Faisok 25:25 - A Turoxoian Fa'ui Sina Piran

²⁵ Taasaxa, ne pife texaas sen' ta mo mosaat nane fo vile talo ri taa punuxe. Nane vubuk o i taa tigina la bina ina tiisan si Sisaa e voxo ne taa fenge xe sina.

Kara

²⁵ Taasaxa, ne pife texaas sen' ta mo mosaat nane fo vile talo ri taa punuxe. Nane vubuk o i taa tigina la bina ina tiisan si Sisaa e voxo ne taa fenge xe sina.

Faisok 25:25 ပူးပေါင်းရင်းမြစ်များ

Luuk 23:14

e a xuus nari, “Mi lisanmaan a mataa aanabe' e mi kuus o nane taxa yuuf a mu rabuna. Nenia, ne fine pana maana fiaian xaves la matami e ne pife tingin ta mo xena pisaana.

Luuk 23:4

E mui na Pailat a xuus a mu paamua priis e malila, “Ne pife tingin ta saxa mo xena pisaana mataa aanabe'.”

A Lagasai Roxo Na Jon A Xaleie 18:38

Na Pailat a fine, “A tuunayan ve a so ta mo?” E nane savat fa'ulaa xe sina mu matalava Juda, pe lamalei e xuus nari, “Ne pife tingin ta fufuna ferawaian xena tiisaana mataa aanabe'.

Faisok 23:29

E ne fo siak a texaasan o a maana gel tifian siri aave ri maana fiaian ina mu vuputkai fatak siri e nane pife vil a mo mosaat talo i taa fakasanaman o punuxan.

Faisok 23:9

A xukulaian felava e saxano rabuna ina fepitaa pana vuputkai aava ri Ferasi, ri tigina e ri kuus faagut, “Nemaam, maam lamon o a mataa aanabe' a pife vil ta mo mosaat. Naak a angelo o saxa vovau a ferawai xe sina.”

Faisok 25:26

Ne taa xalei a lagasai xe si Sisaa sena taasaxa ne pife texaas sena so ta mo ne taa xaleie. E voxo ne lisanmaane talo mi taa xalume e nano King Agripa, no taa xuus fatexaasau pana so ta mo ne taa xaleie pana.

Faisok 26:31

ri ta'ulan a bina. E ri ferawai faxuvul e ri kuus, “A mataa aanabe' pife vil ta saat talo ri taa pise o punuxe.”

Faisok 27:1

Layaan ri lamon faati o so ta yaan ri taa falet xe pe Itali, ri lisan na Pol xuvul pana saxano vipis xe si Julius, saxa mataa ina fevis lana parabuna ina fevisan aava ri xalie pana Rabuna Ina Fevisan si Sisaa.

Faisok 28:18

Nari, ri finau pana fiaian xaves e ri buk mulus tapinau senaso ri texaas o ne pife vil a mo mosaat xena fakasanamau.