Galesia 4:26 - A Turoxoian Fa'ui Sina Piran

²⁶ Taasaxa, a bina Jerusalem aava waan laa'ui, pife yaasok e nane ve na ninataara.

Kara

²⁶ Taasaxa, a bina Jerusalem aava waan laa'ui, pife yaasok e nane ve na ninataara.

Galesia 4:26 ပူးပေါင်းရင်းမြစ်များ

A Lagasai Roxo Na Jon A Xaleie 8:36

E voxo tamo a Natuna taa mulus nami, a tuuna mi fo mulusan.

A Si Pol Lagasai Xe Sina Mu Rom 6:14

A vubuxanan saat taa pife paamuian nami senaso naboxo mi pife waan lapaana gutan ina vuputkai, taasaxa mi waan lapaana xakaavangan xatam sina Piran.

A Si Pol Lagasai Xe Sina Mu Rom 6:18

E naboxo mi pife yaasok sina saatan xo, piau, mi toxan a mataa tafumi fa'ui e mi fo savat yaasok sina vilaana fatak.

Galesia 4:22

Senaso a xaleian o na Abrahem a toxan a ro lak tomexaan taragua: saxa sina tefin yaasok e saxa sina tefin aava pife yaasok.

Galesia 4:25

E na Hegaar ve malaan sena Put Sainai pe Erebia e nane a xaxaalua ina bina Jerusalem aava waan naboxo senaso i taxa yaasok xuvul pana rafulak sina.

Galesia 5:1

Piau ta mo a fexaxaas sena pis fulan netaara senaso na Krais fo mulus xapin netaara xasena vuputkai! E voxo, tigina fatateak malaan sena rabuna aava ri pife yaasok e muta turoxoian nami xa xena savat yaasok fulaa.

Filipai 3:20

Taasaxa fufubina sitaara ve la xunavata. E pana faamamaasan molava taara taxa waan bang a savatan sina Nges Ina Vil Fatato ti pave, na Memai Yesus Krais.

Hibru 12:22

Taasaxa nami xo, mi fo savat xuluna Put Saion e xe la bina sina Piran aava i taxa to, mi savat xe Jerusalem lana xunavata, la bina aava maana mu angelo xaves ri taagul lana.

1 Pita 2:16

Na Yesus fo mulus nami, e voxo taagul malaan mon e muta lamon o mi fexaxaas sena xafut a vilaana saat senaso mi fo mulusan, taasaxa lamon fa'ulaa o mi taxa waan yaasok sina Piran.

Kuusan Fasavatan 12:1

E a tang fakalimaanan fa'ipul a savat la palou ina vata: a tefin a savat e fo famarapi nane pana ngaas e a fulun taxa waan lapaana kana. E a vapara sangafilu saxa pana taragua ri kaliuan a putuna malaan sena ligilot.

Kuusan Fasavatan 17:5

E saxa isin lava fo xaleian la nona tefin aave: Mo fufunai; Na Babilon lava; A Ninana vilaana ina tamai feruuk e ninana maana mo lalosaat ti la xavala.

Kuusan Fasavatan 21:2

E ne xalum a Bina Taap, na Jerusalem fa'ui aava Piran a lisan fasivimaane ti la xunavata. E a bina aapave a malaan sena tefin fa'ui aava famaus nane xa xena fafaamamaasaana mataa sina la yaan ina tamaian sire.

Kuusan Fasavatan 3:12

Nase' ta mataa i taa fa'onam a mu vilaana ti la xavala, ne taa fatigineie malaan sena xaaxaak ina Tang Lifu Lotu sina Piran. E i taa pife ta'ulai, piau paaliu, i taa waan vulai. E nenia, ne taa fa'isin a mataa aave pana isina Piran siak e pana isina bina sina Piran, na Jerusalem fa'ui aava taa sivimaan ti la xunavata sina Piran. E ne taa fa'isine pana isin fa'ui sait.