A Lagasai Roxo Na Jon A Xaleie 15:15 - A Turoxoian Fa'ui Sina Piran

¹⁵ Ne taa pife xali nami pana fefeng o sisiak siak fulaa, piau. Senaso a mu fefeng ri pife texaas sena so ta mo a mataa tafuri taxa vile. Taasaxa ne fo fa'isin nami pana ‘fesing siak’ senaso ne fo xuus fatexaas nami pana maana mo xapiak aava na Tamaang a xuusau pana.

Kara

¹⁵ Ne taa pife xali nami pana fefeng o sisiak siak fulaa, piau. Senaso a mu fefeng ri pife texaas sena so ta mo a mataa tafuri taxa vile. Taasaxa ne fo fa'isin nami pana ‘fesing siak’ senaso ne fo xuus fatexaas nami pana maana mo xapiak aava na Tamaang a xuusau pana.

A Lagasai Roxo Na Jon A Xaleie 15:15 ပူးပေါင်းရင်းမြစ်များ

Matiu 13:11

E na Yesus a sui nari, “A Piran fo tavai nami pana masaman sena mo fufunai ina fatataganan sina, taasaxa xe siri, piau.

Luuk 10:23

E nane titapuk xe sina mu fefeng sina e a xuus kasam nari, “Mi taa faamamaas sena maana mo mi fo xalume.

A Lagasai Roxo Na Jon A Xaleie 12:26

Tamo ta mataa rao i sisiak siak, nane i taa usi tuuneiau e a so ta bina ne taxa waan lana, a sisiak aave sait i taa waan lana. Layaan a mataa taa sisiak siak, na Tamaang taa suaiane.

A Lagasai Roxo Na Jon A Xaleie 13:16

Ne kuus tuuna, a yaasok pife lava sena mataa tafuna e a fefeng pife lava sena mataa aava fo fenge.

A Lagasai Roxo Na Jon A Xaleie 15:20

Lamon fa'uli a ferawaian siak xami, ‘A sisiak a pife lava sena mataa tafuna.’ Saxanofuna aava ri vil penganau, ri taa vil pengan nami sait e saxanofuna aava ri langai a ferawaian siak, ri taa langai a ferawaian simi sait.

A Lagasai Roxo Na Jon A Xaleie 16:12

“Ne toxan a mo xaves fulaa ne buk xuus nami pana taasaxa mi pife fexaxaas sena langaie naboxo.

A Lagasai Roxo Na Jon A Xaleie 17:26

Ne fo faxalit nari pana isaam e ne taa lo faisok vulai xena siak fati nano talo a vubuxan xasingitan aava no toxane xanak i taa waan xuluri sait e vaxa nenia, ne taa waan la xunus iri.”

A Lagasai Roxo Na Jon A Xaleie 20:17

Na Yesus a xuuse, “Muta yotau, senaso ne pife laak fa'ulaa xe si Tamaang lunai. Taasaxa no taa falet xe sina mu fetinan siak e no taa xuus nari malaan: ‘Ne taxa laak xe si Tamaang aava Tamami sait e xe sina Piran siak aava Piran simi sait.’”

A Lagasai Roxo Na Jon A Xaleie 4:19

“Ai, matalava” a tefin a kuus, “Naboxo ne texaas o nano, no saxa mataa ina kuus fatuxai.

A Lagasai Roxo Na Jon A Xaleie 8:26

Ne toxan a mo xaves paaliu xena kuusanaana e xena tiisaan nami, taasaxa nane aava fengau, nane fatak a Tuunayan e a maana mo xapiak nane xuusau pana, ne taxa kuusane xe simi maana rabuna ti la xavala.”

Faisok 20:27

Senaso ne fo xuus nami pana vubuxanan e lamonan xapiak sina Piran.

A Si Pol Lagasai Xe Sina Mu Rom 7:15

Ne pife masam sena so ta mo ne fuuna vile. A malaanabe', a so ta mo ne vubuk vile, a mo aave ne pi vivile. Taasaxa ne fuuna vil a mo aava ne bai paaliu o ne taa vile.

1 Korin 2:16

Senaso lana Xakalayan Taap a kuus: “Nase' texaas sena lamonan sina Memai? Nase' fexaxaas sena fapitie?” Aisaia 40:13. Taasaxa netaara xo, taara toxan a lamonan si Krais.

Galesia 4:6

E senaso nami ve mi rafulak sina, a Piran a feng a Vovau i Natuna xena waan la xunus itaara. E a Vovau aave a kel, “Papa, Tamaang.”

Efasis 1:9

A Piran lana vubuxanan roxo sina, fo faxalit famatavas netaara pana maana mo fufunai aava nane buk vil famatavase se Krais

Efasis 3:5

Lumua a Piran pife faxalit a rabuna pana mo fufunai aave, taasaxa naboxo a Vovau sina fo faxalit a mu yaamut xaradak e mu rabuna ina kuus fatuxai sina, pana.

Kolaasi 1:26

Lokavai mupiis fefexaxaas tanin a mu rabuna xapiak ri pife matavas pana texaasan fufunai aanabe' senaso a Piran a fune xaseri. Taasaxa naboxo a mu rabuna aava ri namkai se Yesus ri texaas faroxo sena.

Failimon 1:16

E nane pife yaasok palau naboxo, piau, nane ve na tiam lapaa Krais. Nane a molava lana toyan siak, taasaxa nane a molava piis xe siim senaso naboxo nane a yaasok roxo siim e vaxa na tiam lapaa Krais.

Jems 1:1

Nenia na Jems, ne sisiak sina Piran e sina Memai, na Yesus Krais e ne lisan a lagasai aanabe' xe simi. Ne fasisi nami, mu pabung sangafilu saxa pana taragua aava mi waan xolai lana maana mu bina xapiak la xavala.

Jems 2:23

talo Xakalayan ti Kavai i taa savat tuuna, a Xakalayan aava kuus malaan: “Na Abrahem a namkai sena ferawaian sina Piran e voxo a Piran fo xalie pana mataa xaradak paaliu la xakaaluman sina.” Tangpat 15:6. E mui ri xali na Abrahem pana “Fesing sina Piran”.

1 Pita 1:11

Ri tafang faagut xena siak a texaasan pana so ta yaan i taa savat e nase' ta mataa i taa lisanmaane. E a Vovau i Krais i taxa xavang nari xena fakalimaan a yaan ina savatan sina e pana kuus fatuxai sena maasaxan e vil penganan aava na Krais taa siaxe e a miridingan sina aava i taa savat lamina yaan aave.

2 Pita 1:1

Nenia, na Saimon Pita aava saxa sisiak e yaamut si Yesus Krais, ne taxa lisan a lagasai aanabe' xe simi aava mi taxa waan lapaana vilaana fatak si Yesus Krais, a Piran aava mataa ina fakaxupaan netaara xapiak, nami aava mi fo siak a namkaian molava fexaxaas malaan semaam.

Juut 1:1

Nenia na Juut, ne sisiak si Yesus Krais e ne ti Jems. Ne kala xe simi aava Piran fo xel nami e mi taxa taagul lana fatataganan si Tamataara aava tao faagutan nami, xa Yesus Krais.

Kuusan Fasavatan 1:1

A Piran a tavai na Yesus Krais pana lagasai aanabe' xena kuusan fasavataana xe sina mu sisiak sina. Na Yesus a vubuk o a mu rabuna sina ri taa texaas sena mu vilaana aava ri taa savat lumui. E voxo nane feng a saxa angelo sina xena fapiti na Jon pana.