2 Tesalonaika 3:14 - A Turoxoian Fa'ui Sina Piran

¹⁴ Tamo saxa la palou imi a langai pesalai sena lagasai aanabe', fakalimaan votane e muta nai xuvul pana talo i taa mangil sena vilaana saat sina.

Kara

¹⁴ Tamo saxa la palou imi a langai pesalai sena lagasai aanabe', fakalimaan votane e muta nai xuvul pana talo i taa mangil sena vilaana saat sina.

2 Tesalonaika 3:14 ပူးပေါင်းရင်းမြစ်များ

Matiu 18:17

E tamo nane taa pife langai sire lavaxa, kuusane xe sina mu rabuna lana lotu. E tamo nane bai langai siri lunai, bilai xe sina malaan se' nane ve a mataa ina siak taakis o ta xasa mataa aava pife namkai.

A Si Pol Lagasai Xe Sina Mu Rom 16:17

Ne faxaar nami, mu fetinan, o mi taa faxatang faroxoi nami xa xasena mu rabuna ina fepitaa bit talo ri taa pife fati fepatoxan nami e tivotan a namkaian simi pana fepitaian bit aava patak sena fepitaian ti paamua aava mi texaas sena. Faapalau seri.

1 Korin 4:14

Ne pife xalei a maana mo aanabe' xena famangilaan nami. Ne buk pebukan nami malaan sena kamu rafulak.

1 Korin 5:11

A malasuf ina ferawaian siak a malaan: mi taa pife doxot xolan a rabuna aava ri kuus o ri saxa tinoxol taasaxa ri femilungai pana vilaana ina tamaian o rawet o lotu xe sina mu piran bit o ri ferawai fakasal o ri num temasaat vulai o fenau. Muta nai fangan xuvul pari.

1 Korin 5:9

Lana lagasai aava ne lisane xe simi paamua, ne xuus nami o mi muta fesing pana rabuna aava ri femilungai pana vilaana ina tamaian.

2 Korin 10:6

E layaan nami xa mi faxaalit o mi langai faroxoi vulanau, ne taa pife faatasu xena fakasanamaan nari aava ri langai pesalai.

2 Korin 2:9

Ne kala xe simi malaanabe' xena tatexaas tamo mi taa tigina fatateak lana tatafangai e langai a maana mo xapiak aava ne xuus nami pana.

2 Korin 7:15

E a vubuxanan sina xe simi i taxa molava et layaan a lamon fa'uli a langaian simi e malaafaa mi fasusuie pana suaian e radakuian.

Filipai 2:12

E voxo, kamu fesing, malaan se' mi langai vulai layaan ne waan xuvul pami, a roxo paaliu o naboxo mi taa langai. A Piran fo fakaxup nami e voxo, mi taa lo faisok faagut vulai pana matautan e radakuian xena faxalitaana.

Kolaasi 4:16

Layaan mi fo langai a lagasai aanabe' lisane xe sina mu rabuna aava ri namkai pe Leodisia talo ri taa langaie sait. E vaxa mi taa langai a lagasai aava ne lisane xe siri.

1 Tesalonaika 4:8

E voxo, nase' ta mataa a langai pesalai sena fepitaian aanabe', a pife tisui a mataa, piau, nane tisui a Piran aava tavai nami pana Vovau Xaradak sina.

2 Tesalonaika 3:6

Lapaana isi Memai Yesus Krais, maam fasei faagutan nami mu fetinan, o mi taa faapalau sena mu fetinan aava ri nai palau e ri pi ri faisok. Senaso ri langai pesalai sena fepitaian simaam.

Taitus 3:10

Sena mataa aava fasavat a fepatoxan la faxuvulan, pebukan fataraguine e mui, tamo pife langai, taaluugane e muta fesing fulaa pana.

Failimon 1:21

Ne lamon tuuna o no taa langaiau. E ne lamon o a faisok siim i tafe molava sena fiaian siak.

Hibru 13:17

A vilaana roxo paaliu a malaanabe': mi taa usi a mu paamua simi e mi taa langai a ferawaian siri. Ri taxa lo faxatang a xunus imi senaso ri taa xuus a Piran pana maana vilaana ina faisok siri. Tamo mi taa usi faroxoi nari, ri taa vil a faisok siri pana faamamaasan, tamo piau ri taa faisok pana mimilisaatan e a vilaana aave i taa pife xavang nami.

2 Jon 1:10

Tamo a mataa taa savat simi pana fepitaian patak, muta irimai xuvul pana la lifu simi. Muta fasusuie.