1 Pita 4:1 - A Turoxoian Fa'ui Sina Piran

¹ Mi texaas o ri vil pengan na Yesus e nane yaas a maasaxan. Nami sait, mi taa fagut a lamonan simi talo mi taa faxa'usie. Senaso nane aava fo siak a maasaxan lana vipin ina i taa ta'ulan a vilaana saat.

Kara

¹ Mi texaas o ri vil pengan na Yesus e nane yaas a maasaxan. Nami sait, mi taa fagut a lamonan simi talo mi taa faxa'usie. Senaso nane aava fo siak a maasaxan lana vipin ina i taa ta'ulan a vilaana saat.

1 Pita 4:1 ပူးပေါင်းရင်းမြစ်များ

Maak 3:3

E na Yesus moxo, xuus a mataa aava mana tapil, “Tamasiak e no tigina la nona rabuna.”

A Si Pol Lagasai Xe Sina Mu Rom 6:11

Lamon fa'uli a maana mo aanabe' e mi taa texaas o nami xa mi fo maat sena vilaana saat. Taasaxa mi taxa to sena Piran lana xuvulaian simi xuvul pa Krais Yesus.

A Si Pol Lagasai Xe Sina Mu Rom 6:2

Paamua netaara aava taara namkai, taara waan lapaana gutan ina mu vilaana saat. Taasaxa, naboxo taara fo maat sena vilaana saat sitaara. E voxo taara fexaxaas sena vil a saat fulaa malaafaa?

A Si Pol Lagasai Xe Sina Mu Rom 6:7

Lavaxa, taara fo mulus tapinan sena gutan ina saatan senaso nase' ta mataa fo maat sena saatan, a gutan ina saatan i taa pife paamuian fulane.

Galesia 2:20

E naboxo, ne fo niil fataxutanan xuluna bolo xuvul pa Krais e nenia xa ne pife to fulaa taasaxa na Krais xo a tavaiau pana toyan fa'ui sina. E naboxo, lana toyan aava nane fo tavaiau pana, ne taxa to pana namkaian sena Natuna Piran aava vubuxan xasingitau e lisan nane xa paga.

Galesia 5:24

Nari aava ri rabuna si Krais Yesus, ri fuuna gigiran a maana vubuxanan e vilaana siri ti la xavala.

Efasis 6:13

E voxo tao fatateak a maana mo xapiak ina fevisan aava Piran fo tavai nami pana e layaan a yaan ina saatan i taa savat mi taa tigina fatateak. Mi taa pife faatasu famodak sena fevisan aave e layaan a fevisan a taxapus mi taa tigina fatateak lunai.

Filipai 2:5

A fufuna lamonan simi i taa fexaxaas sena fufuna lamonan si Krais Yesus:

Hibru 12:3

Lamon sena lagafan sina e a vil penganan aava nane fo waan fatateak lapaana la palou ina rabuna saat. E voxo muta mamaxus e ta'ulan a sangasan simi.

Hibru 4:10

E voxo a mataa aava i taa siak a fangaafusan aave, i taa fangaafus sena faisok sina vaxa, malaan sena Piran fo fangaafus sena faisok sina.

1 Pita 2:21

A vilaana malaanabe' move, a Piran fo xel nami sena. E na Krais fo waan lapaana maasaxan pami e pana vilaana aanabe' nane fo faxalit nami talo mi taa usi a vilaana sina.

1 Pita 3:18

Na Krais fo yaas a fakasanaman ina faasaalan sitaara faasaxa mon e taxapus xo; a mataa roxo fo maat xataara, mu rabuna saat xapiak, talo nane fexaxaas sena lisan netaara xe sina Piran. A rabuna ri punuk a vipin ina mon taasaxa lana vovau ina, a Piran a fatatoie.