2 Korin 1:19 - A Turoxoian Fa'ui Sina Piran

¹⁹ A Natuna Piran, na Yesus Krais aava nemaatul Timoti e na Sailas, maatul kuusan fasavate la palou imi, nane pife kuus pana “Aang” e “Piau”. Nane fuuna kuus vulai mon pana “Aang”.

Kara

¹⁹ A Natuna Piran, na Yesus Krais aava nemaatul Timoti e na Sailas, maatul kuusan fasavate la palou imi, nane pife kuus pana “Aang” e “Piau”. Nane fuuna kuus vulai mon pana “Aang”.

2 Korin 1:19 ပူးပေါင်းရင်းမြစ်များ

Matiu 17:5

La fena ferawaian sina a vata rarapak maa xafut nari e a ling ti la vata aave a ferawai malaan, “Nabe' ve a lak siak aava ne vubuxan xasingite. Nane fuuna fafaamamaasau. Langaie!”

Matiu 24:35

A xunavata e xavala ri taa taxapus taasaxa a ferawaian siak i taa pife taxapus.

Matiu 27:40

e ri kuus, “Nano, no kuus o no taa ngas tapin a tang lifu lotu e vesan fa'ulie lana yaan talatul, lavaxa fakaxup nano xa. Tamo nano ve no Natuna Piran sivimaan ti xuluna bolo aave!”

Matiu 27:54

Layaan a paamua sina rabuna ina rawen e mu rabuna ina rawen aava ri waan xuvul pana xena faxatang na Yesus ri xalum a mara'ulia e xasano mo aava savat, ri mataut faagut e ri kuus, “Tuuna paaliu, nane ve a Natuna Piran.”

Matiu 3:17

E a ling ti laa'ui la xunavata a kuus, “Nane na natuk, ne vubuxan xasingite, nane fafaamamaasau.”

Matiu 4:3

Na Setan aava saxa xena valamaana, a savat sina e kuus, “Tamo nano ve no Natuna Piran, xuus a mu faat o ri taa savat bret.”

Maak 1:1

A Lagasai Roxo se Yesus Krais aava lak sina Piran, a tangpat malaan:

Luuk 1:35

A angelo aave a suie, “A Vovau Xaradak i taa savat siim e a gutan sina Piran pana Isin Molava Paaliu i taa xafut nano. E no taa luk a Lak Xaradak e ri taa xalie pa Natuna Piran.

A Lagasai Roxo Na Jon A Xaleie 1:34

Ne fo xalum a fakalimaanan aanabe' e ne kuus faagut o nane ve a Natuna Piran.”

A Lagasai Roxo Na Jon A Xaleie 1:49

Na Nataaniel a suie, “Mataa ina Fepitaa, nano, no Natuna Piran; nano, no Piran King sina mu Israel.”

A Lagasai Roxo Na Jon A Xaleie 19:7

A mu Juda ri xuuse, “Maam toxan a vuputkai e lapaana vuputkai aanabe' maam taa punuxe senaso nane kuus o nane a Natuna Piran.”

A Lagasai Roxo Na Jon A Xaleie 20:28

E na Tomas a suie, “Nano, no Memai siak. No Piran siak.”

A Lagasai Roxo Na Jon A Xaleie 20:31

Taasaxa maana mo aava ri waan lana xakalayan aanabe' ne xaleie talo mi taa namkai o na Yesus a Mataa Failai (na Messia) e a Natuna Piran. E layaan mi taa namkai sena mi taa siak a toyan sina lapaana gutan ina isina.

A Lagasai Roxo Na Jon A Xaleie 3:16

“Senaso, a Piran a vubuxan xasingit a mu rabuna xapiak la xavala e voxo nane turoxo pana maatan sina Lak Tomexaan Fatak sina talo nase' ta mataa aava i taa namkai sena, i taa pife maat, taasaxa i taa toxan a toyan vulai, vulai.

A Lagasai Roxo Na Jon A Xaleie 6:69

e maam fo namkai e masam tuuna o nano, no Saxa Mataa Taap sina Piran.”

A Lagasai Roxo Na Jon A Xaleie 8:58

Na Yesus a xuus nari, “A tuuna paaliu, ne xuus nami: paamuina luluuxan si Abrahem nenia, ne fo waan!”

Faisok 15:22

E mui, a mu yaamut e mu matalava xuvul pana mu rabuna xapiak ina lotu, ri lamon o ri taa siak fati a saxano rabuna ti la palou iri xena fengaan nari xe puaa Antiaak xuvul pa Pol nare Baanabas. E ri siak fati na Judas, xasa isina na Basaabas e na Sailas, a rovaat aava mu fetinan ri suai sere.

Faisok 16:1

E mui re falet laa xe Daabe e Listra. Pe Listra a toxan a mataa fa'ui aava namkai se Yesus, isina na Timoti. Na ninana a tefin Juda aava namkai taasaxa na tamana ti Griik.

Faisok 18:5

Layaan na Sailas nare Timoti re savat ti Mesidonia, na Pol a kuusan fasavat vulan a Lagasai Roxo e a xuus fatexaas a mu Juda o na Yesus ve a Mataa Failai sina Piran.

