2 Tesalonaika 1:5 - A Turoxoian Fa'ui Sina Piran

⁵ A namkaian tateak simi a faxaalit o a tiisan sina Piran a fatak e voxo a Piran xa a turoxo o nami, mi mu rabuna roxo e mi fexaxaas sena waan la fatataganan sina. E senaso mi waan la fatataganan aanabe' mi taxa yaas a maasaxan naboxo.

Kara

⁵ A namkaian tateak simi a faxaalit o a tiisan sina Piran a fatak e voxo a Piran xa a turoxo o nami, mi mu rabuna roxo e mi fexaxaas sena waan la fatataganan sina. E senaso mi waan la fatataganan aanabe' mi taxa yaas a maasaxan naboxo.

2 Tesalonaika 1:5 ပူးပေါင်းရင်းမြစ်များ

Luuk 20:35

Taasaxa nari aava Piran a lamon faroxo pari xena fatatoi fa'uli nari ti la maatan lana yaan i taa savat, ri taa pife tamai.

Luuk 21:36

E voxo, faxatang faroxo vulai e fenung talo no fexaxaas sena sinufan a maana mo aava i taa savat e no taa tigina la nona Natuna Mataa.”

Faisok 13:46

Taasaxa na Pol nare Baanabas re tisui faagutan nari e re kuus, “Paamua, a mo roxo maame xuus tuunei nami pana ferawaian sina Piran. E senaso mi gigirane e mi baian a toyan vulai, lavaxa maame taa ta'ulan nami xena falet xe sina mu rabuna aava ri pife Juda

Faisok 14:22

Re ferawai xe sina mu fetinan xena fagutaan nari talo ri taa waan fatateak lana namkaian tuuna siri. Re fepitaa malaan, “Taara taa falet tuuna xe lana lagafan xaves xena laak la fatataganan sina Piran.”

A Si Pol Lagasai Xe Sina Mu Rom 2:5

Taasaxa nami, mi tavanat e mi bai puk fa'uli nami xasena maana vilaana saat simi e naboxo a malaan semi taxa lo vil falavai a fakasanamaan nami xa lana yaan aava Piran i taa vil famatavas a maraleian e tiisan tuuna sina.

A Si Pol Lagasai Xe Sina Mu Rom 8:17

E voxo senaso taara mu rafulak sina xuvul pa Krais, taara taa siak a nefafanaian sina xataara malaan se Krais; tuuna, senaso taara tigina xuvul pa Krais lana maasaxan sina, taara taa tigina xuvul pana lana miridingan sina vaxa.

Efasis 4:1

Nenia ve ne mataa vipis senaso ne namkai sena Memai e ne sisiak sina. E ne faxaar nami o mi taa sangas fatak lana toyan simi xuvul pa Krais malaan sena Piran a vubuxane layaan a xel nami xena namkai sena.

Filipai 1:28

e mi taa pife mataut famodak seri aava ri tisui nami. Layaan mi tigina fatateak malaan i taa faxalit nari o ri taa kawaasanan, taasaxa nami, mi taa kaaxup e a Piran xa i taa vile.

Kolaasi 1:12

e mi taa kuus faasiroxo xe si Tamataara pana faamamaasan senaso nane xo fo tavai nami, xuvul pana mu rabuna fatak sina, pana maana mo xapiak xena xavang nami talo mi fexaxaas sena waan lana fatataganan sina aava fatataganan ina malang.

1 Tesalonaika 2:14

Mu fetinan, a maana lagafan aava ri savat simi, ri fexaxaas malaan sena maana mo aava fo savat sina mu rabuna sina Piran pe Judia. A mu rabuna ti la bina simi ri vil pengan nami aava mi namkai, malaan sena mu Juda ri vil pengan a rabuna siri aava ri namkai.

2 Tesalonaika 1:11

Maam lalamon pana maana mo aave e voxo maam taxa lo fenung pami. Maam fin a Piran o i taa xavang nami xena tigina fatateak lana toyan aava nane xel nami xe lana. E pana gutan sina i taa fasavat a maana vubuxanan e faisok roxo aava savat sena namkaian simi.

2 Timoti 2:12

Tamo taara waan fatateak vulai, taara taa fetagonan netaara xuvul pana. Tamo taara gigirane, nane taa gigiran netaara vaxa.

Kuusan Fasavatan 15:4

Memai, a maana rabuna xapiak ri taa matautan nano e maana rabuna xapiak ri taa kuus fati a isaam. Senaso nano sang mon, no Piran Taap. E maana mu rabuna xapiak, ri taa tamana savat xe siim e ri taa tamana nangus nano. Senaso maana vilaana xaradak siim fo savat la matavas.”

Kuusan Fasavatan 16:7

E ne langai a ling ti lana ivin ina faraaman a kuus, “Aang, no Memai e Piran pana maana gutan xapiak. A maana fakasanaman aava no lamone, ri fatak e ri xaradak paaliu.”

Kuusan Fasavatan 19:2

e a maana lamonan sina ri fatak e ri tuuna. Nane lamon o i taa kawaasan a tefin saat lava aava fo familung a maana rabuna xapiak ti la xavala pana vilaana ina tamai feruuxan sina. Nane fo sui a tefin aave pana fakasanaman sena ria ina mu sisiak sina Piran aava nane tiuane.”

Kuusan Fasavatan 3:4

“Taasaxa saxanu tuvaat simi ri pife favusiit a marapi siri. Ri usi fatak a vilaana roxo. Nari, ri roxo paaliu e ri fexaxaas sena sangas xuvul paga lana marapi pasak.