2 Pita 3:1 - A Turoxoian Fa'ui Sina Piran

¹ Kamu fesing; a lagasai aanabe' a faataraguiaana lagasai aava ne fo xaleie e ne fo lisane xe simi. Lana ro lagasai xapiak ne fo faisok pana falamon fa'uliaan nami sena mu vilaana tuuna xena fasavat a lamonan fatak lana putumi.

Kara

¹ Kamu fesing; a lagasai aanabe' a faataraguiaana lagasai aava ne fo xaleie e ne fo lisane xe simi. Lana ro lagasai xapiak ne fo faisok pana falamon fa'uliaan nami sena mu vilaana tuuna xena fasavat a lamonan fatak lana putumi.

2 Pita 3:1 ပူးပေါင်းရင်းမြစ်များ

Matiu 5:8

Nari aava vulai ri vubuk sisiak xe sina Piran, naboxo a naian siri a roxo paaliu senaso ri taa xalum a Piran.

2 Korin 13:2

Ne fo pebukan nami layaan ne waan xuvul pami la fataraguiaana yaan. E naboxo layaan ne pife waan xuvul pami lunai, ne pebukan nami o layaan ne ulaamaan fulaa piau ta mataa aava fo vil a saat paamua o ta xasanofuna, ri fexaxaas sena sinufanaana fakasanaman siak.

1 Timoti 5:22

Muta lamon faati fataapus pana noxolaana mataa xena vil a faisok sina Memai senaso a malaan sena no taa laak lana vilaana saat sina tamo no taa bure. Nano sang no bilai faroxo vulai.

2 Timoti 1:6

Sena namkaian siim ne buk falamon fa'uli nano o a Piran xo a tavai nano pana tatavai sina xaanum layaan ne noxol nano. Nane pife tavai netaare pana matautan, piau, nane tavai netaare pana gutan e vubuxan xasingitan e a faxatangan roxo. E voxo fatateak fulan a mu tatavai siim.

Hibru 6:9

Taasaxa kamu fesing, naapalaan maam taa ferawai malaan nabe', maam texaas faagut semi. Maam texaas o nami, mi toxan a mu kuus faatulaian roxo aava ri xavil ina fakaaxupan simi.

1 Pita 1:22

Naboxo mi fo gon faroxoi nami xa pana usi fatak a tuunayan aava ferawaian tuuna sina Piran e mi masam faroxo sena vilaana ina vubuxan xasingit a mu rabuna ina namkai. Lavaxa, faisok faagut talo mi taa fevubuxan xasingit nami xa pana xunus imi xapiak.

1 Pita 2:11

Kamu fesing, ne faxaar nami: taagul malaan sena mu topen e saxong xuluna xavala aanabe'. E voxo muta femilungai pana mu vubuxanan saat ti la vipin imi, a vubuxanan ina vipin aave ri fuuna rawen xuvul pana xunus ina mataa.

2 Pita 3:14

Kamu fesing, mi taxa waan bang a yaan lava aave, bo? Lavaxa, faisok faagut talo mi taa waan fatak lapaana xakaaluman sina Piran pana daaruum e piau ta vusiit o fomirak saatan.

2 Pita 3:17

Taasaxa nami xo, kamu fesing, mi fo texaas sena vilaana saat aanabe'. Faxatang nami xa talo a milungan sina maana rabuna ina faananaak i taa pife yuuf tapin nami ulaa mi tamaa poxo ti la nobina fatak e roxo simi.

2 Pita 3:8

Taasaxa muta malufaana mo aanabe': lana xakaaluman sina Piran a yaan saxa a malaan sena mariaas 1,000 e a mariaas 1,000 a malaan sena yaan saxa.

Juut 1:5

Ne texaas o mi masam faroxo sena maana mo xapiak aanabe', taasaxa ne buk falamon fa'uli nami sena vilaana sina Piran layaan nane xel fakaxup a mu Israel ti Isip. Nane fo xel nari xapiak taasaxa lumui nane punuk tapin nari aava ri pife namkai sena.