:51

A yaan ina laaxan sina xe laa'ui la xunavata i taxa savatmaan faasilak e na Yesus a lamon fatateak o i taa laak xe Jerusalem e a falet xo.

A Lagasai Roxo Na Jon A Xaleie 13:1

A yaan ina Fenamo ina Paaliuan xo, a faasilak. E na Yesus a texaas o a yaan ina ta'ulan a xavala xena ulaa xe si Tamana fo faasilak. Nane vubuxan xasingit a mu rabuna sina la xavala e naboxo i taa faxalit nari pana vubuxanan molava paaliu sina.

A Lagasai Roxo Na Jon A Xaleie 14:28

“Mi fo langaiau layaan ne xuus nami, ‘Ne taa ta'ulan nami taasaxa ne taa savat fa'ulaa xe simi.’ Tamo mi vubuxan xasingitau naak mi taa faamamaas paaliu o ne taxa falet xe si Tamataara senaso na Tamataara a lava sega.

A Lagasai Roxo Na Jon A Xaleie 16:10

E pana ulaian siak xe si Tamaang talo mi taa pife xalumau fulaa, i taa faxalit nari o a mu vilaana siak ri fatak paaliu.

A Lagasai Roxo Na Jon A Xaleie 16:16

“Famodak mon e mi taa pife xalumau. E famodak fulaa mi taa xalum fulanau.”

A Lagasai Roxo Na Jon A Xaleie 16:30

Naboxo maam texaas o no masam sena maana mo xapiak e no fo texaas vaxa sena mu fiaian paamuin ta mataa i taa fiai pana; pana vilaana aanabe' siim maam namkai o nano, no savat ti pave sina Piran.”

A Lagasai Roxo Na Jon A Xaleie 16:5

“Taasaxa naboxo ne taa falet xe sina aava fo fengau e piau ta saxa simi a finau o ‘No taxa falet xe faa?’

A Lagasai Roxo Na Jon A Xaleie 17:11

Naboxo ne taa pife waan fulaa la xavala, taasaxa nari, ri waan nabe' la xavala e ne taxa falet xe siim. Tamamaam Taap, faxatang nari lapaana gutan ina isaam, a isin aava no fo burau pana, talo nari, ri taa saxa malaan sena waanan sitaare.

A Lagasai Roxo Na Jon A Xaleie 17:13

“Naboxo ne taxa falet xe siim e ne taxa kuus pana ferawaian aanabe' talo nari, ri taa masam tuunei a faamamaasan siak e ri taa faamamaas sait.

A Lagasai Roxo Na Jon A Xaleie 17:5

Naboxo Tamaang, tavaiau fulaa pana malangan aava taare fo toxane paamuina tangpat ina xavala.

A Lagasai Roxo Na Jon A Xaleie 8:14

Na Yesus a sui nari, “Tamo ne kuus xakaavang sega fatak a kuusan siak a tuuna senaso ne texaas sena fufubina siak e ne texaas o nenia, ne taa falet xe faa. Taasaxa nami, mi pife texaas o laso ta bina ne filimaan ti lana o laso ta bina ne taxa falet xe lana.

A Lagasai Roxo Na Jon A Xaleie 8:42

Na Yesus a xuus nari, “Tamo Piran a Tamami, mi taa vubuxanau senaso ne fo filimaan sina Piran e naboxo ne taxa waan nabe'. Ne pife savatmaan lapaana gutan siak taasaxa nane fo fengau.