1 Timoti 1:17 - A Turoxoian Fa'ui Sina Piran

¹⁷ Nangus a Piran pana suaian e kuus fati a isina senaso nane ve a saxa aava Piran King vulai xe vulai e i taa pife maat. A saxa aava taara pife fexaxaas sena xalume. Nane ve a Piran. A tuuna.

Kara

¹⁷ Nangus a Piran pana suaian e kuus fati a isina senaso nane ve a saxa aava Piran King vulai xe vulai e i taa pife maat. A saxa aava taara pife fexaxaas sena xalume. Nane ve a Piran. A tuuna.

1 Timoti 1:17 ပူးပေါင်းရင်းမြစ်များ

Matiu 25:34

“E mui a King aave i taa kuus xe siri mu rabuna la pamuaan sina, ‘Filimaan, nami aava na Tamaang a ferawai fararoxo semi. Filimaan, siak a maana roxoyan ina fatataganan sina aava nane faigotane xami paamuina yaan nane vesan a xavala.

Matiu 28:20

e fapiti nari xena langai fatak a maana vuputkai aava ne fo tavai nami pana. E nenia xo, ne taa waan vulai xuvul pami fefexaxaas a yaan a xavala aanabe' i taa taxapus.”

Matiu 6:13

E muta lisan nemaam xe lana vavalam taasaxa tivotan nemaam xasena gutan ina saatan.’

A Lagasai Roxo Na Jon A Xaleie 1:18

Piau ta mataa fo xalum a Piran taasaxa, a Saxa aava fuuna waan faasilak se Tamataara, nane ve a Piran e Lak Fatak Mon e fo waan la xasing ina. Nane fo faxalit a Piran xe sitaara.

A Lagasai Roxo Na Jon A Xaleie 5:44

Malaafaa mi fexaxaas sena namkai layaan mi lalamon temasaat sena suaian simi e mi pife seng a suaian aava Piran fatak a fexaxaas sena tavai nami pana.

A Si Pol Lagasai Xe Sina Mu Rom 1:20

A salan aave a malaanabe': ti lana tangpat layaan a Piran a vesan a maana mo xapiak, a mu rabuna ri fexaxaas sena texaas sena. E vaxa ri fexaxaas sena masam faroxoi a gutan sina Piran Tuuna aava Waan Vulai. Ri pife xalume taasaxa ri texaas sena maana mo nane fo vesane. E voxo ri taa pife favavof o ri vungut sena.

A Si Pol Lagasai Xe Sina Mu Rom 1:23

Ri pife lotu xe sina Piran aava Waan Vulai e pi mamaat. Piau! Ri lotu si xe sina xaxaalua ina saxa mataa aava i taa maat e xe sina maaradaang ina mu maanu o tiir o tiui aava rabuna ri vesane.

A Si Pol Lagasai Xe Sina Mu Rom 11:36

Nane xa a vil fasavat a maana mo xapiak e sena gutan sina mon ri waan vulai. E nane fasavat xapin a maana mo malaan sena vubuxanan sina. A mo roxo paaliu tamo mu rabuna xapiak ri taa kuus fati a isina Piran xe vulai pana piau ta taxapusan ina. A tuuna paaliu.

A Si Pol Lagasai Xe Sina Mu Rom 16:27

Nane sang mon ve a Piran pana texaasan xapiak e netaara xapiak taara taa tavai vulane pana isin lava paaliu lana isi Yesus Krais. A tuuna.

A Si Pol Lagasai Xe Sina Mu Rom 2:10

Taasaxa Piran i taa tavai nari aava ri bilai faroxo pana isin lava, a vepen roxo e a luaian la xunus iri. I taa vil malaane xe sina mu Juda e xe siri aava ri pife Juda vaxa.

