A Lagasai Roxo Na Jon A Xaleie 10:24 - A Turoxoian Fa'ui Sina Piran

²⁴ E mu matalava Juda ri fakaliuane e ri fine, “Maam taa waan vungut sema fefexaxaas a so ta yaan? Tamo nano, no Mataa Failai no xuus famatavas nemaam.”

Kara

²⁴ E mu matalava Juda ri fakaliuane e ri fine, “Maam taa waan vungut sema fefexaxaas a so ta yaan? Tamo nano, no Mataa Failai no xuus famatavas nemaam.”

A Lagasai Roxo Na Jon A Xaleie 10:24 ပူးပေါင်းရင်းမြစ်များ

Matiu 11:3

E ri fe fin na Yesus, “Xuus nemaam, nano, no saxa aava na Jon a kuus o i taa savat o maam taa waan bang a xasafuna?”

Maak 8:32

E nane xuus famatavas nari. Taasaxa na Pita a xele xe la xasing e a ferawai xuvul pana, narie sang mon. Na Pita a baian a ferawaian si Yesus e a barase pana.

Luuk 3:15

A maana rabuna ri taxa falim fatateak na Jon senaso ri lamon o naak na Jon a saxa aava Piran a siak fatie xena fakaxup a mu Israel, a Mataa Failai sina.

A Lagasai Roxo Na Jon A Xaleie 1:19

Saxa yaan xo, a mu matalava sina mu Juda pe Jerusalem ri feng a saxanu priis e saxanu rabuna lana pabung si Livai xe si Jon rao ri taa fine, “Nano nase'?” Ri vil malaane e na Jon a xuus nari malaan, “Nenia, ne pife Krais, a Mataa Failai.” Nane kuus famatavas e pife bit nari.

A Lagasai Roxo Na Jon A Xaleie 10:31

A mu Juda ri siak faat fulaa xena soxoiaana pana.

A Lagasai Roxo Na Jon A Xaleie 10:33

A mu Juda ri suie, “Piau, pife sena fakalimaanan roxo maam taa soxoi nano pana faat, taasaxa no ferawai fasaat sena Piran aava taap. E vaxa nano, no mataa mon e no taxa xali nano xa o no fexaxaas malaan sena Piran. A mo aanabe' ve a fufuna soxoiaan nano.”

A Lagasai Roxo Na Jon A Xaleie 16:25

“Ne fo xuus nami pana maana mo aanabe' lana ferawaian paap. Taasaxa a yaan i taa savat layaan ne taa pife ferawai xe simi pana ferawaian paap fulaa taasaxa ne taa xuus fatexaas nami se Tamataara pana ferawaian fatak.

A Lagasai Roxo Na Jon A Xaleie 8:25

Lavaxa, ri fine, “E nano nase'?” Na Yesus a xuus nari, “Ne fo xuus faxavesan nami xo!

A Lagasai Roxo Na Jon A Xaleie 8:53

Naak, nano, no matalava se tamamaam, na Abrahem aava fo maat? A mu rabuna ina kuus fatuxai vaxa ri fo maat. No lamon o nano nase', no xali nano pase'?”

A Lagasai Roxo Na Jon A Xaleie 9:22

Nare, re kuus malaan senaso re matautan a mu matalava Juda. Nari mu matalava Juda ri fo turoxo o tamo ta mataa taa kuus o na Yesus ve a Mataa Failai, lavaxa ri taa ti votan a mataa aave i muta laak lana mu lifu ina faxuvulan.

2 Korin 3:12

E voxo senaso taara toxan a lamon fanaian malaan taara tigina fatateak lana namkaian e taara pife faatasu.