1 Timoti 5:18 - A Turoxoian Fa'ui Sina Piran

¹⁸ A Ferawaian sina Piran a kuus malaan: “Muta pis votan a valana bulmakau sena fangan layaan i taxa xavang nano pana faisok siim.” Vuputkai 25:4. e “A mataa faisok i taa siak a mamareiai ina faisok roxo sina. A mo malaan a roxo.” Luuk 10:7.

Kara

¹⁸ A Ferawaian sina Piran a kuus malaan: “Muta pis votan a valana bulmakau sena fangan layaan i taxa xavang nano pana faisok siim.” Vpt 25:4 e “A mataa faisok i taa siak a mamareiai ina faisok roxo sina. A mo malaan a roxo.” Lk 10:7

1 Timoti 5:18 ပူးပေါင်းရင်းမြစ်များ

Matiu 10:10

muta yaas a bi pana maana mo pami; muta siak a marapi ina vupungan o ʻslipaʼ o xipa fulaa. A rabuna ri taa fakas a mataa ina faisok pana fanganan e a maana mo xana.

Luuk 10:7

Taagul pave la lifu ina luaian, fangan e num a so ta mo ri tavai nami pana senaso a mataa ina faisok i taa siak a mamareiai ina faisok sina. Muta falet xolai xe la lifu xaves.

A Si Pol Lagasai Xe Sina Mu Rom 10:11

Taara texaas sena, senaso a Xakalayan Taap a kuus, “Nase' ta mataa a lisan tuunei nane xa xe si Yesus aava Memai sitaara, i taa pife famangilan.” Aisaia 28:16.

A Si Pol Lagasai Xe Sina Mu Rom 11:2

A Piran pife gigiran a mu Juda aava lokavai mupiis nane siak fati nari. Mi texaas vaxa sena xuuskuus pa Ilaija aava waan lana Xakalayan Taap, bo? Nane fenung xe sina Piran e xuuse pana maana vilaana saat sina mu Juda.

A Si Pol Lagasai Xe Sina Mu Rom 4:3

A Xakalayan Taap a kuus o na Abrahem a namkai sena Piran. E voxo sena namkaian aave mon a Piran a xalie pana mataa fatak.

A Si Pol Lagasai Xe Sina Mu Rom 9:17

E taara texaas o a Piran a siak fati a saxano rabuna xena kawaasanaan nari senaso lana Xakalayan Taap a xuus na Fero aava paamua lava ti Isip, malaan: “Ne fakalimaan nano pana vepen siim xena fasavat a vubuxanan siak. Ne taa faxalit a mu rabuna pana gutan siak e voxo ne taa fakasanam nano layaan no gigiranau. E a mu rabuna xapiak la xavala ri taa texaas sega.” Ta'ulanan 9:16.

1 Korin 9:14

E malaanabe' a Memai fo fefasaa o nari aava ri kuusan fasavat a Lagasai Roxo ri taa siak a maana mo ina waanan siri sena.

Galesia 3:8

Lana Xakalayan Taap a kuus o a Piran taa fatiginei fatak a mu rabuna aava ri pife Juda sena namkaian siri. E a Piran a xuus na Abrahem pana Lagasai Roxo layaan a kuus fanai xe sina malaan: “A mu rabuna xapiak ri taa siak a roxoyan sema.” Tangpat 12:3.

Jems 4:5

Mi lamon o a xakalayan aanabe' piau ta fufuna layaan a kuus o a Piran a vesan a viu ina mataa e taxa faxatange sena vilaana ina xinaas?