A Lagasai Roxo Na Jon A Xaleie 10:10 - A Turoxoian Fa'ui Sina Piran

¹⁰ A mataa ina fenau a filimaan mon xena fenau, ngaapunuk, e ngaagalas. Nenia xo, ne fo savat xena tavai a mu rabuna pana toyan e ri taa bas paaliu marasaxa pana.

Kara

¹⁰ A mataa ina fenau a filimaan mon xena fenau, ngaapunuk, e ngaagalas. Nenia xo, ne fo savat xena tavai a mu rabuna pana toyan e ri taa bas paaliu marasaxa pana.

A Lagasai Roxo Na Jon A Xaleie 10:10 ပူးပေါင်းရင်းမြစ်များ

Matiu 18:10

E na Yesus a ferawai et, “Muta lamon fasivi xulun' ta saxa lak aava namkai sega senaso ne xuus nami o mu angelo pe la xunavata aava faxatang nari, vulai ri fexaxaas sena savat la nona Tamaang pave la xunavata, pari.

Matiu 18:11

[Senaso a Natuna Mataa a savat xena fakaxup nari aava ri milung.]

Matiu 20:28

malaan sena Natuna Mataa aava pife filimaan talo a rabuna ri taa sisiak xe sina taasaxa, a filimaan xena sisiak e xena tatavai pana toyan sina xena mulus tapin a maana rabuna xaves xasena vilaana saat siri.”

Matiu 21:13

Nane kuus xe siri, “Lana Xakalayan sina Piran a kuus, ‘Ri taa xali a lifu siak pana lifu ina fenungan.’ Taasaxa nami, mi taxa bilai malaan sena lifu aanabe' ve a nobina ina fufunai sina mu rabuna fafenau.”

Matiu 23:13

“Nami mu rabuna ina fepitaa pana vuputkai e nami mu Ferasi, mi mu xalema maranga! Faxatang! A waanan simi i taa pife falet faroxo senaso mi xao a matana lifu xe lana Fatataganan sina Piran talo xasanofuna aava ri buk laak xe lana, ri pife fexaxaas e nami xa mi pife laak lana vaxa.

Maak 11:17

E nane fasei nari, a kuus malaan, “A Xakalayan sina Piran a kuus malaan, bo? “‘A lifu siak i taa waan a lifu ina fenungan siak xana mu rabuna xapiak.’ Aisaia 56:7. “Taasaxa nami, mi fo vile malaan sena nobina ina fenauan.”

Luuk 19:10

A Natuna Mataa maa savat nabe' xena sengaana mu rabuna aava ri fo milung xena fakaxup nari.”

A Lagasai Roxo Na Jon A Xaleie 10:1

“A ferawaian aanabe' a tuuna, a mataa aava pife laak la matana vaafa xe lana nobina ina mu sipsip taasaxa nane fani a vaafa o laak la xasano bina patak, nane ve a mataa ina fenau e a saat.

A Lagasai Roxo Na Jon A Xaleie 10:11

“Nenia, ne mataa roxo ina faxatang a mu sipsip. A mataa roxo ina faxatang i taa lisan a tana xena xavang a mu sipsip naapalaan a so ta mo taa savat sina.

A Lagasai Roxo Na Jon A Xaleie 12:47

“Tamo a mataa i taa langai a ferawaian siak taasaxa a bai usie, lavaxa ne taa pife tiise senaso ne pife savatmaan xena tiis a mu rabuna la xavala, ne filimaan xena fakaxup nari.

A Lagasai Roxo Na Jon A Xaleie 12:6

Nane pife kuus malaan senaso nane lalamon temasaat sena mu valagof, piau. Taasaxa nane fuuna faxatang a maana faat siri e fuuna fenou a mo aava mu rabuna ri tavai nari pana.

A Lagasai Roxo Na Jon A Xaleie 3:17

A Piran pife feng a Lak Tomexaan sina xena lisan a fakasanaman xe sina mu rabuna xapiak, piau. Nane tavaie pana faisok xena fakaxupaana mu rabuna.

A Lagasai Roxo Na Jon A Xaleie 5:40

e mi bai filimaan xe siak xena siak a toyan aanabe'.

A Lagasai Roxo Na Jon A Xaleie 6:33

Senaso a bret sina Piran a mo aava sivimaan ti la xunavata e i taa tavai a mu rabuna la xavala pana toyan.”

A Lagasai Roxo Na Jon A Xaleie 6:51

Nenia xa, ne bret i taxa to aava sivimaan ti la xunavata. Tamo ta mataa taa ngan a bret aanabe' i taa to vulai. A bret aanabe' ve a vipin iga aava ne taa lisane xena maraan fa'uli a maana rabuna ti la xavala.”

A Si Pol Lagasai Xe Sina Mu Rom 2:21

Lavaxa, layaan mi fapiti a xasanofuna, xenaso mi pife fapiti nami xa? Mi kuus pana ʻMuta fenauʼ! taasaxa nami xa mi fafenau.

1 Timoti 1:15

A ferawaian aanabe' a roxo, mi taa langaie: na Krais Yesus maa savat la xavala xena fakaxup a mu rabuna saat. E nenia xo ne saat paaliu sena mu rabuna saat.

Hibru 6:17

E vaxa, nari aava ri taa siak a kuus fanaian sina Piran, nane vubuk o ri taa masam faagut o nane pi xuxul a lamonan sina e voxo nane fo timin a fakalimaanan sina xuluna kuus fanaian sina.

Hibru 7:25

E voxo tanin e xe vulai, vulai nane fexaxaas sena fakaxup nari aava ri filimaan xe sina Piran lapaana isina, senaso nane taxa to vulai xena nung vulan a Piran pari.

2 Pita 1:11

E voxo a Piran i taa turoxoian faagutan nami xena laak xe lana Fatataganan aava i taa waan xe vulai, a Fatataganan sina Memai sitaara na Yesus Krais aava mataa ina fakaxup netaara.