Hibru 13:20 - A Turoxoian Fa'ui Sina Piran

^20-21 Pana tatavai ina maatan sina na Yesus fo fatamasiak a turoxoian xe vulai, vulai. E pana ria ina turoxoian vulai a Piran fo fatatoi fa'uli na Memai Yesus sitaara ti la maatan, nane ve a Mataa Fatak ina Faxatang a mu sipsip. E ne vubuk rao a Piran ina Daarum i taa tavai nami pana maana mo xapiak aava ri roxo xena usi a vubuxanan sina. E fulaa ne vubuk o lapaa Yesus Krais, a Piran i taa faisok lana xunus itaara pana so ta mo aava i taa fananame talo taara taa faatulan a isi Krais xe vulai, vulai. A tuuna paaliu.

Kara

^20-21 Pana tatavai ina maatan sina na Yesus fo fatamasiak a turoxoian xe vulai, vulai. E pana ria ina turoxoian vulai a Piran fo fatatoi fa'uli na Memai Yesus sitaara ti la maatan, nane ve a Mataa Fatak ina Faxatang a mu sipsip. E ne vubuk rao a Piran ina Daarum i taa tavai nami pana maana mo xapiak aava ri roxo xena usi a vubuxanan sina. E fulaa ne vubuk o lapaa Yesus Krais, a Piran i taa faisok lana xunus itaara pana so ta mo aava i taa fananame talo taara taa faatulan a isi Krais xe vulai, vulai. A tuuna paaliu.

Hibru 13:20 ပူးပေါင်းရင်းမြစ်များ

Matiu 26:28

senaso a raarum wain aanabe' ve a ria iga aava tiuanan talo Piran i taa lamon tapin a mu vilaana saat sina mu rabuna xapiak. A ria aanabe' a fakalimaan fatateak a turoxoian sina Piran.

Maak 14:24

E nane xuus nari, “Nabe' ve a ria iga. I taxa kuus turoxo sena ferawaian sina Piran. A ria iga i taa talatiu xana mu rabuna xaves.

Luuk 22:20

E lamina fanganan, nane tao a lisa ina wain e a kuus, “A lisa ina wain aanabe' a kuus turoxoian fa'ui sina Piran e ne taxa kuus turoxo sena pana ria iga aava i taa talatiu xami.

A Lagasai Roxo Na Jon A Xaleie 10:11

“Nenia, ne mataa roxo ina faxatang a mu sipsip. A mataa roxo ina faxatang i taa lisan a tana xena xavang a mu sipsip naapalaan a so ta mo taa savat sina.

A Lagasai Roxo Na Jon A Xaleie 10:14

“Nenia xo, ne mataa roxo ina faxatang a mu sipsip; ne texaas sena mu sipsip siak e nari, ri texaas sega,

Faisok 13:30

Taasaxa Piran a fatatoi fa'ulie ti la maatan.

Faisok 17:31

Senaso nane fo lamon faati sena yaan layaan a mataa aava nane fo fatie, i taa tiis a mu rabuna xapiak pana roxoyan. Nane fo faxalit a mu rabuna xapiak pana layaan nane fatatoi fa'uli a mataa aave ti la maatan.”

Faisok 2:24

Nami xa, mi punuxe. Taasaxa Piran xo a fatatoi fa'ulie e mulus tapine sena maasaxan ina maatan senaso a maatan a pi ta gutan fexaxaas xena tao fatateak vulan na Yesus.

Faisok 2:32

E lana yaan aanabe' a Piran a fatatoi fa'uli na Yesus e nemaam xapiak xa, maam xalume.

Faisok 3:15

E mi punuk a mataa aava tavai netaara pana toyan tuuna, taasaxa Piran a fatatoi fa'ulie ti la maatan. E maam xalum tuuneie.

Faisok 4:10

Lavaxa, maame vubuk o nami e mu rabuna xapiak ti Israel, mi taa texaas o mi fo punuk na Yesus Krais ti Nasaret, taasaxa Piran a fatatoi fa'ulie ti la maatan. E lapaana gutan si Yesus naboxo a mataa naang taxa tigina la matami e fo roxo xapiak.

Faisok 5:30

A Piran sina mu tamataara fo fatatoi fa'uli na Yesus ti la maatan, nane aava nami fo punuxe layaan mi niile xuluna bolo.

A Si Pol Lagasai Xe Sina Mu Rom 1:4

Nane taagul nabe' la xavala e a Vovau Xaradak a faxaalit pana gutan o nane ve a Natuna Piran layaan a fatatoi fa'ulie ti la mamaat: nane ve na Yesus Krais aava Memai sitaara.

A Si Pol Lagasai Xe Sina Mu Rom 10:7

E muta kuus, ‘Nase' taa sivi xe la bina ina mamaat?’ senaso naak mi buk siak falaak na Krais ti la bina ina mamaat, taasaxa nane fo fatatoi fa'ulian xo ti la mamaat.”

A Si Pol Lagasai Xe Sina Mu Rom 15:33

E naboxo ne fenung xe sina Piran ina Luaian o i taa waan xuvul pami. A tuuna.

A Si Pol Lagasai Xe Sina Mu Rom 16:20

Lavaxa, faasilak a Piran ina Luaian i taa mimit a gutan si Setan. Na Memai Yesus sitaara i taa tavai nami pana xakaavangan xatam sina.

