Hibru 3:7 - A Turoxoian Fa'ui Sina Piran

⁷ E voxo malaan sena Vovau Xaradak a kuus: “Tanin, tamo mi langai a ling ina Piran,

Kara

⁷ E voxo malaan sena Vovau Xaradak a kuus: “Tanin, tamo mi langai a ling ina Piran,

Hibru 3:7 ပူးပေါင်းရင်းမြစ်များ

Matiu 17:5

La fena ferawaian sina a vata rarapak maa xafut nari e a ling ti la vata aave a ferawai malaan, “Nabe' ve a lak siak aava ne vubuxan xasingite. Nane fuuna fafaamamaasau. Langaie!”

Matiu 22:43

E nane xuus nari, “Senasou na Devit, layaan a Vovau sina Piran a fagute, a xalie pana ‘Memai’ e kuus malaan:

Maak 12:36

Na Devit sang a ferawai lapaana Vovau Xaradak: “‘A Piran a kuus xe sina Memai siak: no nai su' la pamuaan siak fefexaxaas a yaan ne timin a mu xaiyaas siim lapaana kaam.’ Yanganan 110:1.

A Lagasai Roxo Na Jon A Xaleie 10:16

Ne toxan a xasano sipsip sait e ri pife waan lana tagaan aanabe'. Ne taa lisanmaan nari sait senaso ri taa langai a lingaak. E i taa toxan a tagaan saxa mon lapaana mataa saxa xena faxatang nari.

A Lagasai Roxo Na Jon A Xaleie 10:27

A mu sipsip siak ri fuuna langai a lingaak, ne texaas seri e ri fuuna usiau.

A Lagasai Roxo Na Jon A Xaleie 10:3

A mu rabuna ina faxatang a nobina aapave ri taa kas a matana vaafa xe sina. E mu sipsip sina ri fuuna langai taraxali a lingina. Nane fuuna xel a mu sipsip sina pana isiri saxa saxa e fuuna lisan nari xe lamalei.

A Lagasai Roxo Na Jon A Xaleie 5:25

Ne xuus tuunei nami fulaa: saxa yaan taxa filimaan e fo savat naboxo, e la yaan aave a mu mamaat ri taa langai a ling i Natuna Piran e nari aava ri langai faroxo ri taa to.

Faisok 1:16

a kuus malaan, “Mu fetinan, a paferawaian sina Piran aanabe' a savat tuuna la matavas, a ferawaian se Judas aava Vovau sina Piran a kuus fatuxai pana la ngusu Devit. Na Judas aanabe' a paamuian a mu rabuna aava ri yot na Yesus.

Faisok 28:25

Ri pagal a lamonan siri e ri ferawai fepatok sena e ri tangpat pana ta'ulane layaan a kuus, “A Vovau Xaradak a ferawai tuuna xe sina mu bumi layaan a ferawai malaan la ngusu Aisaia, saxa mataa ina kuus fatuxai:

Faisok 8:29

A Vovau Xaradak a xuus na Filip, “Falet xe la ʻkaarisʼ aapave e no waan faasilak la tana.”

Hibru 10:15

E Vovau Xaradak sait taxa kuus xakaavang sena xe sitaara. Paamua a kuus:

Hibru 3:13

Taasaxa layaan a vapaling aava waan lana Xakalayan ti Kavai, a vapaling aava “Tanin”, a toxan a malasuf ina la toyan sitaara, taara taa faxaar netaara xa la maana yaan xapiak talo piau ta saxa imi i taa waan lapaana bitan ina vilaana saat e a lamonan sina i taa pife tavanat temasaat.

Hibru 3:15

A ferawaian aanabe' taxa waan lana Xakalayan ti Kavai: “Tanin, tamo mi langai a ling ina Piran muta fatavanat a lamonan simi malaan sena mu bumi layaan ri fakasalau.” Yanganan 95:7-8.

Hibru 4:7

A Piran a faxalit netaara pana lalamonan aanabe' senaso nane siak fati a xasa yaan aava nane taxa xalie pana “tanin”. Mui layaan a mu mariaas xaves fo falet nane kuusan fulane la ngusu Devit layaan nane kala lana Xakalayan ti Kavai malaan: “Tanin, tamo mi langai a ling ina Piran muneta fatavanat a lamonan simi.” Yanganan 95:7-8.

Hibru 9:8

A Vovau Xaradak a faxalit netaara pana maana mu vilaana aanabe' o a salan xataara xena laak lana Nobina Taap Xasingit, a pife talakas layaan a Nobina Taap i taxa tigina lunai.

2 Pita 1:21

Senaso piau ta kuus fatuxaian a savat ti lana lamonan sina mataa, piau. Taasaxa, a mataa i taa kuus fatuxai pana ferawaian sina Piran lapaana gutan sina Vovau Xaradak mon.

Kuusan Fasavatan 3:20

Langai! Ne taxa tigina faasilak la matana lifu siim e ne taxa xel a isaam. Tamo no langaiau e no kas a matana lifu siim xe siak ne taa laak xe siim e taare taa fangan faxuvul.