Faisok 12:3 - A Turoxoian Fa'ui Sina Piran

³ e layaan nane texaas o a vupunuxan aanabe' a vil fafaamamaas a mu Juda, nane yot na Pita vaxa. A mo aanabe' a savat la yaan ina fenamo lava ri xalie pana “Fenamo Ina Bret Aava Piau Ta Yiis”.

Kara

³ e layaan nane texaas o a vupunuxan aanabe' a vil fafaamamaas a mu Juda, nane yot na Pita vaxa. A mo aanabe' a savat la yaan ina fenamo lava ri xalie pana ‘Fenamo Ina Bret Aava Piau Ta Yiis.’

Faisok 12:3 ပူးပေါင်းရင်းမြစ်များ

Matiu 26:17

La yaan mata ina Fenamo ina Bret Aava Piau Ta Yiis, a mu fefeng ri maa savat si Yesus e ri fine, “No vubuk o maam taa faigotan a fanganan xena Fenamo ina Paaliuan xanum faa?”

A Lagasai Roxo Na Jon A Xaleie 12:43

A rabuna aave, ri lamon o a kuus faatulaian sina mu rabuna a pelalava sena kuus faatulaian sina Piran.

A Lagasai Roxo Na Jon A Xaleie 19:11

Na Yesus a suie, “No taa piau ta gutan xulok tamo a Saxa pe laa'ui a pife tavai nano pana. E voxo nari aava ri lisanau xe siim ri taa toxan a tiisan molava.”

A Lagasai Roxo Na Jon A Xaleie 21:18

Ne xuus tuunei nano, layaan no pife matalava no falak a marapi siim xa e no fo paan xe la so ta bina no vubuxane; taasaxa layaan no taa vaiak no taa ngangai a maam e xasa mataa taa fafalak nano pana marapi siim e i taa paamuian nano xe la saxa bina aava no bai falet xe lana.”

Faisok 12:4

Lamina yotaan na Pita nane timine lana lifu ina vipisan. A rabuna ina fevisan, talafaat pa talafaat, ri faxatange senaso na Herot a vubuk o i taa tiis na Pita la matana mu rabuna lamina Paaliuan.

Faisok 2:14

Na Pita a tigina xuvul pana mu yaamut sangafilu saxa pana saxa e a ferawai xe sina malila. Nane xukulai malaanabe', “Ai, mi Juda e nami aava mi taxa waan fataalin nabe' Jerusalem, ne taa xuus fatexaas nami pana so ta mo fo savat iau, langaiau.

Faisok 20:6

E nemaam, maam xawas xuluna xaati pe Filipai lamina Fenamo ina Bret Aava Piau Ta Yiis. E lamina yaan pama, maam faxuvul xuvul pari pe Troas. Maam taagul pave pana mu yaan pisiguak.

Faisok 24:27

Layaan a mariaas taragua fo taxapus na Porsis Festas fe nai la vepen si Felik taasaxa na Felik a vubuk o i taa fafaamamaas a mu Juda e voxo nane ta'ulan na Pol la bina ina vipisan.

Faisok 25:9

Na Festas a vubuk o a mu Juda ri taa suai sena e voxo a fin na Pol, “No taa laak xe paa Jerusalem e pave no taa tigina la noga la bina ina tiisan, bo?”

Faisok 4:13

Layaan ri xalum na Pita nare Jon re pife mataut, ri ipulan a vilaana sire senaso ri texaas o nare, re pi ta texaasan, re rovaat palau mon. E mui, ri lamon fa'uli a rovaat aave o re fo waan xuvul pa Yesus.

Galesia 1:10

Mi lamon o nenia, ne taxa fafaamamaas a rabuna pana ferawaian siak, bo? Piau! Ne vubuk rao a Piran xa i taa faamamaas paga. Tamo rao ne buk fafaamamaas a rabuna, lavaxa ne taa pife yaasok si Krais.

1 Tesalonaika 2:4

Taasaxa maam fuuna ferawai malaan sena rabuna aava Piran xa turoxoian nari e voxo a lisan tuunei a Lagasai Roxo xe siri. Maam buk fananam a Piran aava fuuna tiis a xunus itaara e maam bai fananam a rabuna, piau.