A Si Pol Lagasai Xe Sina Mu Rom 8:11

E tamo a Vovau sina Piran aava fatatoi fa'uli na Yesus ti la maatan, a waan la xunus imi, a Piran naang i taa tamana fatatoi fa'uli a vipin simi vaxa, sena gutan ina Vovau sina aava waan la xunus imi.

1 Korin 14:33

Senaso a Piran a pife fufuna feruuxan la palou imi, piau, nane a fufuna luaian e lapaana, a maana mo xapiak ri falet faroxo. A malaanabe' lana mu faxuvulan sina rabuna fatak:

1 Korin 15:15

E fulaa, maam bit tifi a Piran senaso maam fo kuus o nane fatatoi fa'uli na Krais ti la mamaat. Taasaxa tamo tuuna o a Piran i taa pife fatatoi fa'uli a mu mamaat, lavaxa a pife fatatoi fa'uli na Krais sait.

1 Korin 6:14

A Piran a fatatoi fa'uli a Memai ti la maatan pana gutan sina e i taa fatatoi fa'uli netaara vaxa pana gutan naang.

2 Korin 13:11

Lavaxa, naboxo, mu fetinan, ne taa fataxapin a lagasai aanabe'! Usi a vilaana xaradak; langai a fepitaian siak; faisok faagut xena waan lapaana lamonan saxa mon e waan lapaana luaian. E a Piran ina Vubuxan Xasingitan e Luaian i taa waan xuvul pami.

2 Korin 4:14

senaso maam texaas o nane aava fatatoi fa'uli na Memai Yesus ti la mamaat, i taa fatatoi fa'uli nemaam vaxa xuvul pa Yesus e i taa faxuvul nemaam xuvul pami la matana.

Galesia 1:1

Nenia na Pol: ne saxa yaamut senaso a Piran aava na Tamataara e na Yesus Krais aava Piran a fatatoi fa'ulie ti la maatan, nare xapiak re fo siak fatiau xena ngavuk aave. Pi ta mataa a noxolau e pi ta mataa a siak fatiau, piau.

Efasis 1:20

aava nane faisok lapaana layaan a fatatoi fa'uli na Krais ti la maatan e faneie la pamuaan sina, a vepen pelalava la xunavata.

Filipai 4:9

A so ta mo ne fo fapiti nami pana o faxalit nami pana o xuus nami pana - muta langaie mon, vil vulane. E voxo a Piran ina Luaian i taa waan xuvul pami.

Kolaasi 2:12

Mi fo xaafanan xuvul pana layaan mi fo fasufan e mi to fa'ulaa xuvul pana senaso mi namkai o a Piran aava fatatoi fa'uli na Yesus ti la maatan, nane toxan a gutan xapiak.

1 Tesalonaika 1:10

e malaafaa mi taxa waan bang a Natuna aava i taa filimaan ti la xunavata, na natuna, na Yesus aava nane fatatoi fa'ulie ti la mamaat. E na Yesus xo a fakaxup netaara xasena maraleian molava sina Piran aava i taa filimaan.

1 Tesalonaika 5:23

Ne vubuk o a Piran aava fadaarum nami, i taa vil faxaradak xapin nami. E i taa tivotan a maana mo mosaat semi la vovau, xunus e tami xapiak, talo mi taa piau ta saatan. E voxo layaan na Memai Yesus Krais sitaara i taa savat, mi taa tigina fatak pana piau ta vupuno.

2 Tesalonaika 3:16

Ne vubuk o a Memai aava fufuna luaian, i taa pisingan nami la maana yaan xapiak pana luaian la xunus imi. A Memai i taa waan xuvul pami.

Hibru 10:22

E taara taa falet faasilak xe sina Piran pana lamonan tuuna e namkaian fatak, e pana xunus itaara saxa saxa aava ri tamulus sena nasaman vupuno e a mu vipin sitaara fo fasufan pana raarum roxo e fatak.

Hibru 10:29

Malaafaa bak sena mataa aava i taa paas fasivi a isina Natuna Piran? E malaafaa sait sena mataa aava i taa lamon o a ria i Yesus aava tatavai ina turoxoian sina Piran, a mo palau o a mo ina lalosaat? A ria aave fo gon fataxe e naboxo i taxa suaxane o kuus pengan a Vovau ina Xakaavangan Xatam. Lamon pana fakasanaman molava piis aava i taa savat xuluna mataa aave.

Hibru 9:20

E mui laa nane xuus nari: “A ria aanabe' a fagut a turoxoian aava Piran a kuus faagut o mi taa usi fataxe.”

1 Pita 1:21

A Piran a fatatoi fa'uli na Krais ti la maatan e tavaie pana isin lava e lapaa Krais mi namkai sena Piran. E voxo namkaian simi e lamon fanaian simi re waan fatateak xuluna Piran.

1 Pita 2:25

Paamua mi malaan sena mu sipsip aava ri milung e ri taxa sangas xolai palau, taasaxa naboxo nane fo xel faxuvul fulan nami xena usie, e nane ve a mataa ina faxatangaana mu sipsip e saxa aava i taxa tao fatateak a xunus imi saxa saxa.

1 Pita 5:4

E la yaan a Paamua Lava sina Rabuna ina Faxatangan i taa savat, mi taa siak a ligilot sina piran king e a ligilot aave a miridingan ina i taa pife xares, i taa fa'ui vulai.