A Lagasai Roxo Na Jon A Xaleie 12:46 - A Turoxoian Fa'ui Sina Piran

⁴⁶ Nenia, ne malang e ne fo savatmaan xe nabe' la xavala talo mataa aava namkai sega i taa pife waan la suk.

Kara

⁴⁶ Nenia, ne malang e ne fo savatmaan xe nabe' la xavala talo mataa aava namkai sega i taa pife waan la suk.

A Lagasai Roxo Na Jon A Xaleie 12:46 ပူးပေါင်းရင်းမြစ်များ

Matiu 4:16

a mu rabuna aave xo ri fo taagul la suk e naboxo ri xalum a malang molava; e a malang fo savat xuluri aava ri taagul lapaana xaxaalua ina maatan.” Aisaia 9:1,2; 42:6-7.

Luuk 2:32

A malang xena famatavas a mu rabuna aava ri pife Juda e xena tavai a mu rabuna siim aava mu Israel, pana isin lava.”

A Lagasai Roxo Na Jon A Xaleie 1:9

A malang tuuna naang aava famalang a maana rabuna xapiak, i taxa filimaan xena sangas xolai la xavala.

A Lagasai Roxo Na Jon A Xaleie 3:19

E a tiisan taa savat malaan: a malang fo savat xuluna xavala, taasaxa mu rabuna xapiak ri vubuxan a suk e ri baian a malang senaso a mu vilaana siri, ri saat paaliu.

A Lagasai Roxo Na Jon A Xaleie 8:12

Mui fulaa na Yesus a kuus xe siri, “Nenia, ne malang xana maana rabuna xapiak la xavala. Nase' aava usiau, i taa pife sangas la suk taasaxa i taa toxan a malang ina toyan.”

A Lagasai Roxo Na Jon A Xaleie 9:39

Na Yesus a kuus, “Ne sivimaan xe nabe' la xavala xena tiisaana mu rabuna talo nari aava ri piif ri taa kaalum e nari aava ri xakaalum, ri tafe piif.”

A Lagasai Roxo Na Jon A Xaleie 9:5

Layaan nenia, ne taxa waan la xavala, nenia xa ne malang xana mu rabuna la xavala.”

Faisok 26:18

xena famatavas a lamonan siri talo ri taa ta'ulan a mu faisok ina suk xena vil a mu faisok ina malang e ri taa taaluugan a gutan si Setan xena falet xe sina Piran. E voxo ne taa lamon tapin a mu vilaana saat siri e ne taa tavai nari pana vepen siri la palou ina mu rabuna aava ri namkai sega.’

Efasis 5:14

senaso a malang a famatavas a maana mo xapiak. E sena mo aanabe' ri kuus malaan: “Para nano aava no taxa matef, tamasiak fa'ulaa ti la mamaat e na Krais i taa lang xulumi.”