A Si Pol Lagasai Xe Sina Mu Rom 2:7

A rabuna aava ri fuuna lo bilai faroxo la matana Piran, ri fuuna seng faagutan a tatavaian sina aava isin lava, suaian e a toyan i taa pife taxapus. E a Piran i taa tavai nari xo pana toyan vulai xe vulai.

Kolaasi 1:15

Na Krais ve a xaxaalua fatak ina Piran aava taara pife fexaxaas sena xalume. E nane ve a lak tuaan aava pelalava sena maana mo xapiak senaso a waan paamuin a maana mo xapiak.

Hibru 11:27

E lapaana namkaian aanabe' nane ta'ulan a bina Isip e pife mataut sena maraleian sina piran king pave. A malaan se' nane xalum a Piran aava piau ta mataa fexaxaas sena xalume e nane usie e a bai puk tapin nane xasena.

Hibru 2:7

No fo timine lapaana mu angelo pana saxanu yaan, e mui no bure pana isin lava e pana miridingan.

1 Pita 5:11

A maana gutan ve sina vulai xe vulai. Pevoxo!

2 Pita 3:18

Taasaxa mi taa fepalak pana xakaavangan xatam e a texaasan sena Memai sitaara, na Yesus Krais, a mataa ina fakaxupaan netaara. Taara taa tavaie pana isin molava paaliu naboxo e xe vulai. A tuuna paaliu.

1 Jon 4:12

Piau ta mataa fo xalum a Piran. Taasaxa layaan taara taxa vubuxan xasingit a maana titaara, a Piran taxa waan lana xunus itaara e a vubuxan xasingitan sina i taa savat tuuna la palou itaara.

Juut 1:25

A Piran saxa mon taxa waan. Nane fo fakaxup netaara pana faisok si Yesus Krais, na Memai sitaara. Ne vubuk o a miridingan, a suaian, a gutan, e a piranan ri taa waan xuluna Piran sang mon. A maana mo aanabe' fo waan xuluna ti la tangpat, e naboxo e fefexaxaas a maana yaan xapiak vulai xe vulai. A tuuna paaliu!

Kuusan Fasavatan 15:3

E ri yangan a yanganan si Moses aava sisiak sina Piran e a yanganan sina Natuna Sipsip. A malaan: “Nano, no Piran pana Maana Gutan Xapiak. A Faisok siim a molava e roxo xasingit. Nano, no Piran ina paamuian a maana rabuna xapiak. A mu vilaana siim ri xaradak e ri tuuna paaliu.

Kuusan Fasavatan 17:14

E nari xapiak, ri taa fevis xuvul pana Natuna Sipsip, taasaxa Natuna Sipsip i taa fa'onam nari senaso nane a Memai sina mu Memai e a Piran King sina mu piran king. E a rabuna u'usi sina ri taa tigina xuvul pana senaso nane fo siak fati nari e xali nari pana rabuna lalangai.”

Kuusan Fasavatan 19:1

E lamina mo aanabe' ne langai a felingaian lava ina malila aava ri waan la xunavata. E ri xukulai malaan: “Aaleluya! A fakaaxupan e malangan e gutan, a mo talatul aanabe' ve sina Piran sitaara

Kuusan Fasavatan 19:16

E xuluna marapi sina e xuluna kana xe laa'ui nane toxan a saxa isin a xaleian malaan: “A Piran King Paamua sina mu piran king e Memai Paamua sina mu memai.”

Kuusan Fasavatan 19:6

E mui ne langai a felingaian ina tang malila e a felingaian siri a molava malaan sena mu xaing molava la nonamaat e malaan sena tang vabarak. E ri xukulai faagut malaan: “Aaleluya! A Tang Piran sitaara pana maana gutan xapiak, nane taxa waan paamuina maana mo xapiak.

Kuusan Fasavatan 7:12

e ri kuus malaan: “A tuuna, faamamaasan e miridingan e texaasan e naangusan e isin lava e gutan e tateaxan, nari xapiak ri sina Piran sitaara vulai, vulai. Pevoxo.”