A Lagasai Roxo Na Jon A Xaleie 15:21 - A Turoxoian Fa'ui Sina Piran

²¹ Taasaxa ri taa vil a maana mo aanabe' xe simi sena isaak. Senaso ri pife texaas sena Saxa aava fengau.

Kara

²¹ Taasaxa ri taa vil a maana mo aanabe' xe simi sena isaak. Senaso ri pife texaas sena Saxa aava fengau.

A Lagasai Roxo Na Jon A Xaleie 15:21 ပူးပေါင်းရင်းမြစ်များ

Matiu 10:18

Ri taa fatiginei nami la matana mu paamua ti Rom e mu paamua ti la mu bina lava senaso mi namkai sega e mi taa kuus xakaavang sega xe sina mu paamua aave e mu rabuna aava ri pife Juda.

Matiu 10:22

A mu rabuna xapiak ri taa baian nami senaso mi namkai sega. Taasaxa nase' ta mataa i taa lo tigina fatateak lana namkaian sina fefexaxaas a yaan fataxapiak, i taa kaaxup.

Matiu 10:39

Nane aava lalamon vulai xena tao fatateak a toyan sina, i taa pife waan lana toyan tuuna. Taasaxa nane aava lamon fepalauan a toyan sina senaso i taxa namkai sega, i taa siak a toyan tuuna xe vulai.

Matiu 24:9

“Lamina yaan a maana mo aanabe' fo savat, a mu rabuna pana tateaxan ri taa pis nami e a mu xaiyaas simi ri taa vil pengan nami e punuk nami. A mu rabuna xapiak ri taa baian nami senaso mi waan xuvul paga.

Matiu 5:11

“A naian simi a roxo paaliu layaan a rabuna ri ferawai fasaat semi e ri vil pengan nami e ri bit tifi nami pana maana bitan saat senaso mi namkai sega.

Maak 13:13

E nami, a maana rabuna taa baian nami senaso mi paa xolai pana isaak. Taasaxa tamo ta mataa siak i taa tigina fatateak fefexaxaas la yaan fataxapiak, ne taa fakaxupe.”

Luuk 21:12

“Paamuina yaan aave ri taa yot nami e ri taa vil pengan nami. Ri taa lisan nami xe lana mu lifu ina faxuvulan e lana bina ina vipisan. Ri taa fatiginei nami la nona mu king e mu paamua ina gavamen sena isaak mon.

Luuk 21:17

A mu rabuna xapiak ri taa baian nami senaso mi namkai sega.

Luuk 6:22

Faamamaas nami aava rabuna ri baian nami e ri feng tapin nami e ri ferawai fakasal nami e ri gilis a isimi malaan sena isin saat senaso mi usi fatak a Natuna Mataa. Aisaia 51:7.

A Lagasai Roxo Na Jon A Xaleie 15:24

Tamo ne taa pife vil a maana mo fa'ipul aava piau ta mataa fulaa fexaxaas sena vile, ri taa pife texaas o ri toxan a lalosaat. Taasaxa ri fo xalum a maana mo fa'ipul siak e ri baian faagutan nemaame Tamaang.

A Lagasai Roxo Na Jon A Xaleie 16:3

Ri taa vil malaane senaso ri pife texaas se Tamataara e ri pife texaas sega.

A Lagasai Roxo Na Jon A Xaleie 17:25

“Tamaang a maana vilaana siim ri xaradak e a mu rabuna ti la xavala ri pife texaas sema taasaxa nenia, ne texaas sema e nari aanabe' ri texaas o no fo fengau.

A Lagasai Roxo Na Jon A Xaleie 8:19

E nari, ri fine, “E na tamaam faa?” Na Yesus a sui nari, “Mi pife texaas sega e se Tamaang. Tamo mi texaas sega mi taa texaas sena Tamaang sait.”

A Lagasai Roxo Na Jon A Xaleie 8:54

Na Yesus a sui nari, “Tamo nenia fatak mon ne taxa siak fati a isaak, a isin lava siak a mo palau. Na Tamaang aava mi kuus o a Piran simi, nane ve i taxa siak fatiau.

A Lagasai Roxo Na Jon A Xaleie 8:55

Mi pife texaas sena taasaxa nenia, ne texaas sena. Tamo ne taa kuus o ne pife texaas sena, nenia, ne taa mataa vibit malaan semi, taasaxa piau. Ne texaas sena e ne sasangas vulai lapaana ferawaian sina.

Faisok 17:23

Senaso layaan ne sangas xolai la bina simi, ne xalum a nu bina mi taxa lo lotu lana e ne tingin vaxa a nobina saxa pana xakalayan aanabe': ‘Xe Sina Piran Aava Maam Vungut Sena’. E voxo a so ta mo mi taxa lotu xe sina lana vungutan simi, a mo aave ne taa xuus fatexaas nami pana.

Faisok 26:9

“Lumua nenia vaxa ne lamon tuuna o ne taa faisok faagut xena tisui a isi Yesus ti Nasaret.

Faisok 3:17

“Naboxo mu fetinan, ne texaas o nami e mu paamua simi, mi fo vil a mo mosaat aanabe' lana vungutan simi.

Faisok 4:17

Taara baian a xasanofuna ri taa langai sena. Lavaxa, taara taa kuus bukan nare talo re taa pife ferawai fulaa pana isi Yesus.”

Faisok 5:41

A mu yaamut ri ta'ulan a lifu ina tiisan e ri merao. Ri texaas o a Piran a faamamaas pana vilaana siri senaso nane turoxo o nari, ri taa siak a maasaxan malaan sena vilaana a rabuna ri mo vile se Yesus.

Faisok 9:14

E nane savat iau lapaana tateaxan ina mu paamua ina lotu Juda xena yotaana mu rabuna aava ri fenung xe siim.”

Faisok 9:16

Ne taa faxalite pana maasaxan molava aava i taa savat sina sena faisok lapaana isaak.”

A Si Pol Lagasai Xe Sina Mu Rom 1:28

Nari, ri texaas sena Piran taasaxa ri vungut bit. E voxo a Piran a ta'ulan nari talo ri taa lamon fasaat vulai e ri taa usi a maana vilaana saat.

1 Korin 15:34

Fataxapin a vilaana saat simi e mi ulaamaan xe lana lamonan roxo. Ne buk famangil nami e voxo ne kuus o saxanofuna la palou imi ri vungut sena Piran.

1 Korin 2:8

Pi ta paamua ti la xavala aava masam sena texaasan aanabe'. Tamo ri tafo texaas sena ri taa pife niil fataxutan a Memai ina Miridingan xuluna bolo.

2 Tesalonaika 1:8

I taa fakasanam nari aava ri pife namkai sena Piran e ri langai pesalai sena Lagasai Roxo se Memai Yesus sitaara.

1 Jon 3:1

La yaan aava Piran fo tavai netaara pana vubuxan xasingitan sina e xali netaara pana rafulak sina, a yaan aave a yaan roxo paaliu marasaxa. E taara taxa waan a mu rafulak sina lunai. A mu rabuna ti la xavala ri vungut setaara senaso ri vungut se Yesus.

3 Jon 1:7

Senaso a Piran pana Isin Lava fatamasiak nari e ri pife siak a xakaavangan sina mu rabuna aava ri waan lamalei sena fatataganan sina Piran, piau.

Kuusan Fasavatan 2:3

E nami sait, mi faisok faagut xaanak. La yaan ina fakasanaman soxot a isaak, mi fo tigina fatateak e mi pife mamaxus.