1 Pita 5:5 - A Turoxoian Fa'ui Sina Piran

⁵ Lavaxa, nami mu xulau, mi taa waan lapaana mu matalava. E nami xapiak mi taa fafalak nami xa pana marapi ina vilaana mam. Mi muta siak fati a isimi xa taasaxa mi taa xavang a xasanofuna senaso a Xakalayan ti Kavai a kuus: “A Piran fuuna gigiran tapin a mu rabuna aava ri siak fati a isiri xa, taasaxa nane fuuna xavang a mu rabuna mam.” Ferawai paap 3:34.

Kara

⁵ Lavaxa, nami mu xulau, mi taa waan lapaana mu matalava. E nami xapiak mi taa fafalak nami xa pana marapi ina vilaana mam. Mi muta siak fati a isimi xa taasaxa mi taa xavang a xasanofuna senaso a Xakalayan ti Kavai a kuus: “A Piran fuuna gigiran tapin a mu rabuna aava ri siak fati a isiri xa, taasaxa nane fuuna xavang a mu rabuna mam.” Fpp 3:34

1 Pita 5:5 ပူးပေါင်းရင်းမြစ်များ

Luuk 22:26

Taasaxa vilaana aanabe' pife vilaana simi, piau! A matalava simi i taa malaan sena lak e a paamua simi i taa xakaavang malaan sena sisiak.

A Si Pol Lagasai Xe Sina Mu Rom 12:10

Naboxo mi waan lana matafetama sina Piran e voxo mi taa vubuxan xasingit a mu rabuna aava ri namkai malaan sena mu timi o mu vasaami e suaian faagutan a xasanofuna.

A Si Pol Lagasai Xe Sina Mu Rom 13:14

Taasaxa, naboxo mi waan xuvul pana Memai sitaara, na Yesus Krais e voxo mi taa usi fatak a vilaana sina. E fulaa, muta lamon o malaafaa mi taa vil famasagei a vubuxanan la vipin imi.

Efasis 5:21

Mi taa waan lapaana xasanofuna senaso mi suai faagut se Krais.

Filipai 2:3

Muta vil a mo xena siak a roxoyan xami mon o xena siak a isin lava, piau. Taasaxa fasivi nami xa e lamon a xasanofuna malaan seri peraroxo semi.

Kolaasi 3:12

E senaso a Piran, lana vubuxanan sina, fo siak fati nami xana, mi piau ta lalosaat la matana. Mi taa falak a maana vilaana roxo malaan: mamaaluxan, fangaasixan, fananapan e vilaana mam e mi taa fasivi nami xa

1 Timoti 5:1

Muta ferawai sarak xe sina mu matalava tomexaan taasaxa ferawai xe siri malaan se tamaam. Bilai faroxo xe sina mu mataa fa'ui malaan sena mu tiam e xe sina mu matalava tefin malaan se ninaam. E bilai faroxo xe sina lutefin fa'ui malaan sena vasaam talo pi ta mataa i taa ferawai fasaat sena vilaana siim.

Hibru 13:17

A vilaana roxo paaliu a malaanabe': mi taa usi a mu paamua simi e mi taa langai a ferawaian siri. Ri taxa lo faxatang a xunus imi senaso ri taa xuus a Piran pana maana vilaana ina faisok siri. Tamo mi taa usi faroxoi nari, ri taa vil a faisok siri pana faamamaasan, tamo piau ri taa faisok pana mimilisaatan e a vilaana aave i taa pife xavang nami.

Jems 4:6

Taasaxa nane taa tavai netaara pana xakaavangan xatam molava sina. E voxo a Xakalayan ti Kavai a kuus fulaa malaan: “A Piran i taa xaiyaasan nari aava ri siak fati a isiri xa taasaxa i taa tavai a mu rabuna mam pana xakaavangan xatam sina.” Ferawai paap 3:34.

1 Pita 3:8

Lavaxa, nami xapiak mi taa nai faxuvul lapaana lamonan saxa e mi taa femuluxan nami xa lapaana nasaman roxo; fevubuxan xasingit nami xa malaan sena mu fetinan e usi a vilaana ina fangaasixan e vilaana mam.

1 Pita 4:1

Mi texaas o ri vil pengan na Yesus e nane yaas a maasaxan. Nami sait, mi taa fagut a lamonan simi talo mi taa faxa'usie. Senaso nane aava fo siak a maasaxan lana vipin ina i taa ta'ulan a vilaana saat.

1 Pita 4:5

Taasaxa ri taa kuusan fasavat a mu vilaana siri la matana Piran aava i taxa tigina xena tiis a mu rabuna aava ri fo maat e nari aava ri taxa to.