Galesia 6:5 - A Turoxoian Fa'ui Sina Piran

⁵ Senaso a mataa saxa saxa i taa yaas a matafanan sina xa.

Kara

⁵ Senaso a mataa saxa saxa i taa yaas a matafanan sina xa.

Galesia 6:5 ပူးပေါင်းရင်းမြစ်များ

Matiu 16:27

Ne kuus malaanabe' senaso faasilak a Natuna Mataa i taa savat. I taa filimaan lana miridingan sina Piran xuvul pana mu angelo sina. E mui, i taa fasepirigus a maana rabuna fexaxaas malaan sena vilaana siri.

1 Korin 3:8

Nane aava kaapis xuvul pana saxa aava tiue pana raarum re fexaxaas e nare xapiak re taa siak a sepirigus ina faisok sire.

1 Korin 4:5

E voxo, muta tiis a mo paamuina yaan ina tiisan: waan bang a filimaanan si Memai. I taa fasavat a so ta mo a fufunai la suk xe lana malang. E i taa kas famatavas a fufuna lamonan la xunus ina mataa. E lana yaan aave a Piran xa i taa fasepirigus a mu rabuna saxa saxa pana kuus faatulaian sina.

Kuusan Fasavatan 2:23

E maana natuna, ne taa punuk nari pana giisan molava. E voxo la maana lifu lotu siak ri taa masam faroxo o nenia xa, ne Saxa aava tatafang a maana mu lamonan simi e ne xalum a maana mo lana xunus imi. E mi taa texaas o nenia xa, ne taa tavai nami saxa saxa pana mo roxo xana mu vilaana roxo e pana mo mosaat xana mu vilaana saat.

Kuusan Fasavatan 22:12

“Faxatang! Nenia, ne taa savat fa'ipul e maana mo siak taxa waan xuvul paga. Ne taa tavai a maana rabuna xapiak pana mo fexaxaas sena vilaana siri saxa saxa.