A Lagasai Roxo Na Jon A Xaleie 10:6 - A Turoxoian Fa'ui Sina Piran

⁶ Na Yesus a xuus nari pana ferawaian paap aanabe' taasaxa ri pife masam sena mo aava nane vubuk fapiti nari pana.

Kara

⁶ Na Yesus a xuus nari pana ferawaian paap aanabe' taasaxa ri pife masam sena mo aava nane vubuk fapiti nari pana.

A Lagasai Roxo Na Jon A Xaleie 10:6 ပူးပေါင်းရင်းမြစ်များ

Matiu 13:34

Na Yesus a ferawai paap xe siri xena xuus nari pana maana mo xapiak aanabe'. Nane pife ferawai xe siri pana piau ta ferawaian paap.

Matiu 13:51

Na Yesus a fiai, “Mi fo masam pana maana mo aanabe', bo?” E ri suie, “Aang!”

Maak 4:34

Nane pife kuusan famatavas a malasuf ina ferawaian sina xe siri, piau! Nane ferawai pana mu ferawaian paap mon. E layaan a mu fefeng sang mon ri taxa waan xuvul pana, lavaxa nane kuusan xapin a fufuna maana ferawaian paap.

A Lagasai Roxo Na Jon A Xaleie 16:25

“Ne fo xuus nami pana maana mo aanabe' lana ferawaian paap. Taasaxa a yaan i taa savat layaan ne taa pife ferawai xe simi pana ferawaian paap fulaa taasaxa ne taa xuus fatexaas nami se Tamataara pana ferawaian fatak.

A Lagasai Roxo Na Jon A Xaleie 16:29

Nari mu fefeng sina ri kuus, “Aang, naboxo no taxa ferawai fatak e no pife ferawai paap.

A Lagasai Roxo Na Jon A Xaleie 6:52

E voxo mu Juda ri fetok faagut la palou iri, “Malaafaa a mataa aanabe' a fexaxaas sena tavai netaara pana vipin ina xena nganaana?”

A Lagasai Roxo Na Jon A Xaleie 6:60

E xaves ina mu fefeng si Yesus, layaan ri langai a ferawaian aanabe' ri kuus malaan, “A ferawaian aanabe' a lagaf temasaat. Nase' fexaxaas i taa langaie?”

A Lagasai Roxo Na Jon A Xaleie 7:36

A so ta malasuf ina ferawaian aanabe' sina: ‘Mi taa sengau taasaxa mi pife fexaxaas sena tinginau senaso la bina ne taagul lana mi pife fexaxaas sena savat lana’?”

A Lagasai Roxo Na Jon A Xaleie 8:27

Nari, ri vungut o nane taxa ferawai xe siri pa Tamana.

A Lagasai Roxo Na Jon A Xaleie 8:43

Xenaso mi pife masam a lagasai siak? Naak, mi pife fexaxaas sena langai a mo ne taxa kuusane, bo?

1 Korin 2:14

A mataa aava pi ta Vovau aave i taa pife turoxo pana maana mo aava ri savat sena Vovau sina Piran. Nane pife masam seri e a lamon o ri mo palau mon. Nane pife fexaxaas sena taraxali a maana mo sina Vovau sina Piran tamo nane piau ta vovau aave.

2 Pita 2:22

A mo aava savat siri a faxa'usi a kuusan tuuna ti kavai aava malaan: “A piu i taa ulaa soxot fulan a luak sina e a vio aava fo suuf i taa ulaa fulaa xe la susup sina.” Ferawai paap 26:11.

1 Jon 5:20

E taara texaas o a Natuna Piran fo savat e fo tavai netaara pana masaman talo taara taa taraxali a Piran tuuna. E taara taxa lo taagul xuvul pana e pa Natuna, na Yesus Krais. Nane ve a Piran tuuna e Toyan vulai, vulai.