2 Korin 5:15 - A Turoxoian Fa'ui Sina Piran

¹⁵ Nane maat pataara xapiak talo nari aava ri taxa namkai, ri taa pife usi fulan a vubuxanan siri xa, taasaxa ri taa usi a vubuxanan sina aava maat e to fa'ulaa pari.

Kara

¹⁵ Nane maat pataara xapiak talo nari aava ri taxa namkai, ri taa pife usi fulan a vubuxanan siri xa, taasaxa ri taa usi a vubuxanan sina aava maat e to fa'ulaa pari.

2 Korin 5:15 ပူးပေါင်းရင်းမြစ်များ

A Lagasai Roxo Na Jon A Xaleie 5:24

“Ne xuus tuunei nami, tamo ta mataa aava langai a ferawaian siak e namkai sena Saxa aava fo fengau, a mataa aave a toxan a toyan vulai. E nane aave i taa pife xalum a yaan ina tiisan senaso nane fo xasliu a maatan e taxa to.

A Lagasai Roxo Na Jon A Xaleie 6:57

Ta mataa aava i taa ngan vulanau i taa to senaso nenia, ne taxa to. A mo aanabe' a fexaxaas senaso na Tamataara fo fengau e ne taxa to vulai lapaa Tamataara.

A Si Pol Lagasai Xe Sina Mu Rom 12:1

E voxo mu fetinan siak, senaso a Piran, lana mamaaluxan molava sina, fo fangasik netaara, ne fenung faagut xe simi o mi taa tavaie pana vipin e lamonan simi malaan sena tatavai aava taxa to. Ta'ulan a vubuxanan e lamonan simi xena usi fatak a vubuxanan e lamonan sina Piran sang mon. Tamo mi vil malaane a Piran i taa faamamaas paaliu pana tatavai simi. A vilaana aanabe' a salan roxo xena lotu xe sina Piran.

A Si Pol Lagasai Xe Sina Mu Rom 4:25

E a turoxoian lisan na Yesus xe siri talo ri taa punuxe xena maat sui a maana saatan sitaara e mui a fatatoi fa'ulie xena fatiginei fatak netaara la matana.

A Si Pol Lagasai Xe Sina Mu Rom 6:2

Paamua netaara aava taara namkai, taara waan lapaana gutan ina mu vilaana saat. Taasaxa, naboxo taara fo maat sena vilaana saat sitaara. E voxo taara fexaxaas sena vil a saat fulaa malaafaa?

A Si Pol Lagasai Xe Sina Mu Rom 6:6

Taara texaas o a mu vilaana e lamonan sitaara ti lumua ri fo maat xuluna bolo xuvul pa Krais e voxo a mu vilaana saat sitaara ri fo taxapus xo. E naboxo a gutan ina vilaana saat i taa pife fayaasok fulan netaara.

A Si Pol Lagasai Xe Sina Mu Rom 8:10

Taasaxa tamo a Vovau si Krais a waan la xunus imi, a vipin simi a maat sena vilaana saat taasaxa vovau imi taxa to senaso a Piran xa a fatiginei fatak nami la matana.

A Si Pol Lagasai Xe Sina Mu Rom 8:2

senaso lana xuvulaian xuvul pa Krais Yesus a Vovau ina Toyan Tuuna a mulus tapin netaara sena vuputkai aava fasavat a vilaana saat e a maatan.

A Si Pol Lagasai Xe Sina Mu Rom 8:6

A lamonan sina mataa fafaasaal a fasavat a maatan. Taasaxa layaan a Vovau Xaradak a paamuian a lamonan sina mataa i taa fasavat a toyan e luaian la xunus ina.

1 Korin 10:33

Mi taa usi a vilaana siak: ne faisok faagut vulai xena fafaamamaas a mu rabuna xapiak. Ne pife lamon pana so ta mo i taa xavangau taasaxa ne lamon pana mu rabuna xapiak talo ri taa fakaxupan.

2 Korin 12:10

Ne faamamaas pana marurupaxan, a kasalan, mu lagafan, a vil penganaan nenia e a matafanan aava savat sena xuvulaian siak xuvul pa Krais. Senaso layaan nenia, ne marupak, lana yaan aave ne toxan a gutan.

2 Korin 3:6

Nane fo siak fati nemaam xena sisiak sena turoxoian fa'ui. A turoxoian aave pife savat sena mu vuputkai aava waan xuluna faat taasaxa savat sena Vovau senaso a vuputkai fasavat a maatan e a Vovau a tatavai pana toyan.

2 Korin 5:16

E voxo ti lana yaan aava maam namkai sena, maam pife tiis a mataa pana lamonan sina rabuna ti la xavala: tuuna, paamua ne tiis na Krais pana lamonan malaan, taasaxa naboxo, piau, piau paaliu.

Galesia 5:25

A Vovau sina Piran fo tavai netaara pana toyan tuuna e voxo taara taa sangas xuvul pana.

Efasis 4:17

E voxo ne xuus nami, tuuna ne fasei nami lana isi Memai o mi muta taagul fulaa malaan sena rabuna aava ri pife Juda senaso a lamonan siri a tavanat e ri fepalau.

Efasis 5:14

senaso a malang a famatavas a maana mo xapiak. E sena mo aanabe' ri kuus malaan: “Para nano aava no taxa matef, tamasiak fa'ulaa ti la mamaat e na Krais i taa lang xulumi.”

Kolaasi 2:12

Mi fo xaafanan xuvul pana layaan mi fo fasufan e mi to fa'ulaa xuvul pana senaso mi namkai o a Piran aava fatatoi fa'uli na Yesus ti la maatan, nane toxan a gutan xapiak.

Kolaasi 3:1

A Piran fo fatatoi fa'uli nami xuvul pa Krais sena namkaian simi. E voxo mi taa lamon fati vulan a maana mo aava ri taxa waan la xunavata senaso na Krais taxa nai pave la vepen pelalava la pamuaan sina Piran.

Kolaasi 3:17

E a so ta mo mi vile, tamo mi ferawai o faisok, mi taa vile lapaana isi Memai Yesus e mi taa kuus faasiroxo pana xe sina Piran.

Kolaasi 3:23

A so ta mo mi vile, faisok faagut pana senaso mi taxa faisok lapaana Memai e pife xe sina saxa mataa mon.

1 Tesalonaika 5:10

Nane maat pataara e naboxo tamo taara taxa to lunai o taara fo maat xo taara fexaxaas sena taagul xuvul pana.

Taitus 2:14

Nane lisan nane xa pataara xena mulus tapin netaara sena saatan xapiak e xena gei tapin a mu lalosaat siri aava ri sina sang mon e ri vubuk o ri taa vil mon a maana mo roxo.

1 Pita 4:6

A Lagasai Roxo fo kuusan fasavatan e nari aava ri fo maat xo, ri fo langaie. A mu rabuna aava ri maat, fo tiisan lana toyan siri senaso maana rabuna xapiak ri taa waan lapaana tiisan; a lagasai aave fo kuusan fasavatan xe siri talo a waanan siri lana vovau i taa malaan sena taagulan sina Piran.

1 Jon 4:9

E voxo a vubuxanan sina Piran xataara a malaan: a Piran fo feng a Natuna xe la xavala talo taara taa siak a toyan vulai sena.

Kuusan Fasavatan 1:18

Nenia, ne taxa to taasaxa paamua ne maat e naboxo ne toxan a toyan xe vulai. E ne toxan a ʻkiʼ taragua, saxa ina Maatan e saxa ina bina lapaana xavala aava ri xalie pana ʻHelʼ.