2 Pita 3:10 - A Turoxoian Fa'ui Sina Piran

¹⁰ Taasaxa, a yaan ina ulaian sina Memai i taa savat fa'ipul malaan sena yaan a mataa ina fenau i taa savat. La yaan aave a tavegof e a maana mo lana i taa taxapus pana felingaian molava e ri taa raam e femalit. E vaxa xavala e maana mo xuluna sait, a fata i taa faram fapalauan xapine.

Kara

¹⁰ Taasaxa, a yaan ina ulaian sina Memai i taa savat fa'ipul malaan sena yaan a mataa ina fenau i taa savat. La yaan aave a tavegof e a maana mo lana i taa taxapus pana felingaian molava e ri taa raam e femalit. E vaxa xavala e maana mo xuluna sait, a fata i taa faram fapalauan xapine.

2 Pita 3:10 ပူးပေါင်းရင်းမြစ်များ

Matiu 24:35

A xunavata e xavala ri taa taxapus taasaxa a ferawaian siak i taa pife taxapus.

Maak 13:31

Pe laa'ui la finavata e nabe' la xavala a maana mo xapiak ri taa taxapus, taasaxa ferawaian siak i taa pife taxapus.

Luuk 12:39

E na Yesus a kuus fulaa, “Famatavas a lamonan simi: tamo mataa tafuna lifu fo texaas sena so ta yaan a mataa ina fenau i taa savat, a mataa tafuna lifu aave i taa faxatang a lifu talo mataa saat i taa pife laak lana.

A Si Pol Lagasai Xe Sina Mu Rom 8:20

Ri taxa waan bange senaso a Piran xa a bugut nari pana maana lagafan naboxo. Ri baiane taasaxa Piran a bugut nari talo ri taa waan bang a yaan ina mulusaan nari.

1 Korin 1:8

Nane, i taa tao faagutan nami talo mi taa pife poxo. E mi taa pife vupuno la yaan fataxapiak aava yaan si Memai Yesus Krais sitaara.

1 Korin 5:5

mi taa lisan a mataa aanabe' xe si Setan talo i taa kawaasan a vubuxanan ti la xavala sina mataa aave e la yaan a Memai i taa ulaamaan a vovau ina mataa aave i taa fakaxupan.

2 Korin 1:14

malaan: paamua mi fo masam famodak semaam e naboxo mi tafe masam xapiak o mi fexaxaas sena ferawai falalava semaam malaan se' maam taa ferawai falalava semi la yaan si Memai Yesus.

1 Tesalonaika 5:2

Senaso mi texaas o a Memai i taa savat fa'ipul malaan sena mataa ina fenau aava savat la vung.

1 Tesalonaika 5:4

Taasaxa nami mu fetinan, a yaan aave i taa pife savat fa'ipul nami malaan sena mataa ina fenau senaso mi pife waan la suk.

2 Pita 3:11

Lavaxa, a maana mo aanabe' a Piran taa galas nari; e voxo nami, mi taa usi tuunei a so ta buk vilaana? A toyan simi ri taa faxalit a mu vilaana fatak e mi taa waan lapaana mu vilaana sina Piran.

2 Pita 3:12

Mi taa waan bang a yaan sina Piran e vaxa mi taa faisok faagut talo a yaan aave i taa savat fataapus. La yaan aave a tavegof i taa raam e femalit e maana mo aava ri fuuna waan lana, ri taa faram xapinan.

2 Pita 3:7

A Piran fo kuus fanai sena maana mo aava ri taxa waan naboxo pe la xunavata e xuluna xavala, o a fata ina fakasanaman i taa kawaasan nari, taasaxa piau lunai. I taa vil malaane lana yaan ina tiisan; la yaan aave a mu rabuna aava ri pife usi a Piran ri taa tiisan e ri taa siak a fakasanaman xari.

Juut 1:6

E saxano angelo aava ri pife bilai faroxo lana nobina siri taasaxa ri ta'ulane, nane timin nari lana bina aava suk e pis nari pana ʻseinʼ aava waan vulai talo i taa tiis nari layaan a yaan ina tiisan lava sina i taa savat.

Kuusan Fasavatan 16:15

“Faaxatang! Ne savat marasaxa, malaan sena mataa fafenau. Nase' ta mataa aava i taxa para, i taa faamamaas senaso i taa pife sangas xavuul e i taa pife mangil!”

Kuusan Fasavatan 20:11

E ne ti kaalum e ne xalum a saxa ivin lava pasak. E Saxa malaan sena mataa taxa nai xuluna. A xavala e mu vata ri pife fexaxaas sena waan la nobina sina e ri malit paaliu, ri pife savat fulaa.

Kuusan Fasavatan 21:1

E naboxo ne xalum a xunavata fa'ui e xavala fa'ui. Senaso a xunavata mata e xavala mata, re fo taxapus e a laman vaxa pife waan fulaa.

Kuusan Fasavatan 3:3

E voxo, lamon fa'uli a fepitaian mi fo langaie e mi usi fataxe e puk tapin nami xa xasena vilaana saat simi. Tamo mi taa pife para, ne taa savat fa'ipul malaan sena mataa fafenau e mi taa pife texaas sena savatan siak.

Kuusan Fasavatan 6:14

E a vata femalit malaan sena vem aava tefin taxa fuluse e maana mu put xapiak e maana xurunusa vaxa, ri talaput tapin a vaveri.