Filipai 2:25 - A Turoxoian Fa'ui Sina Piran

²⁵ Taasaxa ne lamon o a mo roxo ne taa feng fa'uli a fefeng simi, na Epafrodaitas aava mi fenge xena xavangau. Nane ve na tiak aava faisok e tigina xuvul paga malaan sena mataa ina rawen.

Kara

²⁵ Taasaxa ne lamon o a mo roxo ne taa feng fa'uli a fefeng simi, na Epafrodaitas aava mi fenge xena xavangau. Nane ve na tiak aava faisok e tigina xuvul paga malaan sena mataa ina rawen.

Filipai 2:25 ပူးပေါင်းရင်းမြစ်များ

A Lagasai Roxo Na Jon A Xaleie 13:16

Ne kuus tuuna, a yaasok pife lava sena mataa tafuna e a fefeng pife lava sena mataa aava fo fenge.

A Lagasai Roxo Na Jon A Xaleie 17:18

Nenia, ne taxa feng nari xe la palou ina mu rabuna ti la xavala malaan se' no fo fengau xe la palou ina mu rabuna ti la xavala.

A Si Pol Lagasai Xe Sina Mu Rom 16:3

Fasusui na Prisila nare lavana, na Akwila. Re fo faisok xuvul paga lapaa Krais Yesus.

A Si Pol Lagasai Xe Sina Mu Rom 16:9

Fasusui na Erbanus aava faisok xuvul paga lapaa Krais e xe sina kafesing na Stekis.

1 Korin 3:9

Langaiau! Nemaame ve maame ro mataa tatara'uma sina Piran e nami ve mi uma sina. E xasa ferawaian paap a malaan, nami ve mi lifu aava Piran taxa vesane.

2 Korin 2:13

Taasaxa ne piau ta luaian lunai la xunus iga senaso ne pife tingin na titaara, na Taitus, pave. E voxo ne ta'ulan nari e ne falet xe pe Mesidonia.

Filipai 2:26

Nane toxan a lagafan senaso nami, mi langai o nane fo giis e nane buk xalum nami xapiak.

Filipai 4:18

Ne buk xuus nami o ne fo siak a maana mo xapiak aava mi fo lisane e a soliu. Na Epafrodaitas fo lisan a tatavai simi e naboxo ne toxan a maana mo xaves. A maana tatavai simi ri toxan a lasan roxo e ri malaan sena falfaalan aava Piran a turoxo e nanam pana.

Filipai 4:3

Aang, ne fin nami mu tinoxol aava mi tigina xuvul paga, o mi taa xavang a ro tefin aava re fo faisok xuvul paga xena kuusan fasavat a Lagasai Roxo. Re faisok xuvul pa Klemen e xasanofuna aava ri fo faisok xuvul paga. A mu isiri, ri xaleian lana Buk ina Toyan Tuuna.

Kolaasi 1:7

Na Epafras aava yaasok xuvul paga, a fapiti nami pana lagasai aanabe' e nane fuuna faisok vulai lapaa Yesus xena xavangaan nemaame la vepen simi.

Kolaasi 4:11

E na Yesus aava ri xalie pa Justus, nane sait a lisan a fasisian. Ti la palou ina mu rabuna aava ri faisok lapaana Piran xuvul paga, narutul sang mon rutul Juda e rutul fo fagutau.

1 Tesalonaika 3:2

Ne feng et na Timoti, na timaam aava fuuna faisok xuvul pamaam lapaana Piran xena kuusan fasavataana Lagasai Roxo se Krais. Ne fenge xena fagut nami lana namkaian simi,

Failimon 1:24

E nari aava ri faisok xuvul paga; na Maak, Eristukus, Demas e na Luuk, ri fasisi nami sait.

Hibru 3:1

Mu fetinan siak lana pabung si Krais, nami vaxa a Piran ti la xunavata fo xel nami xe sina: mi taa lamon faagut se Yesus, nane aava Piran fo fenge xena vil a faisok ina yaamut e memai priis lapaana namkaian aava taara kuus turoxo pana.