Faisok 8:36

Layaan re taxa faxa'usi et a salan, re savat la xasing ina raarum e a mataa Itiopia a kuus, “Kaalum, a raarum. Xenaso ne taa pife fasufan xo?”

Faisok 9:20

Nane falet fatak xe la mu lifu ina faxuvulan e a fapiti nari o na Yesus ve a Natuna Piran.

2 Korin 1:1

Nenia na Pol: ne saxa yaamut si Krais Yesus sena vubuxanan sina Piran. Ne waan nabe' xuvul pa Timoti, na titaara e maame lisan a lagasai aanabe' xe simi, mu rabuna sina Piran pe Korin, xuvul pana mu rabuna fatak aava ri waan pe Esia.

1 Tesalonaika 1:1

Nenia na Pol, xuvul pa Sailas e na Timoti, maatul lisan a lagasai aanabe' xe simi mu Tesalonaika aava mi rabuna sina Piran Tamataara e na Memai Yesus Krais. Ne vubuk o a xakaavangan xatam e a luaian re taa waan xulumi.

2 Tesalonaika 1:1

Nenia na Pol, ne waan nabe' xuvul pa Sailas e na Timoti e maatul lisan a lagasai aanabe' xe simi mu Tesalonaika aava mi rabuna sina Piran Tamataara e na Memai Yesus Krais.

1 Timoti 3:16

A tuuna paaliu, paamua taara pife masam sena fufuna namkaian sitaara, taasaxa naboxo, a Piran a fasavate la matavas: “Na Krais Yesus maa savat la xavala malaan sena mataa, A to fa'ulaian sina a faxaalit o nane ve na Natuna Piran, A mu angelo ri xalume, A mu rabuna aava ri namkai ri kuusan fasavate la mu bina xapiak, A maana rabuna pe la mu bina xapiak ri namkai sena, E a Piran a xel falaxe xe lana miridingan sina.”

Hibru 1:11

E a maana mo aave ri tafe malit, taasaxa nano xo, no taa waan. Nari, ri tafe xavai malaan sena mu marapi.

Hibru 13:8

Na Yesus Krais a fexaxaas la maana yaan xapiak, lanef, tanin e mafu e xe vulai.

1 Pita 5:12

Ne xalei a fomirak lagasai aanabe' pana xakaavangan si Sailas aava ne lamon o nane a tiak tuuna lana fatataganan si Krais. Ne vubuk xuus faagutan nami e ne fakalimaan xe simi o a ferawaian aanabe' a toxan a xakaavangan xatam tuuna sina Piran. Tigina fatateak lana.

2 Pita 1:17

E vaxa a Piran aava na Tamana, a tavaie pana isin lava e miridingan layaan a ling vipirigaan ina miridingan magaaf ti la xunavata a kuus: “Nabe' na Natuk aava ne vubuxan xasingite senaso nane fuuna fananam vulanau.” Matiu 17:5; Maak 9:7; Luuk 9:35.

1 Jon 1:3

E a lagasai roxo aava nemaam fo xalume e maam fo langaie, maam taxa kuusan fasavate xe simi senaso maam vubuk o mi taa waan xuvul pamaam. A fetuwaanan aanabe' sitaara i taxa waan xuvul pa Piran Tamataara e Natuna, na Yesus Krais.

1 Jon 5:20

E taara texaas o a Natuna Piran fo savat e fo tavai netaara pana masaman talo taara taa taraxali a Piran tuuna. E taara taxa lo taagul xuvul pana e pa Natuna, na Yesus Krais. Nane ve a Piran tuuna e Toyan vulai, vulai.

2 Jon 1:9

A mataa aava i taa pife waan lapaana fepitaian si Krais taasaxa i taa tafang xasliuane, nane taa milung sena salan sina Piran. Nase' ta mataa taxa taagul fatak lapaana fepitaian si Krais, nane sina Piran narie Natuna.

Kuusan Fasavatan 1:11

A ling aave a kuus malaan, “A maana mo no taa xalume, no taa xaleie lana lagasai e no taa lisan a lagasai aave xe la nu lifu lotu pisiguak aanabe': xe la lifu lotu pe Efasis, xe la lifu lotu pe Samirna, xe la lifu lotu pe Pergamam, xe la lifu lotu pe Taiataira, xe la lifu lotu pe Saardis, xe la lifu lotu pe Filadelfia, xe la lifu lotu pe Leodisia.”

Kuusan Fasavatan 1:17

Layaan ne xalume, ne poxo la kana malaan se' ne maat. Taasaxa nane a tawau pana mana pamuaan e kuus malaan, “Muta mataut, nenia ve ne Paamua e ne Fataxapiak.

Kuusan Fasavatan 1:8

A Piran Laa'ui a kuus malaan, “Nenia, a isaak na Elfa e na Omega senaso ne waan la fatitapang e ne taa waan la fataxapiak sait. Ne taxa waan naboxo, ne fo waan ti kavai e ne taa filimaan fulaa. Ne peraroxo!”

Kuusan Fasavatan 2:18

“Xe sina sisiak siak aava taxa paamuian a mu rabuna ina lotu pe Taiataira, no taa kala malaan: a Natuna Piran aava toxan a ro matana malaan sena radaam ina fata e kana malaan sena ʻaianʼ miraal, a kuus malaan: