Faisok 2:17 - A Turoxoian Fa'ui Sina Piran

¹⁷ “A Piran a kuus, ‘La fataxapiak ina yaan, nenia xa, ne taa tamana tiuan a Vovau Xaradak siak. E ne taa fabas a mu rabuna xapiak pana. A mu rafulak simi ri taa kuus fatuxai; a mu xulau simi ri taa xalum a xaxaalua e a mu matalava simi ri taa mif.

Kara

¹⁷ A Piran a kuus, ‘La fataxapiak ina yaan, nenia xa, ne taa tamana tiuan a Vovau Xaradak siak. E ne taa fabas a mu rabuna xapiak pana. A mu rafulak simi ri taa kuus fatuxai; a mu xulau simi ri taa xalum a xaxaalua e a mu matalava simi ri taa mif.

Faisok 2:17 ပူးပေါင်းရင်းမြစ်များ

Luuk 3:6

E a mu rabuna xapiak ri taa xalum a fakaaxupan sina Piran.’” Aisaia 40:3-5.

A Lagasai Roxo Na Jon A Xaleie 17:2

No fo tavaie pana gutan e ngavuk ina paamuian a maana rabuna xapiak ti la xavala e i taa tavai nari aava no fo siak fati nari, pana toyan vulai.

A Lagasai Roxo Na Jon A Xaleie 7:39

Nane ferawai malaan, sena Vovau Xaradak senaso a mu rabuna aava ri namkai se Yesus, ri taa siak a Vovau Xaradak. Taasaxa la yaan naang, la yaan ina ferawaian sina, a Vovau Xaradak a pife lisanan lunai senaso na Yesus pife siak a maasaxan sina lunai e pife laak xe la bina sina Piran.

Faisok 10:45

A mu Juda aava ri namkai e ri filimaan xuvul pa Pita, ri ipul senaso Piran a tavai a mu rabuna aava ri pife Juda pana Vovau Xaradak sina vaxa.

Faisok 11:27

La fena yaan aanabe' saxano rabuna ina kuus fatuxai, ri sivi xe puaa Antiaak ti Jerusalem.

Faisok 11:28

A saxa ti la palou iri, a isina na Aagabas, a tigina e lana gutan sina Vovau Xaradak a kuus o a yaan ina song molava i taa savat lana mu xavala xapiak. (A mo aanabe' fo savat layaan na Klodias ve taxa piran king.)

Faisok 2:16

Piau, lokavai mupiis, lana Xakalayan Taap, na Joel, a mataa ina kuus fatuxai, a ferawai pana maana mo aava savat tanin malaanabe':

Faisok 2:18

Aang, lana mu yaan aapave, xuluna mu sisiak siak, a mu tomexaan e lutefin xapiak, ne taa tamana tiuan a Vovau Xaradak siak e nari, ri taa kuusan fasavat a ferawaian siak.

Faisok 2:33

E vaxa a Piran a siak falak na Yesus xe la pamuaan sina e nane xo saxam a Vovau Xaradak aava na Tamana fo xuus faneie pana. E a maana mo aanabe' aava mi xalume e langaie tanin, ri savat sena Vovau Xaradak sina Piran.

Faisok 21:9

Nane toxan a lak tefin talafaat aava ri pife tamai lunai e nari, ri fuuna kuus fatuxai.

A Si Pol Lagasai Xe Sina Mu Rom 5:5

E sena waan bangan aanabe' taara pife kanamsaat. Senasou? Senaso a Piran fo tavai netaara pana Vovau Xaradak xena waan la xunus itaara. E nane xa a faxalit netaara pana vubuxan xasingitan sina Piran xe sitaara.

1 Korin 12:10

Nane tavai a saxa pana gutan xena vil a mo fa'ipul e saxafuna pana texaasan xena kuusan fasavat a ferawaian sina Piran e saxafuna fulaa maan pana texaasan xena texaas sena mo a savat sena Piran o piau. Xe sina saxa a Vovau naang a tavaie pana ling patak e xe sina xasafuna a texaasan xena kuusan a malasuf ina ling patak aave.

1 Korin 12:28

E lana faxuvulan sina rabuna sina Piran nane fanei a maana xavil xapiak la vepen siri: paamua a mu yaamut, la fataraguiaana vepen, mu rabuna ina kuus fatuxai e la fatalatulaana vepen, mu rabuna ina fepitaa e lamiri nari aava ri vil a mo fa'ipul e lumui lamiri nari pana gutan xena vil faroxoi a saxanofuna e nari aava ri fexaxaas sena xavang a xasanofuna e nari aava ri fexaxaas sena paamuian a faisok sina tinoxolan e nari aava ri fexaxaas sena ferawai pana maana ling aava Vovau sina Piran a tavai nari pana.

Hibru 1:2

Taasaxa lana mu yaan aanabe' xo taxa falet, nane fo ferawai xuvul pataara la ngusu Natuna. Se Natuna aave mon, a maana mo xapiak la xavala e la finavata fo vesanan pana gutan sina Piran. E a Piran a siak fatie vaxa xena tavaie pana maana mo xapiak.

Jems 5:3

A ʻgolʼ e ʻsilvaʼ simi fo vusulai. E a vusulai aanabe' ve i taa gel tifi nami lana yaan ina tiisan e i taa ngan pengan a vipin imi malaan sena fata. Senaso la maana yaan fataxapiak aanabe', mi fo faxuvul a maana mo xaves temasaat lapaana vilaana ina naixaaman simi.

2 Pita 3:3

Saxa mo molava mi taa masam sena a malaan: lana mu yaan fataxapiak saxanu rabuna aava ri usi fatak a mu vubuxanan siri, ri taa savat e ri taa kuusan pengan a lagasai sina Piran.