Hibru 12:27 - A Turoxoian Fa'ui Sina Piran

²⁷ Pana ferawaian malaan, “Saxa yaan fulaa”, nane faxalit netaara o a maana mo nane fo vesane i taa faradakuie e i taa gon tapin nari talo a maana mo aava ri pife fexaxaas sena radakui ri taa waan.

Kara

²⁷ Pana ferawaian malaan, ‘Saxa yaan fulaa’, nane faxalit netaara o a maana mo nane fo vesane i taa faradakuie e i taa gon tapin nari talo a maana mo aava ri pife fexaxaas sena radakui ri taa waan.

Hibru 12:27 ပူးပေါင်းရင်းမြစ်များ

Matiu 24:35

A xunavata e xavala ri taa taxapus taasaxa a ferawaian siak i taa pife taxapus.

A Si Pol Lagasai Xe Sina Mu Rom 8:19

Taara texaas o a maana roxoyan aave ri mo molava paaliu senaso a vavesaian sina Piran pe laa'ui la vata, lapi la xavala e pe la laman, ri taxa waan bang fatateak a yaan aava Piran i taa tavai xapin a mu rafulak sina pana maana roxoyan aave.

A Si Pol Lagasai Xe Sina Mu Rom 8:21

Aang, saxa yaan a mu vavesaian xa ri taa tamulus sena maatan talo ri taa pife miit fulaa. E ri taa siak a xavil ina roxoyan sina Piran xuvul pana mu rafulak sina.

1 Korin 7:31

E nari aava ri faisok pana maana mo ti la xavala ri muta lamon vulane senaso a xavala aava mi texaas sena naboxo, faasilak i taa taxapus.

Hibru 1:10

E nane kuus fulaa: “Nano Memai, la tangpat no fo vesan a xavala e maana mo xapiak xuluna e pana maam no fo vesan a finavata e maana mo xapiak lana.

Hibru 13:14

Senaso piau ta bina nabe' la xavala xataara xena taagul lana xe vulai, piau. Taara taxa waan bang a bina tuuna aava i taa savatmaan lumui.

Hibru 9:11

Taasaxa na Krais fo savat pana ngavuk ina Memai Priis xena paamuian a maana mo roxo xapiak aava nane fo siaxe xataara. A nobina aava nane faisok lana a pelalava e peraroxo. A nobina aave pife mo a mataa fo vesane, piau. A pife waan la tavegof o xuluna xavala aanabe'.

Kuusan Fasavatan 11:15

E a fapisiguakaana angelo a piif a tafiu sina e saxanu ling laa'ui lana xunavata, ri faabarak e ri kuus malaan: “A Piran narie Mataa Failai Sina, re waan Matalava e Piran Tuuna xuluna xavala. E nare, re taa piran xuluna vulai, vulai!”

Kuusan Fasavatan 21:1

E naboxo ne xalum a xunavata fa'ui e xavala fa'ui. Senaso a xunavata mata e xavala mata, re fo taxapus e a laman vaxa pife waan fulaa.

Kuusan Fasavatan 21:4

Nane taa saf tapin a raarum ti la matari. E maatan e mamaxusan e taangiisan e maasaxan ri taa malit paaliu senaso a mu vilaana ti kavai ri taxapus naboxo.”

Kuusan Fasavatan 21:5

E nane aava taxa nai xuluna ivin lava a kuus, “Nenia, ne taxa vesan a maana mo xapiak, ri taa fa'ui.” E nane faseiau, “Xalei a ferawaian aanabe' senaso a mu vapaling aanabe' ri fatak e ri tuuna paaliu.”