Galesia 6:9 - A Turoxoian Fa'ui Sina Piran

⁹ E voxo muta maare pana xapisaana vilaana roxo. Senaso a yaan taa filimaan layaan taara taa siak faxuvul a xalana wai xaves tamo taara taa pife ta'ulai sena.

Kara

⁹ E voxo muta maare pana xapisaana vilaana roxo. Senaso a yaan taa filimaan layaan taara taa siak faxuvul a xalana wai xaves tamo taara taa pife ta'ulai sena.

Galesia 6:9 ပူးပေါင်းရင်းမြစ်များ

Matiu 10:22

A mu rabuna xapiak ri taa baian nami senaso mi namkai sega. Taasaxa nase' ta mataa i taa lo tigina fatateak lana namkaian sina fefexaxaas a yaan fataxapiak, i taa kaaxup.

Matiu 24:13

Taasaxa nane aava tigina fatateak fefexaxaas a fataxapiak i taa fakaxupan.

Matiu 25:17

E pana vilaana malaan a sisiak pana faat 2,000 fe faisok pana mu faat aave e fasavat a xasa 2,000.

Matiu 9:19

E na Yesus a tamasiak e usie xuvul pana mu fefeng sina.

Maak 3:3

E na Yesus moxo, xuus a mataa aava mana tapil, “Tamasiak e no tigina la nona rabuna.”

Luuk 18:1

E mui na Yesus a ferawai paap xena fapiti nari talo ri taa fenung vulai e ri taa pife taxapus.

A Si Pol Lagasai Xe Sina Mu Rom 2:7

A rabuna aava ri fuuna lo bilai faroxo la matana Piran, ri fuuna seng faagutan a tatavaian sina aava isin lava, suaian e a toyan i taa pife taxapus. E a Piran i taa tavai nari xo pana toyan vulai xe vulai.

1 Korin 15:58

E voxo, kamu fetinan, tigina fatateak, muta radakui pana matautan. Faisok faagut lapaa Memai senaso mi texaas o a faisok simi lapaa Memai i taa pife savat palau.

2 Korin 4:1

E voxo senaso a Piran lana mamaaluxan molava sina fo tavai nemaam pana ngavuk ina sisiak aave, maam pife kanamsaat, piau.

2 Korin 4:16

E voxo, maam pife maare e kanamsaat sena faisok simaam. Lana vipin simaam, maam taxa vaiak et taasaxa lana xunus imaam, maam taxa siak a gutan fa'ui vulai la maana yaan saxa saxa xapiak.

2 Korin 9:6

Lamon fa'uli a mo aanabe': nase' ta mataa a xapis a saxanu kam i taa siak a fanganan modak mon e nase' ta mataa a xapis a mu kam xaves, i taa siak a fanganan xaves.

Efasis 3:13

E voxo ne nung nami o mi taa pife kanamsaat sena maana lagafan aava ri savat siak, pami. A maana maasaxan aave ri taa xavang nami e mi taa lamon falava pana.

2 Tesalonaika 3:13

E nami mu fetinan, muta maare pana lo bilai faroxo.

Hibru 12:3

Lamon sena lagafan sina e a vil penganan aava nane fo waan fatateak lapaana la palou ina rabuna saat. E voxo muta mamaxus e ta'ulan a sangasan simi.

Hibru 12:5

Naak, mi fo maluf a ferawaian tateak aava Piran a lisane xe simi layaan nane xali nami pana mu rafulak sina? Nane kuus: “Natuk, langai faroxo layaan a Piran i taxa faxaradak nano e muta kanamsaat layaan i taa baras nano.

Hibru 3:14

Senaso taara taxa faxaalit o taara pabung si Krais tamo taara tao fatateak a namkaian aava taara xaveak siaxe fefexaxaas sena yaan ina maatan sitaara saxa saxa.

Hibru 3:6

Taasaxa na Yesus a waan fatak lana vepen ina Natuna Piran lana lifu sina. E netaara xa, taara lifu aave, tamo taara waan fatateak e taara tao faagutan a lamon fanaian aava waan la xunus itaara.

Jems 5:7

Mu tiak, nai bang fananap sena yaan ina savatan sina Memai. A mataa ina tara'uma fuuna waan bang a maana fanganan roxo ti la xavala. E nane taxa nai bang fananap fefexaxaas sena yaan ina yefet i taa taxapus e a mariaas pana raafui modak i taa savat.

1 Pita 2:15

Senaso a vubuxanan sina Piran a malaan: mi taa bilai faroxo e a roxoyan simi i taa famatakasam a ferawaian sina mu rabuna vungut.

1 Pita 3:17

Lamon pana mo aanabe': Nari aava ri bilai fasaat ri taa siak a fakasanaman e a rabuna aava ri bilai faroxo, ri lamon o ri taa pife siak ta fakasanaman. Taasaxa tamo a Piran taa vubuxane, mi taa siak penganan pana vilaana roxo simi e mi taa pife bilai fasaat.

1 Pita 4:19

Lavaxa, nari aava ri toxan a maasaxan senaso a Piran a vubuk o ri taa toxane, ri taa timin fanei a lamonan siri xuluna Saxa aava vesan nari paamua e ri taa usi a vilaana roxo siri senaso a Piran i taxa usi fatak a kuus fanaian sina vulai.

Kuusan Fasavatan 2:17

“Nase' ta mataa a kas a tangana, i taa langai a ferawaian sina Vovau Xaradak xe sina mu rabuna ina lotu. A mataa aava i taa fa'onam a mu vilaana ti la xavala, ne taa tavaie pana bret ‘maanaa’ aava fufunai. E ne taa tavaie pana faat pasak aava isin fa'ui a xaleian xuluna. A isin aanabe' nemaame sang mon maame taa texaas sena.”

Kuusan Fasavatan 2:3

E nami sait, mi faisok faagut xaanak. La yaan ina fakasanaman soxot a isaak, mi fo tigina fatateak e mi pife mamaxus.

Kuusan Fasavatan 2:7

“Nase' ta mataa a kas a tangana, i taa langai a ferawaian sina Vovau Xaradak xe sina mu rabuna ina lotu. A mataa aava i taa fa'onam a mu vilaana ti la xavala i taa ngan a xalana Wai ina Toyan aava tigina pe lana uma roxo sina Piran.”