A Lagasai Roxo Na Jon A Xaleie 16:19 - A Turoxoian Fa'ui Sina Piran

¹⁹ Na Yesus a texaas o ri buk fine pana e a xuus nari, “A so ta mo mi taxa fefiaiane la palou imi? Sena ferawaian siak: ‘Famodak mon e mi taa pife xalumau e famodak fulaa mi taa xalum fulanau?’

Kara

¹⁹ Na Yesus a texaas o ri buk fine pana e a xuus nari, “A so ta mo mi taxa fefiaiane la palou imi? Sena ferawaian siak: ‘Famodak mon e mi taa pife xalumau e famodak fulaa mi taa xalum fulanau?’

A Lagasai Roxo Na Jon A Xaleie 16:19 ပူးပေါင်းရင်းမြစ်များ

Matiu 6:8

Muta usi a vilaana siri senaso na Tamami, nane texaas sena so ta mo mi xaxaalif pana paamuina yaan mi fine pana.

Matiu 9:4

Taasaxa na Yesus a texaas sena so ta mo ri taxa lamon pana e a kuus, “Xenaso mi taxa lamon pana maana mo mosaat malaan?

Maak 9:32

A mu fefeng ri vungut sena fufuna ferawaian sina taasaxa ri mataut sena fine pana.

A Lagasai Roxo Na Jon A Xaleie 13:33

“Mu rafulak, ne taa waan xuvul pami pana lou modak mon. Mi taa sengau taasaxa malaan se' ne fo xuus a mu matalava Juda, ‘Ne taa falet xe la saxa bina e nami, mi pife fexaxaas sena falet xe lana.’ E nami vaxa ne xuus nami o mi pife fexaxaas sena falet xe lana sait.

A Lagasai Roxo Na Jon A Xaleie 14:19

Famodak fulaa mon e a rabuna ti la xavala ri taa pife xalumau fulaa, taasaxa nami, mi taa xalumau. Nenia, ne taxa to vulai e voxo nami sait mi taa to vulai.

A Lagasai Roxo Na Jon A Xaleie 16:16

“Famodak mon e mi taa pife xalumau. E famodak fulaa mi taa xalum fulanau.”

A Lagasai Roxo Na Jon A Xaleie 16:18

E voxo ri taxa fexuus, “A so ta malasuf ina ferawaian sina aave: ‘Famodak mon?’ Taara pife texaas sena so ta mo nane taxa ferawai pana.”

A Lagasai Roxo Na Jon A Xaleie 16:23

La yaan aapave mi taa bai finau pana saxano fiaian. Ne xuus tuunei nami layaan mi taa fenung xe si Tamataara pana saxa mo lapaana isaak, i taa tavai nami pana mo aave.

A Lagasai Roxo Na Jon A Xaleie 16:26

La yaan aapave mi taa fenung lapaana isaak e ne pife kuus o ne taa fenung xe si Tamataara xami, piau.

A Lagasai Roxo Na Jon A Xaleie 16:30

Naboxo maam texaas o no masam sena maana mo xapiak e no fo texaas vaxa sena mu fiaian paamuin ta mataa i taa fiai pana; pana vilaana aanabe' siim maam namkai o nano, no savat ti pave sina Piran.”

A Lagasai Roxo Na Jon A Xaleie 21:17

E na Yesus a fatalatul a fiaian sina, “Saimon, natu Jon, a tuuna no vubuxanau?” Na Pita a mamaxus senaso na Yesus a fin faatalatulane pana “Tuuna no vubuxanau?” E voxo nane suie, “Memai, no texaas sena maana mo xapiak; no texaas o ne vubuxan nano.” Na Yesus a xuus fulane, “Tavai a mu sipsip siak pana fanganan.

A Lagasai Roxo Na Jon A Xaleie 6:61

Na Yesus a texaas lana xunus ina o a mu fefeng sina ri taxa fefinaas sena mo aanabe' e a xuus nari, “A ferawaian aanabe' naak i taxa fakasal temasaatan nami, bo?

A Lagasai Roxo Na Jon A Xaleie 7:33

Na Yesus a kuus, “Ne taa waan xuvul pami famodak fulaa lunai e mui ne taa paan xe sina aava fengau.

Hibru 4:13

Mi piau ta mo mi fexaxaas sena fune xasena Piran, piau. A maana mo xapiak aava nane fo vesane, a waan xurul e matavas lapaana xakaaluman sina. E voxo taara xapiak taa xuuse pana so ta vilaana taara fo vile.

Kuusan Fasavatan 2:23

E maana natuna, ne taa punuk nari pana giisan molava. E voxo la maana lifu lotu siak ri taa masam faroxo o nenia xa, ne Saxa aava tatafang a maana mu lamonan simi e ne xalum a maana mo lana xunus imi. E mi taa texaas o nenia xa, ne taa tavai nami saxa saxa pana mo roxo xana mu vilaana roxo e pana mo mosaat xana mu vilaana saat.