2 Korin 4:14 - A Turoxoian Fa'ui Sina Piran

¹⁴ senaso maam texaas o nane aava fatatoi fa'uli na Memai Yesus ti la mamaat, i taa fatatoi fa'uli nemaam vaxa xuvul pa Yesus e i taa faxuvul nemaam xuvul pami la matana.

Kara

¹⁴ senaso maam texaas o nane aava fatatoi fa'uli na Memai Yesus ti la mamaat, i taa fatatoi fa'uli nemaam vaxa xuvul pa Yesus e i taa faxuvul nemaam xuvul pami la matana.

2 Korin 4:14 ပူးပေါင်းရင်းမြစ်များ

Luuk 21:36

E voxo, faxatang faroxo vulai e fenung talo no fexaxaas sena sinufan a maana mo aava i taa savat e no taa tigina la nona Natuna Mataa.”

Faisok 2:24

Nami xa, mi punuxe. Taasaxa Piran xo a fatatoi fa'ulie e mulus tapine sena maasaxan ina maatan senaso a maatan a pi ta gutan fexaxaas xena tao fatateak vulan na Yesus.

Faisok 2:32

E lana yaan aanabe' a Piran a fatatoi fa'uli na Yesus e nemaam xapiak xa, maam xalume.

A Si Pol Lagasai Xe Sina Mu Rom 8:11

E tamo a Vovau sina Piran aava fatatoi fa'uli na Yesus ti la maatan, a waan la xunus imi, a Piran naang i taa tamana fatatoi fa'uli a vipin simi vaxa, sena gutan ina Vovau sina aava waan la xunus imi.

1 Korin 6:14

A Piran a fatatoi fa'uli a Memai ti la maatan pana gutan sina e i taa fatatoi fa'uli netaara vaxa pana gutan naang.

2 Korin 11:2

Nenia, ne taxa lamon vulai semi malaan sena Piran xa taxa lamon vulan nami. Ne malaan sena tamana tefin e a tefin aave piau ta lalosaat xena fakalimaan a tamaian sina xe sina saxa mataa. Layaan ne tavai na Krais pami ne vubuk rao mi taa waan failai e mi taa piau ta lalosaat.

Efasis 5:27

xena lisanaan nari xe sina xa: a rabuna magaaf pana piau ta vusiit o fifius o ta xasano mo mosaat taasaxa pana xaradaxan e piau ta lalosaat.

Kolaasi 1:22

Taasaxa, naboxo a Piran fo fesingan nami sena maatan si Krais. E nami, mi fexaxaas sena tigina la matana pana piau ta lalosaat. A tuuna, mi piau ta vusiit e piau ta mataa i taa gel tifi nami.

Kolaasi 1:28

Nemaam pana masaman xapiak simaam, maam kuus vulai e maam baras a mu rabuna e fapiti nari talo ri tafe matalava lana namkaian siri se Krais e ri taa tigina fatak la matana Piran pana piau ta saat.

1 Tesalonaika 4:14

Taara namkai o na Yesus fo maat e to fa'ulaa e vaxa taara namkai o lana yaan layaan na Yesus i taa ulaamaan fulaa, a Piran i taa lisanmaan a mu rabuna aava ri namkai e ri fo maat xo, xuvul pa Yesus.

Jems 5:15

E a fenungan aava ri ferawai pana lapaana namkaian siri i taa vil faroxoi a mataa aava giis; e a Memai sitaara i taa yaas fatigineie. Tamo nane fo vil a vilaana saat, a Piran taa lamon tapin a saatan sina.

Juut 1:24

A Piran a fexaxaas sena faxatang faroxoi nami talo mi taa pife kalaxoi. Nane fexaxaas sena lisan nami xe lana bina aava lang pana roxoyan sina. I taa saf tapin a maana miraxana vusiit xapiak semi e mi taa faamamaas.