A Lagasai Roxo Na Jon A Xaleie 15:1 - A Turoxoian Fa'ui Sina Piran

¹ “Nenia, ne yeis ina wain tuuna e na Tamaang ve, a mataa ina faxatang a yeis ina wain.

Kara

¹ “Nenia, ne yeis ina wain tuuna e na Tamaang ve, a mataa ina faxatang a yeis ina wain.

A Lagasai Roxo Na Jon A Xaleie 15:1 ပူးပေါင်းရင်းမြစ်များ

Matiu 15:13

E nane sui nari, “A so ta mo aava na Tamaang pe laa'ui la xunavata pife xapise, i taa put tapinan.

Matiu 20:1

E na Yesus taxa lo ferawai malaan: “A Fatataganan sina Piran a malaanabe'. Saxa yaan a toxan a mataa piran aava ta'ulan a lifu sina la paanen lolof e fe xel a saxano rabuna xena faisok la uma wain sina.

Matiu 21:33

Na Yesus a kuus, “Langai sena saxa ferawaian paap fulaa. A toxan a mataa tafuna xavala a xapis a uma sina pana yeis ina xalana wain. E nane fakaliuane pana vaafa e xaf a vaa'ul xena mimit a xalana aave. E nane vesan a lifu modus xe laa'ui xana rabuna ina faxatangaana uma sina. E mui nane tingin a saxano rabuna xena faisok e faxatang a uma e nane xo a ta'ulan a lifu sina xena falet xe pe la saxa bina lasuun.

Maak 12:1

E na Yesus a tangpat pana ferawai xe sina mu matalava pana ferawaian paap malaan: “Saxa mataa a xapis a uma wain e fakaliuane pana vaafa faat. E nane xaf a vaa'ul lapaana nobina ina paamimitaana xalana wain. E nane vesan a lifu modus faasilak la tana uma. Taasaxa nane pife waan pave. Nane xuus fatexaas a xasano rabuna rao ri taa faxatang a uma aave e ri taa lisan a saxano wain ri vesane xe sina lumui xena maraan a uma sina. E nane xo falet xe pe lasuun.

Luuk 13:6

E na Yesus a kuus pana saxa ferawaian paap malaan: “Saxa mataa a toxan a falaang aava waan la uma sina. Nane fe seng a xalana taasaxa seseng maat. Piau ta xalana.

A Lagasai Roxo Na Jon A Xaleie 1:17

Na Moses a lisanmaan a vuputkai sina Piran taasaxa na Yesus Krais a lisan a xakaavangan xatam e ferawaian tuuna.

A Lagasai Roxo Na Jon A Xaleie 1:9

A malang tuuna naang aava famalang a maana rabuna xapiak, i taxa filimaan xena sangas xolai la xavala.

A Lagasai Roxo Na Jon A Xaleie 15:2

I taa tilip tapin a maana raxan iga aava ri pife fuaa e nane taa sapit gon faroxoi a maana raxan iga aava ri fuaa talo ri taa fuaa faagut.

A Lagasai Roxo Na Jon A Xaleie 6:32

Na Yesus a xuus nari, “Ne taa xuus tuunei nami pana fufuna ferawaian aave, na Moses pife tavai nami pana bret ti la xunavata, taasaxa a malaan, na Tamaang i taxa tavai nami pana bret tuuna ti la xunavata.

A Lagasai Roxo Na Jon A Xaleie 6:55

Senaso a meska iga a fanganan tuuna e a ria iga a mo ina numan tuuna.

A Si Pol Lagasai Xe Sina Mu Rom 11:17

Lavaxa, tamo saxano raxan ri patal tapinan sena wai olif aava waan la uma e nami aava mi malaan sena mu raxan ri savat sena wai olif ti la latan, mi fo faadoxotanan la palou ina raxan aave, mi taxa siak a gutan simi sena xarei ina wai olif naang la uma.

1 Korin 3:9

Langaiau! Nemaame ve maame ro mataa tatara'uma sina Piran e nami ve mi uma sina. E xasa ferawaian paap a malaan, nami ve mi lifu aava Piran taxa vesane.

1 Jon 2:8

Taasaxa, a vuputkai aanabe' aava ne taxa xaleie xe simi, a fa'ui famodak. Ne ferawai tuuna senaso layaan mi lamon pana taagulan si Krais e mi xalum a taagulan simi, mi taa texaas o a suk ina vilaana saat i taxa falet e a malang roxo fo savat.