Galesia 4:21 - A Turoxoian Fa'ui Sina Piran

²¹ Ne buk fin nami aava mi buk waan lapaana vuputkai, xenaso mi pife langai sena?

Kara

²¹ Ne buk fin nami aava mi buk waan lapaana vuputkai, xenaso mi pife langai sena?

Galesia 4:21 ပူးပေါင်းရင်းမြစ်များ

Maak 10:3

E na Yesus a fin nari, “Lana vuputkai si Moses a kuus malaafaa?”

Luuk 16:29

“Taasaxa na Abrahem a kuus, ‘Ri toxan a ferawaian aava na Moses e mu rabuna ina kuus fatuxai ri fo kuusane e ri taa langaie.’

A Lagasai Roxo Na Jon A Xaleie 10:34

E na Yesus a xuus nari, “Saxa xakalayan lana mu vuputkai simi a malaan, bo? “‘Nenia, ne fo kuus o nami, mi mu piran’ Yanganan 82:6.

A Lagasai Roxo Na Jon A Xaleie 12:34

A rabuna lana malila ri fine, “Lana mu vuputkai a xuus nemaam o a Mataa Failai i taa waan xe vulai. Malaafaa no taxa kuus o a Natuna Mataa ri taa yaase? A Natuna Mataa aave ve nase'?”

A Lagasai Roxo Na Jon A Xaleie 15:25

E voxo a xakalayan lana Vuputkai siri a savat tuuna paaliu: ‘Ri baian faagutanau e ri piau ta fufuna xena vil malaane.’ Yanganan 69:4.

A Si Pol Lagasai Xe Sina Mu Rom 3:19

Naboxo, taara texaas o a Piran a tavai nemaam mu Juda pana maana vuputkai sina xena paamuian nemaam. E voxo pi ta mataa paaliu a fexaxaas sena kuus vof a vilaana saat sina la matana Piran senaso nari xapiak ri vil a saat e ri taa tigina kasam layaan a Piran i taa tiis nari.

A Si Pol Lagasai Xe Sina Mu Rom 6:14

A vubuxanan saat taa pife paamuian nami senaso naboxo mi pife waan lapaana gutan ina vuputkai, taasaxa mi waan lapaana xakaavangan xatam sina Piran.

Galesia 3:10

Nari aava ri usi a vuputkai talo a Piran i taa xali nari pana rabuna fatak, ri taxa waan lapaana fakasanaman sina Piran. Senaso a Xakalayan Taap a kuus malaan, “Nase' pife usi vulan a xakalayan xapiak aava waan lana vuputkai si Moses, i taa waan lapaana fakasanaman sina Piran!”

Galesia 4:9

Taasaxa, naboxo mi texaas sena Piran, naak a mo roxo ne taa kuus o a Piran a texaas semi. Malaafaa mi taxa puk fa'uli fulan nami xa sena Piran xena usi fulan a mu vilaana palau ti la xavala aava ri marupak? Mi taxa buk yaasok fulaa lapaari, bo?