2 Korin 5:1 - A Turoxoian Fa'ui Sina Piran

¹ Senaso taara texaas o tamo a mu vipin sitaara nabe' la xavala aava malaan sena lifu marapi, ri taa kawaasanan, taara toxan a vipin fa'ui aava Piran a tavai netaara pana; nane xa fo vesane e i taa waan vulai xe vulai la xunavata.

Kara

¹ Senaso taara texaas o tamo a mu vipin sitaara nabe' la xavala aava malaan sena lifu marapi, ri taa kawaasanan, taara toxan a vipin fa'ui aava Piran a tavai netaara pana; nane xa fo vesane e i taa waan vulai xe vulai la xunavata.

2 Korin 5:1 ပူးပေါင်းရင်းမြစ်များ

Maak 14:58

“Ne langai na Yesus a kuus malaan, ‘Ne taa ngas tapin a lifu lotu aava mi vesane pana mami e lana yaan talatul ne taa vesan fa'ulie taasaxa ne taa pife vesane pana maak.’”

Faisok 7:48

“Taasaxa a Piran Laa'ui Paaliu a pife taagul lana lifu aava mu rabuna ri vesane, bo? Nane fo kuus pana la ngusuna mu rabuna ina kuus fatuxai malaan:

1 Korin 3:9

Langaiau! Nemaame ve maame ro mataa tatara'uma sina Piran e nami ve mi uma sina. E xasa ferawaian paap a malaan, nami ve mi lifu aava Piran taxa vesane.

2 Korin 4:7

Taasaxa, maam toxan a fafanaian aanabe' lana mo titifai aava ri vesane pana xavala xena faxaalit o a maana gutan molava paaliu aanabe' a filimaan sina Piran e pife simaam.

2 Korin 5:4

Layaan taara waan lana vipin ti la xavala aanabe', taara nas maat e taara toxan a mu lagafan senaso taara bai waan xavuul, piau taara buk falak a vipin fa'ui sitaara ti la xunavata talo a toyan fa'ui aave i taa xanam xapin a mo aava i taa maat.

Kolaasi 2:11

Layaan mi faxuvul xuvul pa Krais a maana vilaana saat ti la xavala ri fo siak tapinan. A siak tapinan aanabe' a malaan sena vilaana ina vuputuk, taasaxa, a savat la xunus imi e pife la vipin.

2 Timoti 1:12

A maana faisok aave a fufuna maasaxan siak. Taasaxa ne pife mangil sena Lagasai aanabe' senaso ne namkai sena saxa aava fasavate e ne texaas tuuna o nane xa a fexaxaas sena faxatang faroxoi a maana mo aava nane turoxoian lisane xe siak fefexaxaas a yaan lava.

Hibru 11:10

Vulai na Abrahem i taxa waan bang a bina aava Piran fo lamone e fo vesane, a bina pana mu fufuna tateak aava taa waan xe vulai, vulai.

Hibru 9:11

Taasaxa na Krais fo savat pana ngavuk ina Memai Priis xena paamuian a maana mo roxo xapiak aava nane fo siaxe xataara. A nobina aava nane faisok lana a pelalava e peraroxo. A nobina aave pife mo a mataa fo vesane, piau. A pife waan la tavegof o xuluna xavala aanabe'.

Hibru 9:24

Na Krais a pife laak lana Nobina Taap aava mu rabuna tuuna fo vesane, piau. A Nobina Taap aave a xaxaalua mon ina mo tuuna. Taasaxa nane fo laak xe laa'ui la xunavata e nane savat la matana Piran xena vil a faisok xataara.

1 Pita 1:4

E fulaa, nane fo timin bang a sepirigus xami pe lana bina sina, la xunavata. E a sepirigus simi ve, piau ta saxa fexaxaas sena tapin pataxe o kawaasane o vil famodaxe. A sepirigus aave taxa waan bang nami pave la xunavata; xami aava Piran taxa faxatang nami pana gutan sina. Nane taxa vil malaane pana namkaian sitaara talo taara taa siak a fakaaxupan sitaara aava nane taa fasavate lana mu yaan fataxapiak.

2 Pita 3:11

Lavaxa, a maana mo aanabe' a Piran taa galas nari; e voxo nami, mi taa usi tuunei a so ta buk vilaana? A toyan simi ri taa faxalit a mu vilaana fatak e mi taa waan lapaana mu vilaana sina Piran.

1 Jon 3:14

Taara texaas o taara fo laak xe la nobina ina toyan e ta'ulan a nobina ina maatan senaso taara vubuxan xasingit a mu fetinan. A mataa aava pife vubuxan xasingit a mu tina, i taxa waan la maatan lunai.

1 Jon 3:19

e voxo taara taa texaas o taara usi a ferawaian tuuna. E tamo taara taa mamaxus pana matautan sena vilaana xavai sitaara, a masaman sitaara i taa faluai netaara la matana Piran

1 Jon 3:2

Ai, mu fetinan, taara taxa waan a mu rafulak sina Piran e naboxo a pife matavas lunai o taara tafe savat malaafaa. Taasaxa taara texaas o la yaan na Yesus i taa sivimaan fulaa, taara taa xalume senaso taara taa fexaxaas malaan sena.